ಮೊದಲಿಗರಾಗಿ ಆಸ್ಟ್ರೇಲಿಯಾ​ ತಲುಪಿದ ವಿರಾಟ್​ ಕೊಹ್ಲಿ!

ಮೆಲ್ಬೋರ್ನ್​: ಭಾರತ ತಂಡ 2 ಬ್ಯಾಚ್​ಗಳಲ್ಲಿ ಭಾನುವಾರ ಮತ್ತು ಸೋಮವಾರ ಆಸೀಸ್​ಗೆ ಪ್ರಯಾಣಿಸಿರುವ ನಡುವೆ ಸ್ಟಾರ್​ ಬ್ಯಾಟರ್​ ವಿರಾಟ್​ ಕೊಹ್ಲಿ ಭಾನುವಾರ ಸಂಜೆಯೇ ಅಡಿಲೇಡ್​ ತಲುಪಿದ್ದಾರೆ. ಇದರೊಂದಿಗೆ ಹಾಲಿ ಪ್ರವಾಸದಲ್ಲಿ ಮೊದಲಿಗರಾಗಿ ಆಸೀಸ್​ ತಲುಪಿದ ಭಾರತ ತಂಡದ ಸದಸ್ಯರಾಗಿದ್ದಾರೆ.

ಶುಭಮಾನ್​ ಗಿಲ್​, ಮೊಹಮದ್​ ಸಿರಾಜ್​, ಆಕಾಶ್​ದೀಪ್​, ವಾಷಿಂಗ್ಟನ್​ ಸುಂದರ್​, ಯಶಸ್ವಿ ಜೈಸ್ವಾಲ್​, ಸಹಾಯಕ ಕೋಚ್​ ಅಭಿಷೇಕ್​ ನಾಯರ್​ ಭಾನುವಾರ ರಾತ್ರಿ ಮೊದಲ ಬ್ಯಾಚ್​ನಲ್ಲಿ ಸಿಂಗಾಪುರ ಮೂಲಕವಾಗಿ ಪರ್ತ್​ಗೆ ತೆರಳಿದರೆ, ನಾಯಕ ರೋಹಿತ್​ ಶರ್ಮ ಹೊರತಾಗಿ ಇತರರು ಕೋಚ್​ ಗಂಭೀರ್​ ಸುದ್ದಿಗೋಷ್ಠಿ ಮುಗಿಸಿದ ಬಳಿಕ ಸೋಮವಾರ ಮಧ್ಯಾಹ್ನ ಆಸೀಸ್​ಗೆ ವಿಮಾನ ಏರಿದರು.

ಉಪನಾಯಕ ಜಸ್​ಪ್ರೀತ್​ ಬುಮ್ರಾ ಸ್ವಲ್ಪ ತಡವಾಗಿ ಸೋಮವಾರ ರಾತ್ರಿ ಆಸೀಸ್​ಗೆ ಪ್ರಯಾಣಿಸಿದರು. ಅಭಿಮನ್ಯು ಈಶ್ವರನ್​ ಮತ್ತು ಕೆಎಲ್​ ರಾಹುಲ್​ ಭಾರತ ಎ ತಂಡದೊಂದಿಗೆ ಈಗಾಗಲೆ ಆಸೀಸ್​ ನೆಲದಲ್ಲಿದ್ದಾರೆ.

https://www.vijayavani.net/kl-rahul-sold-to-rcb-for-rs-20-cr-rcb-fans-conduct-mock-ipl-2025-auction-break-bank-for-local-boy