ದ್ವಿತೀಯ ಟೆಸ್ಟ್​ಗೆ ಜಸ್ಪ್ರಿತ್​ ಬುಮ್ರಾ... ಸ್ಟಾರ್​ ವೇಗಿ ಲಭ್ಯತೆ ಕುರಿತು ಕ್ಯಾಪ್ಟನ್​ ಗಿಲ್​ ಮಾಹಿತಿ | IND vs ENG

IND vs ENG: ಪ್ರಸಕ್ತ ನಡೆಯುತ್ತಿರುವ ಭಾರತ ಮತ್ತು ಇಂಗ್ಲೆಂಡ್ ನಡುವಿನ ಐದು ಪಂದ್ಯಗಳ ಟೆಸ್ಟ್ ಸರಣಿಯಲ್ಲಿ ಶುಭಮನ್ ಗಿಲ್ ನೇತೃತ್ವದ ಟೀಮ್ ಇಂಡಿಯಾ ಮೊದಲ ಪಂದ್ಯವನ್ನು ಸೋತಿದೆ. ಇನ್ನೂ 4 ಪಂದ್ಯಗಳು ಬಾಕಿ ಉಳಿದಿವೆ. ಇದೇ ಜುಲೈ 2ರಿಂದ ಬರ್ಮಿಂಗ್ಹ್ಯಾಮ್​ನಲ್ಲಿ ನಡೆಯಲಿರುವ ದ್ವಿತೀಯ ಟೆಸ್ಟ್​ಗೆ ಭಾರತ ಸನ್ನದ್ಧಗೊಂಡಿದ್ದೇ ಆದರೂ ತಂಡದಲ್ಲಿ ಸ್ಟಾರ್​ ವೇಗಿಯ ಅಲಭ್ಯ ವದಂತಿ ಸದ್ಯ ಕ್ರಿಕೆಟ್​ ಪ್ರಿಯರಲ್ಲಿ ಸಾಕಷ್ಟು ಗೊಂದಲ ಮೂಡಿಸಿದೆ.

ಇದನ್ನೂ ಓದಿ: ಗಂಡನ ಭೀಕರ ಕೊಲೆ… ಪೊಲೀಸ್​ ಕರೆ ಬಂದಿದ್ದೆ ತಡ: ಮನೆಗೆ ಬೀಗ ಹಾಕಿ ಪತ್ನಿ ಪರಾರಿ! | Murder

ಎರಡನೇ ಟೆಸ್ಟ್​ನಲ್ಲಿ ಭಾರತ ಪರ ಜಸ್ಪ್ರಿತ್ ಬುಮ್ರಾ ಕಣಕ್ಕಿಳಿಯುವುದು ಬಹುತೇಕ ಅನುಮಾನ ಎಂದೇ ಹೇಳಲಾಗಿದೆ. ಆದರೆ, ಟೀಮ್ ಇಂಡಿಯಾ ಮ್ಯಾನೇಜ್​ಮೆಂಟ್​ ಮಾತ್ರ ಈ ಕುರಿತಂತೆ ಇಲ್ಲಿಯವರೆಗೂ ಸ್ಪಷ್ಟಪಡಿಸಿಲ್ಲ. ಇದೇ ಹಲವರ ಗೊಂದಲಕ್ಕೆ ಕಾರಣವಾಗಿದೆ. ಇನ್ನು ಈ ಕುರಿತಂತೆ ಕಡೆಗೂ ಪ್ರತಿಕ್ರಿಯಿಸಿರುವ ಭಾರತ ತಂಡದ ಟೆಸ್ಟ್​ ಕ್ಯಾಪ್ಟನ್ ಶುಭಮನ್ ಗಿಲ್​, "ಬುಮ್ರಾ ಖಂಡಿತ ಲಭ್ಯವಿದ್ದಾರೆ. ಆದರೆ, ಅವರನ್ನು ಮೈದಾನಕ್ಕಿಳಿಸುವ ನಿರ್ಧಾರವನ್ನು ವರ್ಕ್​ಲೋಡ್​ ಮ್ಯಾನೇಜ್​ಮೆಂಟ್ ಮತ್ತು ಇತರೆ ವಿಷಯಗಳನ್ನು ಗಮನಿಸಿ ತೆಗೆದುಕೊಳ್ಳಲಾಗುವುದು" ಎಂದರು.

"ಅಂತಿಮ ನೆಟ್​ ಪ್ರ್ಯಾಕ್ಟೀಸ್​ ಬಳಿಕ ಅವರ ಲಭ್ಯತೆ ಕುರಿತು ಸ್ಪಷ್ಟತೆ ಸಿಗಲಿದೆ. ನಮಗೆ ಗೊತ್ತಿದೆ ಅವರು ಐದು ಪಂದ್ಯಗಳ ಪೈಕಿ ಕೇವಲ ಮೂರರಲ್ಲಿ ಮಾತ್ರ ಆಡಲಿದ್ದಾರೆ ಎಂದು. ಮುಂದಿನ 4 ಪಂದ್ಯಗಳಿಗೆ ಯಾರನ್ನು ಆಡಿಸಬೇಕು ಎಂಬುದು ಮ್ಯಾನೇಜ್​ಮೆಂಟ್ ತೆಗೆದುಕೊಳ್ಳುವ ನಿರ್ಧಾರದ ಮೇಲೆ ನಿಂತಿದೆ" ಎಂದು ಭಾರತದ ಸಹಾಯಕ ಕೋಚ್ ರಯಾನ್ ಟೆನ್ ಡೋಸ್ಚೇಟ್ ತಿಳಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/will-gold-price-drop-as-rised-concern