ಶನಿವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ಗೆ ಇಳಿದ ಸೌಥ್ ಡೆಲ್ಲಿ ತಂಡ ಐಪಿಎಲ್ ತಾರೆ 24 ವರ್ಷದ ಆಯುಷ್ ಬಡೋನಿ (165 ರನ್, 55 ಎಸೆತ, 8 ಬೌಂಡರಿ, 19 ಸಿಕ್ಸರ್) ಹಾಗೂ ಪ್ರಿಯಾಂಶ್ ಆರ್ಯ (120 ರನ್, 50 ಎಸೆತ, 10 ಬೌಂಡರಿ, 10 ಸಿಕ್ಸರ್) ಜೋಡಿ 99 ಎಸೆತದಲ್ಲಿ 286 ರನ್ಗಳ ಭರ್ಜರಿ ಜತೆಯಾಟವಾಡಿದ ಬಲದಿಂದ 5 ವಿಕೆಟ್ಗೆ 308 ರನ್ ದಾಖಲಿಸಿತು. ಬಡೋನಿ-ಪ್ರಿಯಾಂಶ್ ನಡುವಿನ ಜತೆಯಾಟ ಟಿ20 ಕ್ರಿಕೆಟ್ನಲ್ಲಿ ಯಾವುದೇ ವಿಕೆಟ್ಗೆ ದಾಖಲಾದ ಗರಿಷ್ಠ ರನ್ ಜತೆಯಾಟ ಎನಿಸಿದರೆ, ಬಡೋನಿ ಟಿ20 ಕ್ರಿಕೆಟ್ನಲ್ಲಿ ವೈಯಕ್ತಿಕ ಗರಿಷ್ಠ ರನ್ಗಳಿಸಿದ ಭಾರತೀಯ ಬ್ಯಾಟರ್ ಎನಿಸಿದರು. ಜತೆಗೆ ಇನಿಂಗ್ಸ್ನಲ್ಲಿ ಗರಿಷ್ಠ 19 ಸಿಕ್ಸರ್ ಬಾರಿಸಿ ಕ್ರಿಸ್ಗೇಲ್ (18) ದಾಖಲೆ ಮುರಿದರು. ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯಲ್ಲಿ ಶ್ರೇಯಸ್ ಅಯ್ಯರ್ 147 ರನ್ ಗಳಿಸಿದ್ದು ಹಿಂದಿನ ಭಾರತೀಯ ದಾಖಲೆ ಆಗಿತ್ತು.
