ಏಷ್ಯನ್​ ಚಾಂಪಿಯನ್ಸ್​ ಟ್ರೋಫಿ ಹಾಕಿ ಟೂರ್ನಿಯಲ್ಲಿ ಫೈನಲ್​ಗೇರಿದ ಭಾರತದ ಮಹಿಳೆಯರು

ರಾಂಚಿ: ಆತಿಥೇಯ ಭಾರತ ತಂಡ 7ನೇ ಆವೃತ್ತಿಯ ಏಷ್ಯನ್​ ಚಾಂಪಿಯನ್​ ಟ್ರೋಫಿ ಮಹಿಳಾ ಹಾಕಿ ಟೂರ್ನಿಯಲ್ಲಿ ಫೈನಲ್​ಗೇರಿದ್ದು, 7 ವರ್ಷಗಳ ಬಳಿಕ ಪ್ರಶಸ್ತಿ ಜಯಿಸುವ ಸನಿಹ ತಲುಪಿದೆ. ಸವಿತಾ ಪೂನಿಯಾ ಪಡೆ ಶನಿವಾರ ನಡೆದ ಸೆಮಿಫೈನಲ್​ ಪಂದ್ಯದಲ್ಲಿ ದಣ ಕೊರಿಯಾ ವಿರುದ್ಧ 2-0 ಗೋಲುಗಳಿಂದ ಗೆಲುವು ದಾಖಲಿಸಿತು.

ಸಲಿಮಾ ಟೇಟೆ (11ನೇ ನಿಮಿಷ) ಮತ್ತು ವೈಷ್ಣವಿ ವಿಟ್ಟಲ್​ (19) ಬಾರಿಸಿದ ಗೋಲಿನಿಂದ ಭಾರತ ಮೊದಲಾರ್ಧದಲ್ಲೇ 2-0 ಮುನ್ನಡೆ ಸಾಧಿಸಿತು. ಭಾರತ ತಂಡ ಭಾನುವಾರ ನಡೆಯಲಿರುವ ಫೈನಲ್​ ಪಂದ್ಯದಲ್ಲಿ (ರಾತ್ರಿ 8.30ರಿಂದ) ಹಾಲಿ ಚಾಂಪಿಯನ್​ ಜಪಾನ್​ ತಂಡವನ್ನು ಎದುರಿಸಲಿದೆ.

2016ರ ಆವೃತ್ತಿಯ ಚಾಂಪಿಯನ್​ ಭಾರತ, ಟೂರ್ನಿಯಲ್ಲಿ 4ನೇ ಬಾರಿ ಫೈನಲ್​ಗೇರಿದ ಸಾಧನೆ ಮಾಡಿದೆ. 2013 ಮತ್ತು 2018ರಲ್ಲಿ ಭಾರತ ರನ್ನರ್​ಅಪ್​ ಸ್ಥಾನಕ್ಕೆ ತೃಪ್ತಿಪಟ್ಟಿತ್ತು.

https://www.vijayavani.net/clinical-afghanistan-secure-big-win-over-netherlands-keep-alive-semifinal-hopes