ಬಿಸಿಸಿಐ ಬಳಿ ಬ್ಯಾಂಕ್​ ಬ್ಯಾಲೆನ್ಸ್​ ಎಷ್ಟಿದೆ? ಒಂದೇ ವರ್ಷದಲ್ಲಿ ಹರಿದುಬಂತು ಭಾರಿ ಆದಾಯ! BCCI

BCCI : ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ವಿಶ್ವದ ಅತ್ಯಂತ ಶ್ರೀಮಂತ ಕ್ರಿಕೆಟ್ ಮಂಡಳಿಯಾಗಿದೆ. ಬೇರೆ ಯಾವ ದೇಶದಲ್ಲೂ ಇರದಷ್ಟು ಸಂಪತ್ತು ಬಿಸಿಸಿಐ ಬಳಿ ಇದೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಮಂಡಳಿಯ ಆದಾಯ ಗಮನಾರ್ಹವಾಗಿ ಹೆಚ್ಚಾಗಿದೆ ಎಂದು ವರದಿಗಳು ಸೂಚಿಸಿವೆ.

2022-23ನೇ ಹಣಕಾಸು ವರ್ಷದಲ್ಲಿ ಬಿಸಿಸಿಐ ಬಳಿ 16,493 ಕೋಟಿ ರೂಪಾಯಿ ಇತ್ತು. ಇತ್ತೀಚಿನ ಅಂಕಿ ಅಂಶಗಳ ಪ್ರಕಾರ ಕಳೆದ ಒಂದೇ ವರ್ಷದಲ್ಲಿ 4,200 ಕೋಟಿ ರೂ. ಹೆಚ್ಚಿನ ಆದಾಯ ಹರಿದುಬಂದಿದೆ. ಸದ್ಯ ಬಿಸಿಸಿಐ ಬಳಿ 20,686 ಕೋಟಿ ರೂ. ಬ್ಯಾಂಕ್​ ಬ್ಯಾಲೆನ್ಸ್​ ಇದೆ ಎಂದು ಬಿಸಿಸಿಐ ಮಾಜಿ ಕಾರ್ಯದರ್ಶಿ ಜಯ ಷಾ ಹೇಳಿದ್ದಾರೆ.

ಇತ್ತೀಚಿನ ಅಪೆಕ್ಸ್ ಕೌನ್ಸಿಲ್ ಸಭೆಯಲ್ಲಿ ಮಾಜಿ ಬಿಸಿಸಿಐ ಕಾರ್ಯದರ್ಶಿ ಜಯ ಷಾ ಅವರು ಮಂಡಳಿಯ ಹಣಕಾಸು ವರದಿಗಳನ್ನು ವಿವರಿಸಿದರು. 2023-24ನೇ ಹಣಕಾಸು ವರ್ಷದ ಆದಾಯ 7,476 ಕೋಟಿ ರೂ. ಎಂದು ಅಂದಾಜಿಸಲಾಗಿತ್ತು. ಆದರೆ, ಆದಾಯವು ನಿರೀಕ್ಷೆಗಳನ್ನು ಮೀರಿದ್ದು, 8,995 ಕೋಟಿ ರೂ. ಬಂದಿದೆ. ಸಾಮಾನ್ಯ ನಿಧಿಯು 6,365 ಕೋಟಿ ರೂ.ಗಳಿಂದ 7,988 ಕೋಟಿ ರೂ.ಗೆ ಏರಿಕೆಯಾಗಿದೆ.

ಇದನ್ನೂ ಓದಿ: ನನಗೆ ನಿಜಕ್ಕೂ ಖುಷಿಯಾಗಲಿಲ್ಲ… ಸಲಾರ್ ಭಾಗ 1ರ ಬಗ್ಗೆ ಅಚ್ಚರಿ ಹೇಳಿಕೆ ನೀಡಿದ ಪ್ರಶಾಂತ್​ ನೀಲ್​! Prashanth Neel

ಇನ್ನು 2024-25ನೇ ಹಣಕಾಸು ವರ್ಷದಲ್ಲಿ ಬಿಸಿಸಿಐ 10,054 ಕೋಟಿ ರೂ. ಆದಾಯ ಗಳಿಸುವ ನಿರೀಕ್ಷೆ ಇಟ್ಟುಕೊಂಡಿದೆ. ಅಲ್ಲದೆ, ಒಟ್ಟು ಬಜೆಟ್ ವೆಚ್ಚವನ್ನು 2,348 ಕೋಟಿ ರೂಪಾಯಿಗಳಿಗೆ ನಿಗದಿಪಡಿಸಲಾಗಿದೆ.

ಅಂದಹಾಗೆ ಬಿಸಿಸಿಐಗೆ ಇಷ್ಟೊಂದು ಪ್ರಮಾಣದ ಆದಾಯವು ವಿಶ್ವದ ನಗದು ಶ್ರೀಮಂತ ಲೀಗ್​ ಎಂದೇ ಖ್ಯಾತಿ ಪಡೆದಿರುವ ಇಂಡಿಯನ್​ ಪ್ರೀಮಿಯರ್​ ಲೀಗ್​ (ಐಪಿಎಲ್​) ಪ್ರಸಾರ ಹಕ್ಕು ಮತ್ತು ದ್ವಿಪಕ್ಷೀಯ ಕ್ರಿಕೆಟ್​ ಪ್ರಸಾರದ ಹಕ್ಕುಗಳಿಂದ ಬರುತ್ತದೆ. ಇದಿಷ್ಟೇ ಅಲ್ಲದೆ, ಭಾರತವು ವಿಶ್ವದ ಅತಿದೊಡ್ಡ ಕ್ರಿಕೆಟ್ ಮಾರುಕಟ್ಟೆಯಾಗಿರುವುದರಿಂದ, ಬಿಸಿಸಿಐ ಅಂತಾರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಆದಾಯದಲ್ಲಿ ಸಿಂಹಪಾಲನ್ನು ಪಡೆಯುತ್ತದೆ. (ಏಜೆನ್ಸೀಸ್​)

https://www.vijayavani.net/people-born-on-these-dates-are-born-to-achieve-what-is-your-date-numerology

https://www.vijayavani.net/such-videos-will-be-banned-youtube-takes-a-strict-stance-on-content-creators-in-india