ಪಂದ್ಯದ 2ನೇ ದಿನದಾಟದಲ್ಲಿ ವಿಂಡೀಸ್ ನಾಯಕ ಜೇಸನ್ ಹೋಲ್ಡರ್ 42 ರನ್ಗೆ 6 ವಿಕೆಟ್ ಕಬಳಿಸಿದರು. ಇದಕ್ಕೆ ಡಿಆರ್ಎಸ್ ಬಳಕೆಯೇ ಅವರಿಗೆ ನೆರವಾಗಿದೆ. ಮೈದಾನದ ಅಂಪೈರ್ಗಳು, ಆತಿಥೇಯ ಇಂಗ್ಲೆಂಡ್ ಬ್ಯಾಟ್ಸ್ಮನ್ಗಳ ವಿರುದ್ಧ ಅವರ ಎಲ್ಬಿಡಬ್ಲ್ಯು ಮನವಿಗಳನ್ನು ತಿರಸ್ಕರಿಸಿದಾಗ ಡಿಆರ್ಎಸ್ ಬಳಕೆಯಿಂದ ಯಶಸ್ಸು ಗಳಿಸುವಲ್ಲಿ ಸಲರಾಗಿದ್ದಾರೆ. ಇದರಿಂದಾಗಿ ಮೈದಾನದಲ್ಲಿ ಅಂಪೈರ್ ಯಾಕೆ ಬೇಕು, ತೃತೀಯ ಅಂಪೈರ್ ಮಾತ್ರ ಇರಲಿ ಸಾಕಾಗುತ್ತದೆ ಎಂದು ಕ್ರಿಕೆಟ್ ಪ್ರೇಮಿಗಳು ಟೀಕಿಸಿದ್ದಾರೆ. ಸುದೀರ್ಘ ಸಮಯದ ಬಳಿಕ ಕ್ರಿಕೆಟ್ ಪುನರಾರಂಭಗೊಂಡರೂ, ಅಂಪೈರ್ಗಳ ನಿರ್ವಹಣೆ ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆಗೆ ಗುರಿಯಾಗಿದೆ. ಅಂಪೈರ್ಗಳೂ ಮನುಷ್ಯರೆಂಬುದನ್ನು ಒಪ್ಪಿಕೊಳ್ಳುವೆ. ಆದರೆ ತಪ್ಪುಗಳಿಗೂ ಒಂದು ಮಿತಿ ಇರುತ್ತದೆ ಎಂದು ಕೆಲವರು ದೂರಿದ್ದಾರೆ. ಭಾರತದ ವೀಕ್ಷಕವಿವರಣೆಕಾರ ಆಕಾಶ್ ಚೋಪ್ರಾ ಕೂಡ ಅಂಪೈರ್ಗಳ ಬಗ್ಗೆ ಕಿಡಿಕಾರಿದ್ದಾರೆ.
