ಆದರೆ ಶೇನ್ ವಾರ್ನ್ ವಾದವನ್ನು ಒಪ್ಪಿಕೊಳ್ಳದ ಅಭಿಮಾನಿಯೊಬ್ಬ, ‘ಶೇನ್ ವಾರ್ನ್ ಅವರೇ ಸ್ಪಿನ್ ಬೌಲಿಂಗ್ ಹೇಗೆ ಕೆಲಸ ಮಾಡುತ್ತದೆ ಎಂಬುದು ನಿಮಗೆ ಗೊತ್ತಿದೆಯೇ? ಪಿಚ್ ಒಣಗಬೇಕು. ಆದರೆ ಮಳೆಯಿಂದಾಗಿ ಈ ಪಿಚ್ ಪಂದ್ಯದ ಉಳಿದ ಸಮಯದಲ್ಲೂ ಒಣಗಲಾರದು’ ಎಂದು ಪ್ರತಿ ಟ್ವೀಟ್ ಮಾಡಿದ್ದಾನೆ. ಟೆಸ್ಟ್ ಕ್ರಿಕೆಟ್ನ 708 ವಿಕೆಟ್ ಸಹಿತ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 1001 ವಿಕೆಟ್ ಕಬಳಿಸಿರುವ ಶೇನ್ ವಾರ್ನ್ ಅವರಿಗೇ ಸ್ಪಿನ್ ಬಗ್ಗೆ ತಿಳಿ ಹೇಳಿರುವ ಈ ಕಾಮೆಂಟ್ಗೆ ಹಲವಾರು ತಮಾಷೆಯ ಪ್ರತಿಕ್ರಿಯೆಗಳು ಬಂದಿವೆ. ‘ಮೆಕ್ಕಾ’ ಹೆಸರಿನಲ್ಲಿ ಕ್ರಿಕೆಟ್ ಅಭಿಮಾನಿ ಮಾಡಿರುವ ಈ ಕಾಮೆಂಟ್ 15 ಸಾವಿರ ಲೈಕ್ಸ್ ಪಡೆದಿದ್ದು, 21 ಸಾವಿರ ರೀಟ್ವೀಟ್ ಆಗಿದೆ. 15 ಸಾವಿರ ಮಂದಿ ಇದೇ ಟ್ವೀಟ್ ಅನ್ನು ಕೋಟ್ ಮಾಡಿದ್ದರೆ, 600 ಮಂದಿ ಈ ಟ್ವೀಟ್ಗೆ ಪ್ರತಿಕ್ರಿಯೆ ನೀಡಿದ್ದಾರೆ.
