ಏಕದಿನ ವಿಶ್ವಕಪ್​ ಫೈನಲ್​ನಲ್ಲಿ ಆಸೀಸ್​ ಎದುರು ಭಾರತಕ್ಕೆ ಅವಳಿ ಸೇಡಿನ ಅವಕಾಶ!

ಅಹಮದಾಬಾದ್: ಭಾನುವಾರ ನಡೆಯಲಿರುವ ಏಕದಿನ ವಿಶ್ವಕಪ್​ ಫೈನಲ್​ನಲ್ಲಿ ಗೆದ್ದು 3ನೇ ಬಾರಿ ವಿಶ್ವ ಚಾಂಪಿಯಯನ್​ ಪಟ್ಟಕ್ಕೇರುವ ಜತೆಗೆ ಭಾರತಕ್ಕೆ ಆಸ್ಟ್ರೇಲಿಯಾ ವಿರುದ್ದ ಅವಳಿ ಸೇಡು ತೀರಿಸಿಕೊಳ್ಳುವ ಅವಕಾಶವಿದೆ.

ಇಪ್ಪತ್ತು ವರ್ಷಗಳ ಹಿಂದೆ 2003ರಲ್ಲಿ ಮೊದಲ ಬಾರಿ ಏಕದಿನ ವಿಶ್ವಕಪ್ ಫೈನಲ್​ನಲ್ಲಿ ಮುಖಾಮುಖಿ ಆದಾಗ ಭಾರತ ನಿರಾಸೆ ಅನುಭವಿಸಿತ್ತು. ಜೊಹಾನ್ಸ್​ರ್ಬಗ್​ನಲ್ಲಿ ಟಾಸ್​ ಗೆದ್ದು ಫೀಲ್ಡಿಂಗ್​ ಆಯ್ದುಕೊಂಡಿದ್ದ ಸೌರವ್​ ಗಂಗೂಲಿ ಬಳಗ, ರಿಕಿ ಪಾಂಟಿಂಗ್​ (140*) ಆರ್ಭಟದಿಂದ 2 ವಿಕೆಟ್​ಗೆ 359 ರನ್​ ಬಿಟ್ಟುಕೊಟ್ಟಿತ್ತು. ಪ್ರತಿಯಾಗಿ ಆರಂಭಿಕ ಆಘಾತ ಎದುರಿಸಿದ್ದ ಭಾರತ ಸೆಹ್ವಾಗ್​ (82) ಹೋರಾಟ ನಡುವೆ 234 ರನ್​ಗಳಿಗೆ ಆಲೌಟ್​ ಆಗಿ 125 ರನ್​ಗಳಿಂದ ಸೋತಿತ್ತು.

ಇನ್ನು 5 ತಿಂಗಳ ಹಿಂದೆ 2ನೇ ಆವೃತ್ತಿಯ ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್​ ಫೈನಲ್​ ಮುಖಾಮುಖಿಯಲ್ಲೂ ಭಾರತ ಎಡವಿತ್ತು. ಓವಲ್​ನಲ್ಲಿ ಟ್ರಾವಿಸ್​ ಹೆಡ್​ (163), ಸ್ಟೀವನ್​ ಸ್ಮಿತ್​ (121) ಶತಕದೊಂದಿಗೆ ಆಸೀಸ್​ ಸಂಘಟಿತ ಬೌಲಿಂಗ್​ ಎದುರು ಭಾರತ 209 ರನ್​ಗಳಿಂದ ಸೋತಿತ್ತು. ಇವೆರಡೂ ಸೋಲುಗಳಿಗೆ ಸೇಡು ತೀರಿಸಿಕೊಳ್ಳುವ ಅವಕಾಶ ಈಗ ರೋಹಿತ್​ ಶರ್ಮ ಬಳಗದ ಮುಂದಿದೆ.

https://www.vijayavani.net/no-discussion-yet-on-dravids-future-as-india-coach