ಐಪಿಎಲ್​ನಲ್ಲಿ ಸತತ 5 ಸಿಕ್ಸರ್​ ಹೊಡೆದವನಿಗಿಂತ ಚಚ್ಚಿಸಿಕೊಂಡವನಿಗೆ ಅಧಿಕ ಬೆಲೆ!

ದುಬೈ: ಕಳೆದ ವರ್ಷದ ಐಪಿಎಲ್​ನಲ್ಲಿ ಕೆಕೆಆರ್​ ಬ್ಯಾಟರ್​ ರಿಂಕು ಸಿಂಗ್​ ಕೊನೇ ಓವರ್​ನಲ್ಲಿ ಸತತ 5 ಸಿಕ್ಸರ್​ ಸಿಡಿಸುವ ಮೂಲಕ ಅಮೋಘ ಗೆಲುವಿನ ರೂವಾರಿಯಾಗಿದ್ದರು. ಈ ಬಾರಿ ಕೆಕೆಆರ್​ ತಂಡದಲ್ಲಿ ರಿಟೇನ್​ ಆಗಿರುವ ರಿಂಕು ಪಡೆಯುವ ಸಂಭಾವನೆ 55 ಲಕ್ಷ ರೂ. ಆದರೆ ಆ ಪಂದ್ಯದಲ್ಲಿ 5 ಸಿಕ್ಸರ್​ ಚಚ್ಚಿಸಿಕೊಂಡಿದ್ದ ವೇಗಿ ಯಶ್​ ದಯಾಳ್​ರನ್ನು ಗುಜರಾತ್​ ಟೈಟಾನ್ಸ್​ ತಂಡ ಈ ಬಾರಿ ರಿಲೀಸ್​ ಮಾಡಿತ್ತು. ಹರಾಜಿನಲ್ಲಿ ಆರ್​ಸಿಬಿ ತಂಡ ಯಶ್​ ದಯಾಳ್​ಗೆ 5 ಕೋಟಿ ರೂ. ನೀಡಿ ಖರೀದಿಸಿದೆ. ಈ ನಡೆ ಕ್ರಿಕೆಟ್​ ಪ್ರೇಮಿಗಳ ಅಚ್ಚರಿಗೆ ಕಾರಣವಾಗಿದ್ದು, ಆರ್​ಸಿಬಿ ಅಭಿಮಾನಿಗಳು ಇದಕ್ಕೆ ಟೀಕೆಯನ್ನೂ ವ್ಯಕ್ತಪಡಿಸಿದ್ದಾರೆ.

ಐಪಿಎಲ್​ ಬಹುಮಾನಕ್ಕಿಂತ ಅಧಿಕ ಸಂಭಾವನೆ!

ಐಪಿಎಲ್​ ಹರಾಜಿನಲ್ಲಿ ಸ್ಟಾರ್ಕ್​, ಕಮ್ಮಿನ್ಸ್​ ಮೊದಲ ಬಾರಿ 20 ಕೋಟಿ ರೂ.ಗೂ ಅಧಿಕ ಸಂಭಾವನೆ ಪಡೆಯುವ ಆಟಗಾರರೆನಿಸಿದ್ದಾರೆ. ಈ ಮೂಲಕ ಇವರಿಬ್ಬರು ಐಪಿಎಲ್​ ಬಹುಮಾನ ಮೊತ್ತಕ್ಕಿಂತಲೂ ಅಧಿಕ ಸಂಭಾವನೆ ಪಡೆಯುವಂತಾಗಿದೆ. ಐಪಿಎಲ್​ನಲ್ಲಿ ಚಾಂಪಿಯನ್​ ತಂಡವೊಂದು ಪಡೆಯುವ ಬಹುಮಾನ 20 ಕೋಟಿ ರೂ. ಆಗಿದೆ. ಕಮ್ಮಿನ್ಸ್​ ಇದಕ್ಕಿಂತ 50 ಲಕ್ಷ ರೂ. ಮತ್ತು ಸ್ಟಾರ್ಕ್​ 4.75 ಕೋಟಿ ರೂ. ಅಧಿಕ ಸಂಭಾವನೆ ಪಡೆಯಲಿದ್ದಾರೆ.

https://www.vijayavani.net/rcb-didnt-show-intrest-to-buy-rachin-ravindra-fights-for-cummins