ಬೆಂಗಳೂರು: ಅವರುಗಳು ಪ್ರತಿಭಾನ್ವಿತ ಕ್ರೀಡಾಪಟುಗಳು. ಅಂದು ದೇಶದ ಪರ ಮೈದಾನದಲ್ಲಿ ಹೋರಾಡಿದವರು. ಇಂದು ಕೋವಿಡ್-19ರ ವಿರುದ್ಧ ರಸ್ತೆ ಬೀದಿಗಳಲ್ಲಿ ನಿಂತು ಸಾರ್ವಜನಿಕರಿಗೆ ಅರಿವು ಮೂಡಿಸುವ ಮೂಲಕ ಮಹಾಮಾರಿ ವಿರುದ್ಧ ಹೋರಾಡುತ್ತಿದ್ದಾರೆ. ಪೊಲೀಸ್ ಹಾಗೂ ರೈಲ್ವೆ ಇಲಾಖೆ ಉನ್ನತ ದರ್ಜೆಯಲ್ಲಿದ್ದರೂ ಲಾಕ್ಡೌನ್ ವೇಳೆ ರಸ್ತೆ ಬದಿಯಲ್ಲಿ ನಿಂತು ಕಾರ್ಯನಿರ್ವಹಿಸುತ್ತಿದ್ದಾರೆ. 2007 ಚೊಚ್ಚಲ ಟಿ20 ವಿಶ್ವಕಪ್ ವಿಜೇತ ಭಾರತ ತಂಡದ ಸದಸ್ಯ ಜೋಗಿಂದರ್ ಶರ್ಮ, ರಾಷ್ಟ್ರೀಯ ಹಾಕಿ ತಂಡದ ಮಾಜಿ ನಾಯಕ ರಾಜ್ಪಾಲ್ ಸಿಂಗ್, ಬಾಕ್ಸರ್ಗಳಾದ ಅಖಿಲ್ ಕುಮಾರ್, ದಿವಾಕರ್, ಕಬಡ್ಡಿ ಆಟಗಾರ ಅಜಯ್ ಠಾಕೂರ್ ಸೇರಿದಂತೆ ಅನೇಕ ಮಾಜಿ ಕ್ರೀಡಾಪಟುಗಳು ಕೋವಿಡ್-19ರ ವಿರುದ್ಧ ಹೋರಾಟಕ್ಕೆ ನಿಂತಿದ್ದಾರೆ.
