ಅಫ್ಘಾನಿಸ್ತಾನ ಮುಂದಿನ ಎರಡೂ ಪಂದ್ಯ ಸೋತು, ನ್ಯೂಜಿಲೆಂಡ್ ಕೂಡ ಕೊನೇ ಪಂದ್ಯದಲ್ಲಿ ಲಂಕಾ ವಿರುದ್ಧ ಸೋತರೆ ಪಾಕ್ ಸೆಮಿಫೈನಲ್ಗೇರಲಿದೆ. ಆದರೆ ಲಂಕಾ ವಿರುದ್ಧ ಕಿವೀಸ್ 1 ರನ್ನಿಂದ ಗೆದ್ದರೂ, ಪಾಕ್ ಕನಿಷ್ಠ 131 ರನ್ಗಳಿಂದ ಇಂಗ್ಲೆಂಡ್ ವಿರುದ್ಧದ ಕೊನೇ ಲೀಗ್ ಪಂದ್ಯದಲ್ಲಿ ಗೆದ್ದರಷ್ಟೇ ಸೆಮೀಸ್ ಪ್ರವೇಶಿಸಬಹುದು. ರನ್ರೇಟ್ ಲೆಕ್ಕಾಚಾರದಲ್ಲಿ ಕಿವೀಸ್ ಹಿಂದಿಕ್ಕುವುದು ಪಾಕ್ಗೆ ಕಠಿಣವೆನಿಸಿದೆ. ಆದರೆ ಬೆಂಗಳೂರಿನಲ್ಲಿ ಗುರುವಾರ ನಡೆಯಲಿರುವ ಕಿವೀಸ್-ಲಂಕಾ ನಡುವಿನ ಪಂದ್ಯ ಮಳೆಯಿಂದಾಗಿ ರದ್ದುಗೊಂಡು ಉಭಯ ತಂಡಗಳು ಅಂಕ ಹಂಚಿಕೊಂಡರೆ ಆಗ ಪಾಕ್ ಆಂಗ್ಲರ ಎದುರು ಗೆದ್ದು ಸೆಮೀಸ್ಗೆ ಏರುವ ಸುಲಭ ಅವಕಾಶ ಪಡೆಯಲಿದೆ.
