ಅರ್ಜುನ್ ತೆಂಡೂಲ್ಕರ್ ಅವರ IPL ವೃತ್ತಿ ಜೀವನದ ಬಗ್ಗೆ ಹೇಳುವುದಾದರೆ, 2021ರಲ್ಲಿ ಮೊದಲ ಬಾರಿಗೆ ಮುಂಬೈ ಇಂಡಿಯನ್ಸ್ ಟೀಮ್ಗೆ ಸೇರ್ಪಡೆಯಾದರು. 20 ಲಕ್ಷ ರೂ,ಗೆ ತಂಡಕ್ಕೆ ಪಾದಾರ್ಪಣೆ ಮಾಡಿದರು. ಆದರೆ, ಗಾಯದ ಕಾರಣದಿಂದಾಗಿ ಮೊದಲ ಋತುವಿನಲ್ಲಿ ಆಡಲೇ ಇಲ್ಲ. 2022ರಲ್ಲಿ ಮತ್ತೆ 30 ಲಕ್ಷ ರೂ, ಗೆ ಮರಳಿ ತಂಡಕ್ಕೆ ಸೇರಿದರೂ ಬೆಂಚ್ನಲ್ಲಿಯೇ ಕಾಯಬೇಕಾಯಿತು. 2023ರಲ್ಲಿ ಮೊದಲ ಬಾರಿಗೆ ಅವಕಾಶ ಗಿಟ್ಟಿಸಿಕೊಂಡ ಅರ್ಜುನ್, ನಾಲ್ಕು ಪಂದ್ಯಗಳನ್ನು ಆಡಿದರು. ಅಲ್ಲದೆ, ನಾಲ್ಕು ಪಂದ್ಯಗಳಲ್ಲಿ ಮೂರು ವಿಕೆಟ್ ಪಡೆದರು. 2024ರಲ್ಲಿ ಒಂದು ಪಂದ್ಯವನ್ನು ಮಾತ್ರ ಆಡಿದರು. 2025ರಲ್ಲಿ ಒಂದೇ ಒಂದು ಪಂದ್ಯದಲ್ಲಿ ಆಡಲಿಲ್ಲ. ಆದಾಗ್ಯೂ, IPLನ ಒಟ್ಟು 5 ಪಂದ್ಯಗಳಲ್ಲಿ ಮೂರು ವಿಕೆಟ್ ಪಡೆದಿದ್ದು, ಕೇವಲ 13 ರನ್ ಮಾತ್ರ ಬಾರಿಸಿದ್ದಾರೆ.
