ವಿರಾಟ್ ಕೊಹ್ಲಿ ನಾಲ್ಕನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್ಗೆ ಬಂದರು. ಮೊದಲ ಎಸೆತದಲ್ಲಿಯೇ ಔಟ್ ಆಗುವುದರಿಂದ ಪಾರಾದರು. ಸ್ಕಾಟ್ ಬೋಲ್ಯಾಂಡ್ ಓವರ್ನಲ್ಲಿ ಕ್ರೀಸ್ಗೆ ಬಂದ ವಿರಾಟ್, ಮೊದಲ ಎಸೆತದಲ್ಲೇ ಚೆಂಡು ಕೊಹ್ಲಿಯ ಬ್ಯಾಟಿನ ಅಂಚಿಗೆ ಬಡಿದು ಸ್ಲಿಪ್ ವಿಭಾಗದಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ಸ್ಟೀವ್ ಸ್ಮಿತ್ ಕಡೆಗೆ ಹಾರಿಹೋಯಿತು. ಈ ವೇಳೆ ಸ್ಮಿತ್ ಡೈವ್ ಮಾಡಿ ಚೆಂಡನ್ನು ಹಿಡಿಯಲು ಪ್ರಯತ್ನಿಸಿದರು. ಆದರೆ, ಸ್ಮಿತ್ ಅವರು ಚೆಂಡನ್ನು ತಮ್ಮ ಬೆರಳುಗಳಿಂದ ಗಾಳಿಗೆ ಎಸೆದರು. ಇದರೊಂದಿಗೆ ಸ್ಲಿಪ್ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ಮತ್ತೊಬ್ಬ ಫೀಲ್ಡರ್ ಚೆಂಡನ್ನು ಹಿಡಿದರು. ಆದರೆ, ಮೂರನೇ ಅಂಪೈರ್ ಅದನ್ನು ನಾಟೌಟ್ ಎಂದು ಘೋಷಿಸಿದರು. ಏಕೆಂದರೆ, ಚೆಂಡು ನೆಲಕ್ಕೆ ತಾಗಿದ್ದನ್ನು ರಿಪ್ಲೇ ತೋರಿಸಿತು. ಹೀಗಾಗಿ ಕೊಹ್ಲಿ ಔಟಾಗದೆ ಸ್ವಲ್ಪದರಲ್ಲೇ ಪಾರಾದರು.
