ವಿರಾಟ್​ ಕೊಹ್ಲಿ ವಿಶ್ವದ ಅತ್ಯಂತ ಜನಪ್ರಿಯ ಕ್ರಿಕೆಟಿಗ, ಟೀಮ್​ ಇಂಡಿಯಾ ಜನಪ್ರಿಯ ತಂಡ

ನವದೆಹಲಿ: ಟೀಮ್​ ಇಂಡಿಯಾ ನಾಯಕ ವಿರಾಟ್​ ಕೊಹ್ಲಿವಿಶ್ವದ ಅತ್ಯಂತ ಜನಪ್ರಿಯ ಕ್ರಿಕೆಟಿಗರ ಪಟ್ಟಿಯಲ್ಲಿ ಅಗ್ರಸ್ಥಾನ ಅಲಂಕರಿಸಿದ್ದಾರೆ. ಅಂತರ್ಜಾಲದಲ್ಲಿ ಅತಿಹೆಚ್ಚು ಹುಡುಕಾಟಕ್ಕೆ ಒಳಗಾದ ಕ್ರಿಕೆಟಿಗರ ಪಟ್ಟಿಯಲ್ಲಿ ಕೊಹ್ಲಿ ನಂತರದಲ್ಲಿ ಭಾರತ ತಂಡದ ಮಾಜಿ ನಾಯಕ ಎಂಎಸ್​ ಧೋನಿ ಮತ್ತು ಉಪನಾಯಕ ರೋಹಿತ್​ ಶರ್ಮ ಸ್ಥಾನ ಪಡೆದಿದ್ದಾರೆ. ಭಾರತೀಯ ಕ್ರಿಕೆಟ್​ ತಂಡ ಕೂಡ ವಿಶ್ವದ ಅತ್ಯಂತ ಜನಪ್ರಿಯ ಕ್ರಿಕೆಟ್​ ತಂಡವೆನಿಸಿದೆ.

ಸೆಮ್ರಶ್​ ಸಾಫ್ಟ್​ವೇರ್​ ಸಂಸ್ಥೆಯ ಅಧ್ಯಾಯನದ ಪ್ರಕಾರ, ವಿರಾಟ್​ ಕೊಹ್ಲಿ ಈ ವರ್ಷ ಜನವರಿಯಿಂದ ಜೂನ್​ವರೆಗೆ ಆನ್​ಲೈನ್​ನಲ್ಲಿ ಪ್ರತಿ ತಿಂಗಳಿಗೆ 16.2 ಲಕ್ಷ ಸರಾಸರಿಯಲ್ಲಿ ಸರ್ಚ್​ಗೆ ಒಳಗಾಗಿದ್ದಾರೆ. ಇದೇ ಅವಧಿಯಲ್ಲಿ ಟೀಮ್​ ಇಂಡಿಯಾ ಸರಾಸರಿ 2.4 ಲಕ್ಷ ಬಾರಿ ಸರ್ಚ್​ಗೆ ಒಳಗಾಗಿದೆ.

ರೋಹಿತ್​ ಶರ್ಮ, ಎಂಎಸ್​ ಧೋನಿ, ಜಾರ್ಜ್​ ಮೆಕಾಯ್​, ಜೋಶ್​ ರಿಚರ್ಡ್​, ಹಾರ್ದಿಕ್​ ಪಾಂಡ್ಯ, ಸಚಿನ್​ ತೆಂಡುಲ್ಕರ್​, ಕ್ರಿಸ್​ ಮ್ಯಾಥ್ಯೂಸ್​, ಶ್ರೇಯಸ್​ ಅಯ್ಯರ್​ ಟಾಪ್​ 10 ಪಟ್ಟಿಯಲ್ಲಿರುವ ಇತರ ಕ್ರಿಕೆಟಿಗರಾಗಿದ್ದಾರೆ. ಈ ಕ್ರಿಕೆಟಿಗರು 2020ರ ಜನವರಿಯಿಂದ ಜೂನ್​ವರೆಗೆ ಸರಾಸರಿ 9.7, 9.4, 9.1, 7.1, 6.7, 5.4, 4.1 ಮತ್ತು 3.4 ಲಕ್ಷ ಬಾರಿ ಸರ್ಚ್​ಗೆ ಒಳಗಾಗಿದ್ದಾರೆ.

ಇದನ್ನೂ ಓದಿ: VIDEO | ಚಾಹಲ್​ ಡ್ಯಾನ್ಸ್​ಗೆ ಭಾವಿ ಪತ್ನಿ ಕೋರಿಯೋಗ್ರಾಫರ್​!

ಅತಿ ಹೆಚ್ಚು ಸರ್ಚ್​ಗೆ ಒಳಗಾಗಿರುವ ಕ್ರಿಕೆಟ್​ ತಂಡಗಳ ಪೈಕಿ ಭಾರತ ತಂಡದ ನಂತರದಲ್ಲಿ ಇಂಗ್ಲೆಂಡ್​ (0.66 ಲಕ್ಷ), ಆಸ್ಟ್ರೇಲಿಯಾ (0.33 ಲಕ್ಷ), ವೆಸ್ಟ್​ ಇಂಡೀಸ್​ (0.29 ಲಕ್ಷ), ಪಾಕಿಸ್ತಾನ (0.23 ಲಕ್ಷ), ದಕ್ಷಿಣ ಆಫ್ರಿಕಾ (0.16 ಲಕ್ಷ), ಬಾಂಗ್ಲಾದೇಶ (0.12 ಲಕ್ಷ), ನ್ಯೂಜಿಲೆಂಡ್​ (0.12 ಲಕ್ಷ), ಶ್ರೀಲಂಕಾ (0.09 ಲಕ್ಷ), ಐರ್ಲೆಂಡ್​ (0.05 ಲಕ್ಷ), ಅಫ್ಘಾನಿಸ್ತಾನ (0.04 ಲಕ್ಷ) ಮತ್ತು ಜಿಂಬಾಬ್ವೆ (0.03 ಲಕ್ಷ)ತಂಡಗಳಿವೆ.

ಪುರುಷ ಕ್ರಿಕೆಟಿಗರ ಜತೆಗೆ ಮಹಿಳಾ ಕ್ರಿಕೆಟಿಗರು ಕೂಡ ಸಾಕಷ್ಟು ಆನ್​ಲೈನ್​ನಲ್ಲಿ ಸಾಕಷ್ಟು ಸರ್ಚ್​ಗೆ ಒಳಗಾಗಿದ್ದಾರೆ. ಭಾರತದ ಸ್ಮೃತಿ ಮಂದನಾ ಮತ್ತು ಆಸ್ಟ್ರೇಲಿಯಾದ ಎಲ್ಲಿಸ್​ ಪೆರ್ರಿ ಕ್ರಮವಾಗಿ 12 ಮತ್ತು 20ನೇ ಸ್ಥಾನದಲ್ಲಿದ್ದಾರೆ. ಈ ಮೂಲಕ ಅವರು ಯುವರಾಜ್​ ಸಿಂಗ್​ ಮತ್ತು ಶಿಖರ್​ ಧವನ್​ ಅವರಂಥ ಸ್ಟಾರ್​ಗಳನ್ನೇ ಹಿಂದಿಕ್ಕಿದ್ದಾರೆ.

https://www.vijayavani.net/patanjali-considering-replacing-vivo-as-ipl-2020-title-sponsors/