ವಿಶ್ವ ಎಡಚರ ದಿನಕ್ಕೆ ಯುವಿ, ರೈನಾ ಸಂಭ್ರಮಿಸಿದ್ದು ಹೇಗೆ ಗೊತ್ತೆ..?

ಬೆಂಗಳೂರು: ಇಂದು ಅಂತಾರಾಷ್ಟ್ರೀಯ ಎಡಚರ ದಿನ. ಇದರ ಪ್ರಯುಕ್ತ ಭಾರತ ತಂಡದ ಮಾಜಿ ಆಲ್ರೌಂಡರ್​ ಯುವರಾಜ್​ ಸಿಂಗ್​, ಶ್ರೇಷ್ಠ ಎಡಗೈ ಆಟಗಾರರನ್ನು ನೆನೆಸಿಕೊಂಡಿದ್ದಾರೆ. ವೆಸ್ಟ್​ ಇಂಡೀಸ್​ ದಿಗ್ಗಜ ಬ್ರಿಯಾನ್​ ಲಾರಾ, ಮಾಜಿ ನಾಯಕ ಸೌರವ್​ ಗಂಗೂಲಿ, ಆಸ್ಟ್ರೆಲಿಯಾದ ಮ್ಯಾಥ್ಯೂ ಹೇಡನ್​ ಹಾಗೂ ಆಡಂ ಗಿಲ್​ಕ್ರಿಸ್ಟ್​ ಅವರನ್ನು ಶ್ರೇಷ್ಠ ಎಡಗೈ ಆಟಗಾರರು ಎಂದಿದ್ದಾರೆ. ಈ ಕುರಿತು ಎಡಗೈ ಆಟಗಾರರಾದ ಯುವರಾಜ್​ ಸಿಂಗ್​, ಸುರೇಶ್​ ರೈನಾ, ವಿನೋದ್​ ಕಾಂಬ್ಳಿ ಟ್ವೀಟ್​ ಮೂಲಕ ಸಂಭ್ರಮಿಸಿದರೆ, ಹಿರಿಯ ಷಟ್ಲರ್​ ಜ್ವಾಲಾ ಗುಟ್ಟಾ ಕೂಡ ಶುಭಾಶಯ ಕೋರಿದ್ದಾರೆ.

ಇದನ್ನೂ ಓದಿ: ಪಾಕ್​ ಪ್ರಧಾನಿ ಇಮ್ರಾನ್​ ಖಾನ್​ಗೆ ಚಾಲೆಂಜ್​ ಹಾಕಲು ಸಿದ್ಧವಾಗುತ್ತಿದ್ದಾರೆ ಮಾಜಿ ನಾಯಕ ಮಿಯಾಂದಾದ್..!

ಭಾರತ ತಂಡ ಸರ್ವಶ್ರೇಷ್ಠ ಆಲ್ರೌಂಡರ್​ಗಳಲ್ಲಿ ಒಬ್ಬರಾದ ಯುವರಾಜ್​ ಸಿಂಗ್​, ಅಂತಾರಾಷ್ಟ್ರೀಯ ಎಡಚರ ದಿನವನ್ನು ಸಂಭ್ರಮಿಸಿದ್ದಾರೆ. ಸೌರವ್​ ಗಂಗೂಲಿ ಸೇರಿದಂತೆ ನಾಲ್ವರು ದಿಗ್ಗಜರ ಹೆಸರನ್ನು ಸ್ಮರಿಸಿಕೊಂಡಿದ್ದಾರೆ. ಯುವರಾಜ್​ ಸಿಂಗ್​ ಅಲ್ಲದೆ, ಮತ್ತೋರ್ವ ಎಡಗೈ ಬ್ಯಾಟ್ಸ್​ಮನ್​ ಸುರೇಶ್​ ರೈನಾ, ಶ್ರೀಲಂಕಾದ ಕುಮಾರ ಸಂಗಕ್ಕರ, ಆಸ್ಟ್ರೆಲಿಯಾದ ಮ್ಯಾಥ್ಯೂ ಹೇಡನ್​, ಇಂಗ್ಲೆಂಡ್​ನ ಡೇವಿಡ್​ ಗೊವೆರ್​ ಹಾಗೂ ಪಾಕಿಸ್ತಾನದ ಸಯೀದ್​ ಅನ್ವರ್​ ಅವರನ್ನು ಹೆಸರಿಸಿದ್ದಾರೆ. ಮಾಜಿ ಆಟಗಾರ ವಿನೋದ್​ ಕಾಂಬ್ಳಿ ಕೂಡ ಎಡಗೈ ಬ್ಯಾಟ್ಸ್​ಮನ್​ ಆಗಿದ್ದರು. ಇದೀಗ ಅವರ ಮಗ,ಮಗಳು ಕೂಡ ಎಡಚರು ಆಗಿದ್ದು, ಅವರನೊಂದಿಗೆ ಎಡಗೈನಲ್ಲಿ ಬ್ಯಾಟಿಂಗ್​ ರೀತಿ ಪೋಸ್​ ಕೊಡುತ್ತಿರುವ ವಿಡಿಯೋವೊಂದರನ್ನು ಟ್ವಿಟರ್​ನಲ್ಲಿ ಪ್ರಕಟಿಸಿದ್ದಾರೆ. ಎಡಗೈ ಷಟ್ಲರ್​ ಜ್ವಾಲಾ ಗುಟ್ಟಾ, ಟ್ವಿಟರ್​ನಲ್ಲಿ ತಮ್ಮದೇ ಫೋಟೋ ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ಒಂದಲ್ಲಾ ಎರಡಲ್ಲಾ … ಇದೀಗ ಅಮೇಜಾನ್​ ಪ್ರೈಮ್​ನಲ್ಲಿ

ಅಂತಾರಾಷ್ಟ್ರೀಯ ಎಡಚರ ದಿನ ಹಿನ್ನೆಲೆಯಲ್ಲಿ ಎಡಗೈ ಆಟಗಾರರ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಟೆನಿಸ್​ನಲ್ಲಿ ರಾಫೆಲ್​ ನಡಾಲ್​ ಹೆಸರನ್ನು ಬಹುತೇಕ ಮಂದಿ ಸೂಚಿಸಿದ್ದರೆ, ಕ್ರಿಕೆಟ್​ನಲ್ಲಿ ಹಲವು ಮಂದಿಯ ಹೆಸರನ್ನು ಸೂಚಿಸಲಾಗಿದೆ.