ಇಂದಿನ ಪಂದ್ಯದಲ್ಲಿ ವಿಘ್ನೇಶ್​ ಪುತ್ತೂರು ಇರಬೇಕಿತ್ತು; ಫ್ರಾಂಚೈಸಿ ವಿರುದ್ಧ ಕ್ರಿಕೆಟ್​​ ಫ್ಯಾನ್ಸ್ ಬೇಸರ​ | Vignesh Puthur

Vignesh Puthur: ಇಂದು (ಮಾ.29) ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಮುಂಬೈ ಇಂಡಿಯನ್ಸ್ ಮತ್ತು ಗುಜರಾತ್ ಟೈಟನ್ಸ್ ನಡುವಿನ ಪಂದ್ಯದಲ್ಲಿ ಜಿಟಿ 20 ಓವರ್​ ಅಂತ್ಯಕ್ಕೆ 196 ರನ್​ ಕಲೆಹಾಕಿದೆ. 8 ವಿಕೆಟ್​ ಕಳೆದುಕೊಂಡ ಜಿಟಿ, ಎಂಗೆ 197 ರನ್​ಗಳ ಗುರಿಯನ್ನು ಬೆನ್ನಟ್ಟುವಂತೆ ಸವಾಲ್ ಹಾಕಿದೆ.

ಇದನ್ನೂ ಓದಿ: ವಿದೇಶದಲ್ಲಿ ಸಂಪಾದಿಸಿದ್ದನ್ನೆಲ್ಲ… ಪತ್ನಿಯ ಕರಾಳ ಮುಖ ಕಂಡ ಪತಿ ಆತ್ಮಹತ್ಯೆಗೆ ಶರಣು, ಡೆತ್​ನೋಟ್​ನಲ್ಲಿ ಸತ್ಯ ಬಯಲು | Death Note

ಟಾಸ್​ ಗೆದ್ದು ಮೊದಲು ಬೌಲಿಂಗ್ ಆಯ್ದುಕೊಂಡ ಮುಂಬೈ ಇಂಡಿಯನ್ಸ್​, ಗುಜರಾತ್ ಪಡೆಗೆ ಬ್ಯಾಟ್ ಮಾಡಲು ಆಹ್ವಾನಿಸಿತು. ಅಂತೆಯೇ ಬ್ಯಾಟ್ ಮಾಡಿದ ಶುಭಮನ್​ ಗಿಲ್​ ಪಡೆ, ಆರಂಭದಲ್ಲೇ ವಿಕೆಟ್​ ಕಳೆದುಕೊಂಡು ಪರದಾಡಿತು. ಸಾಯಿ ಸುದರ್ಶನ್ (63)​, ಗಿಲ್ (38)​ ಮತ್ತು ಜಾಸ್​ ಬಟ್ಲರ್​ (39) ಅವರ ನೆರವಿನಿಂದ ತಂಡ 190ರ ಗಡಿದಾಟಲು ಸಾಧ್ಯವಾಯಿತು. ಇನ್ನು ಈ ಪಂದ್ಯದಲ್ಲಿ ಕಳೆದ ಬಾರಿ ಎಂಐ ಪರ ಮಿಂಚಿದ ಯುವ ಕ್ರಿಕೆಟಿಗ ವಿಘ್ನೇಶ್​ ಪುತ್ತೂರು ಅವರನ್ನು ಅಭಿಮಾನಿಗಳು ಮಿಸ್ ಮಾಡಿಕೊಂಡಿದ್ದಾರೆ.

ಕಳೆದ ಪಂದ್ಯದಲ್ಲಿ ಚೆನ್ನೈ ಸೂಪರ್​ ಕಿಂಗ್ಸ್ ವಿರುದ್ಧ ರೋಹಿತ್​ ಶರ್ಮ ಬದಲಿಗೆ ಇಂಪ್ಯಾಕ್ಟ್ ಪ್ಲೇಯರ್​ ಆಗಿ ಆಡಿದ ವಿಘ್ನೇಶ್​, ಚೆನ್ನೈ ಪಡೆಯ ಸ್ಟಾರ್​ ಬ್ಯಾಟರ್​ಗಳ ವಿಕೆಟ್​ಗಳನ್ನು ಕಬಳಿಸುವಲ್ಲಿ ಯಶಸ್ವಿಯಾದರು. ಬರೋಬ್ಬರಿ ಮೂರು ವಿಕೆಟ್​ ಪಡೆದು ಮಿಂಚಿದ ಯುವ ವೇಗಿ, ರುತುರಾಜ್ ಗಾಯಕ್ವಾಡ್​, ಶಿವಂ ದುಬೆ ಮತ್ತು ದೀಪಕ್​ ಹೂಡಾರನ್ನು ಪೆವಿಲಿಯನ್​ಗೆ ಕಳಿಸುವ ಕೆಲಸ ಮಾಡಿದರು. ಇದು ಎಂಐ ಫ್ಯಾನ್ಸ್ ಮಾತ್ರವಲ್ಲದೇ ಕ್ರಿಕೆಟ್ ಅಭಿಮಾನಿಗಳ ಗಮನ ಸೆಳೆಯಿತು.

ವಿಘ್ನೇಶ್​ ಪ್ರದರ್ಶನಕ್ಕೆ ಮೆಚ್ಚುಗೆ, ಪ್ರಶಂಸೆ ವ್ಯಕ್ತಪಡಿಸಿದ ಅಭಿಮಾನಿಗಳು, ಇಂದಿನ ಗುಜರಾತ್​ ಟೈಟನ್ಸ್ ವಿರುದ್ಧದ ಪಂದ್ಯದಿಂದ ಅವರನ್ನು ಕೈಬಿಟ್ಟಿದ್ದಕ್ಕೆ ಮ್ಯಾನೇಜ್​ಮೆಂಟ್​ ವಿರುದ್ಧ ಭಾರೀ ಬೇಸರ ವ್ಯಕ್ತಪಡಿಸಿದ್ದಾರೆ. ಹಾರ್ದಿಕ್​ ಪಾಂಡ್ಯ ಆಗಮಿಸುತ್ತಿದ್ದಂತೆ ವಿಘ್ನೇಶ್​ರನ್ನು ಎರಡನೇ ಪಂದ್ಯದಿಂದ ಕೈಬಿಡಲಾಗಿದೆ. ಇದು ಒಪ್ಪುವಂತದ್ದಲ್ಲ. ಕಳೆದ ಮ್ಯಾಚ್​ನಲ್ಲಿ ಅವರು ಸಿಎಸ್​ಕೆ ಪರ ಮಿಂಚಿದ್ದಾರೆ. ಇಂದಿನ ಪಂದ್ಯದಲ್ಲಿಯೂ ಅವರಿಗೆ ಅವಕಾಶ ಕೊಡಬೇಕಿತ್ತು ಎಂದೆಲ್ಲ ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/rcb-fans-trolls-ambati-rayudu