ಬೆಂಗಳೂರು: ಲಖನೌ ಸೂಪರ್ಜೈಂಟ್ಸ್ ತಂಡದಿಂದ ರಿಲೀಸ್ ಆಗಿರುವ ಕರ್ನಾಟಕದ ಸ್ಟಾರ್ ಬ್ಯಾಟರ್ ಕೆಎಲ್ ರಾಹುಲ್ ಈ ಬಾರಿ ಆರ್ಸಿಬಿ ತಂಡಕ್ಕೆ ಮರಳುವ ಅಭಿಮಾನಿಗಳ ನಿರೀಕ್ಷೆಗಳ ನಡುವೆ, ಮೈಸೂರಿನಲ್ಲಿ ಇತ್ತೀಚೆಗೆ ನಡೆದ ಅಣಕು ಐಪಿಎಲ್ ಹರಾಜಿನಲ್ಲಿ ಬರೋಬ್ಬರಿ 20 ಕೋಟಿ ರೂ.ಗೆ ಆರ್ಸಿಬಿ ತಂಡದ ಪಾಲಾಗಿದ್ದಾರೆ.
ಅಭಿಮಾನಿಗಳಿಗಾಗಿ ಆರ್ಸಿಬಿ ಏರ್ಪಡಿಸಿದ್ದ ಅಣಕು ಹರಾಜು ಪ್ರಕ್ರಿಯೆಯಲ್ಲಿ ರಾಹುಲ್ರನ್ನು ಸೆಳೆದುಕೊಳ್ಳಲು ಅಭಿಮಾನಿಗಳು 20 ಕೋಟಿ ರೂ.ವರೆಗೂ ಬಿಡ್ ಸಲ್ಲಿಸಿದರು. ಕೆಎಲ್ ರಾಹುಲ್ ವೃತ್ತೀಜಿವನದ ಆರಂಭದಲ್ಲಿ 2013ರಿಂದ 2016ರವರೆಗೆ ಆರ್ಸಿಬಿ ತಂಡದಲ್ಲೇ ಆಡಿದ್ದರು. ಕೆಎಲ್ ರಾಹುಲ್ ಆರ್ಸಿಬಿ ತಂಡಕ್ಕೆ ಮತ್ತೆ ಮರಳಬೇಕು ಮತ್ತು ನಾಯಕರಾಗಬೇಕು ಎಂದು ಅಭಿಮಾನಿಗಳು ಈಗಾಗಲೆ ಸಾಮಾಜಿಕ ಜಾಲತಾಣದಲ್ಲಿ ಬೇಡಿಕೆ ಇಟ್ಟಿದ್ದಾರೆ.
ರಣಜಿ ಟ್ರೋಫಿಯಲ್ಲಿ ಕರ್ನಾಟಕದ ನಾಕೌಟ್ ಹಾದಿ ಕಠಿಣ; ಹೀಗಿದೆ ಮುಂದಿನ ಸವಾಲು…