ದುಬೈ: ಮಂಗಳವಾರ ನಡೆದ ಐಪಿಎಲ್ ಆಟಗಾರರ ಹರಾಜಿನಲ್ಲಿ ಬೆಂಗಳೂರು ಮೂಲದ ನ್ಯೂಜಿಲೆಂಡ್ ಆಲ್ರೌಂಡರ್ ರಚಿನ್ ರವೀಂದ್ರ 1.80 ಕೋಟಿ ರೂ. ಮೊತ್ತಕ್ಕೆ ಸಿಎಸ್ಕೆ ಪಾಲಾದರು. 50 ಲಕ್ಷ ರೂ. ಮೂಲಬೆಲೆ ಹೊಂದಿದ್ದ ರಚಿನ್ ಕಳೆದ ವಿಶ್ವಕಪ್ನಲ್ಲಿ ಭರ್ಜರಿ ನಿರ್ವಹಣೆ ತೋರಿದ್ದರೂ, ಅವರ ಖರೀದಿಗೆ ಹೆಚ್ಚಿನ ತಂಡಗಳು ರೇಸ್ಗೆ ಬಾರದ ಕಾರಣ ದೊಡ್ಡ ಮೊತ್ತ ಲಭಿಸಲಿಲ್ಲ. ಆರ್ಸಿಬಿ ಪರ ಆಡುವ ಹಂಬಲವನ್ನು ರಚಿನ್ ಈ ಮುನ್ನ ವ್ಯಕ್ತಪಡಿಸಿದ್ದರೂ, ಬೆಂಗಳೂರು ಫ್ರಾಂಚೈಸಿ ಕನಿಷ್ಠ ಬಿಡ್ ಕೂಡ ಸಲ್ಲಿಸದಿದ್ದುದು ಅಚ್ಚರಿ ತಂದಿತು.
ಕಮ್ಮಿನ್ಸ್ಗಾಗಿ ಆರ್ಸಿಬಿ ಫೈಟ್
ಹಾಲಿ ವರ್ಷ 3 ಪ್ರಮುಖ ಟ್ರೋಫಿ (ಏಕದಿನ-ಟೆಸ್ಟ್ ವಿಶ್ವಕಪ್, ಆಶಸ್) ಗೆದ್ದು ಬೀಗಿರುವ ಪ್ಯಾಟ್ ಕಮ್ಮಿನ್ಸ್ ಖರೀದಿಗೆ ಸನ್ರೈಸರ್ಸ್ ಜತೆಗೆ ಆರ್ಸಿಬಿ ತಂಡ ಕೊನೇಹಂತದವರೆಗೆ ನಿಕಟ ಪೈಪೋಟಿ ನಡೆಸಿತು. ಹರಾಜಿಗೆ ಒಟ್ಟು 23.25 ಕೋಟಿ ರೂ. ಬಜೆಟ್ ಮಾತ್ರ ಹೊಂದಿದ್ದ ನಡುವೆಯೂ ಆರ್ಸಿಬಿ, ಕಮ್ಮಿನ್ಸ್ಗೆ 20.25 ಕೋಟಿ ರೂ. ತನಕ ಬಿಡ್ ಸಲ್ಲಿಸಿದ್ದು ಅಚ್ಚರಿ ಸೃಷ್ಟಿಸಿತು. ಕಮ್ಮಿನ್ಸ್ 2 ಕೋಟಿ ರೂ. ಮೂಲಬೆಲೆ ಹೊಂದಿದ್ದರು.
IPL ಇತಿಹಾಸದಲ್ಲೇ ಮಿಚೆಲ್ ಸ್ಟಾರ್ಕ್ ದುಬಾರಿ ಆಟಗಾರ: 24.75 ಕೋಟಿ ರೂ.ಗೆ KKR ಪಾಲು