ಪಾಕಿಸ್ತಾನ ಸೆಮೀಸ್​ ಕನಸು ಭಗ್ನ?; ವೈರಲ್ ಆಯ್ತು ವೀರೇಂದ್ರ ಸೆಹ್ವಾಗ್ ಟ್ವೀಟ್​!

ಮುಂಬೈ: ಏಕದಿನ ವಿಶ್ವಕಪ್​ 2023ರ ಪಂದ್ಯಗಳಲ್ಲಿ ಅತ್ಯುತ್ತಮ ಪ್ರದರ್ಶನ ನೀಡಿರುವ ಭಾರತ, ಸೌತ್​ ಆಫ್ರಿಕಾ, ಆಸ್ಟ್ರೇಲಿಯಾ ತಂಡಗಳು ಈಗಾಗಲೇ ಸೆಮಿ-ಫೈನಲ್​ ಹಂತವನ್ನು ತಲುಪಿದ್ದು, ನಾಲ್ಕನೇ ಸ್ಥಾನಕ್ಕೆ ಮಾತ್ರ ಭಾರೀ ಹಣಾಹಣಿ ನಡೆಯುತ್ತಿದೆ.

ಇದನ್ನೂ ಓದಿ: 🔴LIVE:ಗರಡಿ ಪ್ರೀಮಿಯರ್ ಶೋ ನೋಡಲು ಬಂದ್ರು ಸಾಲು ಸಾಲು ಸೆಲೆಬ್ರಿಟೀಸ್​

ಈ ಸಾಲಿನಲ್ಲಿರುವ ಪಾಕಿಸ್ತಾನ ತಂಡದ ಬಗ್ಗೆ ಇದೀಗ ಸಾಕಷ್ಟು ಕೂತೂಹಲ ಎದುರಾಗಿದೆ. ಅಸಲಿಗೆ ಬಾಬರ್​ ಅಜಾಮ್​ ತಂಡ ಸೆಮಿಸ್​ಗೆ ಎಂಟ್ರಿ ಕೊಡಲು ಸಾಧ್ಯವೇ ಎಂಬ ಪ್ರಶ್ನೆಗಳು ಈಗ ಸಿಕ್ಕಾಪಟ್ಟೆ ಚರ್ಚೆಗೆ ಗ್ರಾಸವಾಗಿದೆ. ಈ ಮಧ್ಯೆ ಭಾರತ ಕ್ರಿಕೆಟ್​ ತಂಡದ ಮಾಜಿ ಆಟಗಾರ ವೀರೇಂದ್ರ ಸೆಹ್ವಾಗ್ 'ಬಾಯ್​ ಬಾಯ್​ ಪಾಕಿಸ್ತಾನ' ಎಂದು ಟ್ವೀಟ್​ ಮಾಡಿದ್ದಾರೆ.

ಈ ಬಾರಿಯ ವಿಶ್ವಕಪ್​ ಆವೃತ್ತಿಯಲ್ಲಿ ಸತತ ಕಳಪೆ ಪ್ರದರ್ಶನದಿಂದಾಗಿ ಸೆಮೀಸ್​ ರೇಸ್​ನಿಂದ ಬಹುತೇಕ ದೂರ ಉಳಿದಿರುವ ಪಾಕಿಸ್ತಾನ ತಂಡಕ್ಕೆ ಇಂಗ್ಲೆಂಡ್​ ವಿರುದ್ಧ ಭರ್ಜರಿ ಜಯಗಳಿಸುವ ಅವಶ್ಯಕತೆ ಎದುರಾಗಿದೆ. ಹೆಚ್ಚುವರಿಯಾಗಿ ಎಲ್ಲಾ ಲೆಕ್ಕಾಚಾರಗಳ ಪ್ರಕಾರ ನೋಡುವುದಾದರೆ ಪಾಕಿಸ್ತಾನ ತಂಡ ಸೆಮೀಸ್​ ಪ್ರವೇಶಿಸುವುದು ಬಹುತೇಕ ಡೌಟ್​ ಇದೆ. ಆದ್ರೂ ಕೂಡ ಪಾಕಿಸ್ತಾನ ಕ್ರಿಕೆಟ್​ ಅಭಿಮಾನಿಗಳಲ್ಲಿ ಭರವಸೆ ಗಟ್ಟಿಯಾಗಿಯೇ ಉಳಿದಿದೆ.

ಇದನ್ನೂ ಓದಿ: ಗರಡಿ ಪ್ರೀಮಿಯರ್ ಶೋ ನೋಡಿ ನಟ ಶರಣ, ನಟಿ ಶ್ರುತಿ ಪ್ರತಿಕ್ರಿಯೆ

ಪಾಕಿಸ್ತಾನ ತಂಡಕ್ಕೆ ಸೆಮಿ-ಫೈನಲ್ ಕನಸು​ ಭಗ್ನಗೊಳ್ಳುತ್ತಿದೆ ಎಂಬುದನ್ನು ಅರಿತ ಭಾರತದ ಮಾಜಿ ಓಪನಿಂಗ್​ ಬ್ಯಾಟ್ಸ್​ಮ್ಯಾನ್​ ವೀರೇಂದ್ರ ಸೆಹ್ವಾಗ್ ತಮ್ಮ ಟ್ವೀಟರ್​ ಖಾತೆಯಲ್ಲಿ ಬಾಯ್​ ಬಾಯ್​ ಪಾಕಿಸ್ತಾನ ಎಂಬ ಫೋಟೋ ಹಾಕಿ ಟೀಕಿಸಿದ್ದಾರೆ. ಈ ಒಂದು ಟ್ವೀಟ್​ಗೆ ನೆಟ್ಟಿಗರಿಂದ ವ್ಯಾಪಕ ಪ್ರತಿಕ್ರಿಯೆಗಳು ವ್ಯಕ್ತವಾಗಿದ್ದು, ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗುತ್ತಿದೆ.

ಶನಿವಾರ ಕ್ರಿಕೆಟ್​ ಕಾಶಿ ಈಡನ್​ ಗಾರ್ಡನ್​ನಲ್ಲಿ ಪಾಕಿಸ್ತಾನ ಹಾಗೂ ಇಂಗ್ಲೆಂಡ್​ ನಡುವಿನ ಏಕದಿನ ವಿಶ್ವಕಪ್​ ಪಂದ್ಯ ನಡೆಯಲಿದ್ದು, ಈ ಪಂದ್ಯದಲ್ಲಿ ಪಾಕಿಸ್ತಾನ ಇಂಗ್ಲೆಂಡ್​ ವಿರುದ್ಧ ಭರ್ಜರಿ ಜಯಗಳಿಸಲೇ ಬೇಕಿದೆ. ಒಂದು ವೇಳೆ ಪಾಕಿಸ್ತಾನ ಈ ಪಂದದ್ಯದಲ್ಲಿ ಸೋತರೆ ಸೆಮೀಸ್​ ಕನಸು ಭಗ್ನಗೊಳ್ಳುವುದು ಖಚಿತ.

ಇದನ್ನೂ ಓದಿ: ಚರಂಡಿ ನಿರ್ಮಾಣ ಮಾಡಲು ಸ್ಥಳೀಯ ಗ್ರಾಪಂ ನಿರ್ಲಕ್ಷ್ಯ: ಪ್ರಧಾನಿ ಕಾರ್ಯಾಲಯದಿಂದಲೇ ಬಂತು ಕಟ್ಟುನಿಟ್ಟಿನ ಸೂಚನೆ

ಪ್ರಸ್ತುತ ಏಕದಿನ ವಿಶ್ವಕಪ್ 2023ರ ಅಂಕಪಟ್ಟಿಯಲ್ಲಿ ಪಾಕಿಸ್ತಾನ ತಂಡ ಇಲ್ಲಿಯವರೆಗೂ ಒಟ್ಟು 8 ಪಂದ್ಯಗಳನ್ನು ಎದುರಿಸಿ, 4 ಪಂದ್ಯ ಗೆದ್ದು, 4 ಸೋಲುವ ಮುಖೇನ 5ನೇ ಸ್ಥಾನವನ್ನು ಅಲಂಕರಿಸಿದೆ,(ಏಜೆನ್ಸೀಸ್).

https://www.vijayavani.net/3-killed-6-injured-in-major-accident-at-bandra