17 ವರ್ಷಗಳ ಬಳಿಕ ಎರಡನೇ ಬಾರಿಗೆ ಸಿಎಸ್ಕೆ ತಂಡವನ್ನು ಅವರ ತವರಿನಲ್ಲೇ ಮಣಿಸಿದ ಆರ್ಸಿಬಿ, ರಜತ್ ಪಟಿದಾರ್ ನಾಯಕತ್ವದಲ್ಲಿ ಹೊಸ ದಾಖಲೆಗೆ ಸಾಕ್ಷಿಯಾಯಿತು. ಇದು ಫ್ರಾಂಚೈಸಿಯ ಫ್ಯಾನ್ಸ್ಗಳ ಸಂತಸವನ್ನು ದುಪ್ಟಟ್ಟಾಗಿಸಿತು. ಪ್ರತಿಬಾರಿ ಒಂದಲ್ಲ ಒಂದು ರೀತಿ ಆರ್ಸಿಬಿಯನ್ನು ಟೀಕಿಸುವ ಅಂಬಟಿ ವಿರುದ್ಧ ಕಿಡಿಕಾರುತ್ತಿದ್ದ ಬೆಂಗಳೂರು ಅಭಿಮಾನಿ ಬಳಗ, ಭರ್ಜರಿ ಗೆಲುವಿನ ಕ್ಷಣಕ್ಕಾಗಿ ಕಾದು ಕುಳಿತ್ತಿತ್ತು. ಅದಕ್ಕೆ ತಕ್ಕಂತೆಯೇ ನಿನ್ನೆಯ ಪಂದ್ಯದಲ್ಲಿ ಭಾರೀ ಪೈಪೋಟಿ ಕೊಡದೆ ಸೋತ ಸಿಎಸ್ಕೆಯನ್ನು ಈಗ ಹಿಗ್ಗಾಮುಗ್ಗಾ ಕಾಲೆಳೆದಿದ್ದಾರೆ. ಇದರ ಬೆನ್ನಲ್ಲೇ ಅಂಬಟಿ ರಾಯುಡು ಪ್ಯಾನೆಲ್ನಲ್ಲಿ ಕಾಣುತ್ತಿಲ್ಲ. ಎಲ್ಲಿ ಕಣ್ಮರೆಯಾದರು? ಎಂದು ಜಾಲತಾಣದ ಪೋಸ್ಟ್ನಲ್ಲಿ ವ್ಯಂಗ್ಯವಾಡಿದ್ದಾರೆ.
