ಲಾಕ್ಡೌನ್ನಿಂದಾಗಿ ಕ್ರಿಕೆಟ್ ಚಟುವಟಿಕೆಗಳಿಂದ ದೂರ ಉಳಿದಿರುವ ಕೊಹ್ಲಿ, ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ತಮ್ಮ ದೈನಂದಿನ ಚಟುವಟಿಕೆಗಳ ಕುರಿತು ಕೊಹ್ಲಿ ಇನ್ಸ್ಟಾಗ್ರಾಂ, ಟ್ವಿಟರ್ನಲ್ಲಿ ಮಾಹಿತಿ ಹಂಚಿಕೊಳ್ಳುತ್ತಿದ್ದಾರೆ. ಮೇ 1 ರಂದು ನಡೆದ ಅನುಷ್ಕಾ ಶರ್ಮ ಬರ್ತ್ ಡೇಗೆ ಖುದ್ದು ಕೊಹ್ಲಿಯೇ ಕೇಕ್ ತಯಾರಿಸಿದರಂತೆ. ಲಾಕ್ಡೌನ್ ವೇಳೆ ಮರೆಯಲಾಗದ ಘಟನೆ ಯಾವುದು ಎಂಬ ಮಯಾಂಕ್ ಪ್ರಶ್ನೆಗೆ ಕೊಹ್ಲಿ, ಪತ್ನಿ ಬರ್ತ್ ಡೇಗೆ ಕೇಕ್ ತಯಾರಿಸಿದ ವಿಷಯ ಹೇಳಿಕೊಂಡಿದ್ದಾರೆ. ಅದಕ್ಕೂ ಮೊದಲು ಕೇಕ್ ತಯಾರಿಸಿರಲಿಲ್ಲ. ಮೊದಲ ಬಾರಿಗೆ ಕೇಕ್ ತಯಾರಿಸಿದೆ. ಆದರೂ ತುಂಬಾ ಚೆನ್ನಾಗಿತ್ತು. ಅನುಷ್ಕಾ ಕೂಡ ಕೇಕ್ ಇಷ್ಟಪಟ್ಟರು ಎಂದು ಕೊಹ್ಲಿ ಹೇಳಿದ್ದಾರೆ. ನನ್ನ ಪಾಲಿಗೆ ಅದೊಂದು ವಿಶೇಷವಾಗಿತ್ತು ಎಂದಿದ್ದಾರೆ.
