VIDEO| ಗಿಲ್ ಮುಂದಿನ ಕೊಹ್ಲಿಯಾಗಲು ಸಾಧ್ಯವಿಲ್ಲ; ಶುಭಮನ್​ ಕುರಿತು ವಿರಾಟ್ ಹೇಳಿಕೆ ವೈರಲ್​

ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ಸೆಲೆಬ್ರಿಟಿಗಳ ಡೀಪ್​​​​​ಫೇಕ್​ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದ್ದು, ತಂತ್ರಜ್ಞಾನ ದೊಡ್ಡ ತಲೆನೋವಾಗಿ ಪರಿಣಮಿಸಿದೆ. ಬರೀ ಸಿನಿಮಾ ಹಾಗೂ ಸೋಶಿಯಲ್​ ಮೀಡಿಯಾ ಸೆಲೆಬ್ರಿಟಿಗಳಿಗೆ ಸೀಮಿತವಾಗಿದ್ದ ಡೀಪ್​ಫೇಕ್​ ತಂತ್ರಜ್ಞಾನವು ಇದೀಗ ಕ್ರೀಡಾ ಕ್ಷೇತ್ರಕ್ಕೆ ವಿಸ್ತರಿಸಿದ್ದು, ವಿರಾಟ್​ ಕೊಹ್ಲಿ ಹಾಗೂ ಶುಭಮನ್​ ಗಿಲ್​ಗೆ ಸಂಬಂಧಿಸಿದ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ವೈರಲ್​ ಆಗಿರುವ ವಿಡಿಯೋ ನೋಡುವುದಾದರೆ ಖಾಸಗಿ ಸುದ್ದಿ ವಾಹಿನಿಗೆ ನೀಡಿರುವ ಸಂದರ್ಶನದಲ್ಲಿ ಕೊಹ್ಲಿ ತಮ್ಮ ಬಗ್ಗೆ ಮಾತನಾಡಿಕೊಂಡಿದ್ದು, ಶುಭಮನ್​ ಗಿಲ್​ರನ್ನು ನಿಂದಿಸಿದ್ದಾರೆ. ನಾನು ಗಿಲ್ ಅವರನ್ನು ನೋಡುತ್ತಿದ್ದೇನೆ. ಗಿಲ್ ಖಂಡಿತವಾಗಿಯೂ ಪ್ರತಿಭಾವಂತ ಆಟಗಾರ. ಆದರೆ ಭವಿಷ್ಯದ ಆಟಗಾರನಾಗಿ ಭರವಸೆಯನ್ನು ತೋರಿಸುವುದಕ್ಕೂ ಮತ್ತು ದಂತಕಥೆಯಾಗುವುದಕ್ಕೂ ಬಹಳ ವ್ಯತ್ಯಾಸವಿದೆ. ಗಿಲ್ ಮುಂದಿನ ವಿರಾಟ್ ಕೊಹ್ಲಿಯಾಗಲು ಸಾಧ್ಯವಿಲ್ಲ ಎಂದು ವಿರಾಟ್​ ವಿಡಿಯೋದಲ್ಲಿ ಹೇಳಿರುವುದನ್ನು ನೋಡಬಹುದಾಗಿದೆ.

ಇದನ್ನು ನೋಡುವುದಾದರೆ ಕೊಹ್ಲಿ ತಮ್ಮ ಬಗ್ಗೆ ಹೆಚ್ಚು ಮಾತನಾಡಿದ್ದು, ಶುಭಮನ್​ ಗಿಲ್ ಬಗ್ಗೆ ಇಲ್ಲಸಲ್ಲದ ಹೇಳಿಕೆಗಳನ್ನು ಕೊಡುವುದನ್ನು ನೋಡಬಹುದಾಗಿದೆ. ಆರಂಭದಲ್ಲಿ ಇದು ನಿಜ ಎಂದು ಎಲ್ಲರೂ ನಂಬಿದರಾದರೂ ಆ ನಂತರ ಇದು ಡೀಪ್​ಫೇಕ್​ ಬಳಸಿ ಮಾಡಲಾಗಿರುವ ವಿಡಿಯೋ ಎಂದು ತಿಳಿದು ಜನ ಕಿಡಿಕಾರಿದ್ದಾರೆ. ಈ ಸಂಬಂಧ ಹಲವರು ಈ ರೀತಿಯ ಫೇಕ್​ ವಿಡಿಯೋಗಳನ್ನು ಮಾಡಿ ಹರಿಬಿಟ್ಟವರ ವಿರುದ್ಧ ಕ್ರಮ ಜರುಗಿಸುವಂತೆ ಆಗ್ರಹಿಸಿದ್ದಾರೆ.

https://www.vijayavani.net/karnataka-yamraj-chitragupt-spotted-on-roads-of-udupi-viral-video-records-their-mission-on-earth

https://www.vijayavani.net/pcbs-hopes-of-hosting-champions-trophy-in-pakistan-take-a-big-hit-after-jay-shahs-election-as-icc-chairman

https://www.vijayavani.net/im-here-zaheer-khan-unveiled-as-lsg-mentor-ahead-of-ipl-2025-video