ಇಂದಿನಿಂದ ಬಾರ್ಡರ್​-ಗಾವಸ್ಕರ್​ ಟ್ರೋಫಿ: ಕಾಂಗರೂ ನಾಡಿನ ಸವಾಲಿಗೆ ಸಜ್ಜಾದ ಭಾರತ

ಪರ್ತ್​: ಭಾರತೀಯ ಕ್ರಿಕೆಟ್​ ಪಾಲಿಗೆ ಪ್ರತಿಷ್ಠೆಯ ಪ್ರಶ್ನೆಯಾಗಿರುವ ಬಾರ್ಡರ್​-ಗಾವಸ್ಕರ್​ ಟ್ರೋಫಿಗೆ (ಬಿಜಿಟಿ) ಶುಕ್ರವಾರ ಕಾಂಗರೂ ನಾಡಿನಲ್ಲಿ ಚಾಲನೆ ಸಿಗಲಿದೆ. ತವರಿನಲ್ಲಿ ನ್ಯೂಜಿಲೆಂಡ್​ ಎದುರಿನ ವೈಟ್​ವಾಷ್​ ಮುಖಭಂಗದ ಬಳಿಕ ಪುಟಿದೇಳಬೇಕಾದ ಸವಾಲು ಎದುರಿಸುತ್ತಿರುವ ಟೀಮ್​ ಇಂಡಿಯಾ, ಆತಿಥೇಯ ಆಸ್ಟ್ರೆಲಿಯಾ ವಿರುದ್ಧದ 5 ಪಂದ್ಯಗಳ ಟೆಸ್ಟ್​ ಸರಣಿಯ ಮೊದಲ ಪಂದ್ಯವನ್ನು ಬೌನ್ಸಿ ಪಿಚ್​ ಹೊಂದಿರುವ ಪರ್ತ್​ ಸ್ಟೇಡಿಯಂನಲ್ಲಿ ಆಡಲಿದೆ. ಕಾಯಂ ನಾಯಕ ರೋಹಿತ್​ ಶರ್ಮ ಗೈರಿನಲ್ಲಿ ಉಪನಾಯಕ ಜಸ್​ಪ್ರೀತ್​ ಬುಮ್ರಾ ಭಾರತ ತಂಡವನ್ನು ಮುನ್ನಡೆಸಲಿದ್ದು, ಉಭಯ ತಂಡಗಳಿಗೂ ವೇಗಿಗಳೇ ನಾಯಕರಾಗಿರುವುದು ವಿಶೇಷವೆನಿಸಿದೆ. ಟೆಸ್ಟ್​ ಕ್ರಿಕೆಟ್​ನಲ್ಲಿ ಈಗ ಆಶಸ್​ನಷ್ಟೇ ಕುತೂಹಲ-ಆಕರ್ಷಣೆ-ಮಹತ್ವ ಪಡೆದುಕೊಂಡಿರುವ ಸರಣಿ ಇದಾಗಿದೆ.

ಕಳೆದ 10 ವರ್ಷಗಳಿಂದ ಆಸೀಸ್​ ಎದುರು ಟೆಸ್ಟ್​ ಸರಣಿ ಸೋಲದಿರುವ ದಾಖಲೆ ಕಾಯ್ದುಕೊಳ್ಳುವ, ಆಸೀಸ್​ ನೆಲದಲ್ಲಿ ಸತತ 3ನೇ ಬಾರಿ ಟೆಸ್ಟ್​ ಸರಣಿ ಗೆಲ್ಲುವ ಮತ್ತು ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್ ಫೈನಲ್​ಗೇರಲು (ಬೇರೆ ಲೆಕ್ಕಾಚಾರ ಅವಲಂಬಿಸದೆ) 4-0 ಅಂತರದಿಂದ ಸರಣಿ ವಶಪಡಿಸಿಕೊಳ್ಳುವ ದೊಡ್ಡ ಸವಾಲಿನೊಂದಿಗೆ ಭಾರತ ತಂಡ ಕಣಕ್ಕಿಳಿಯಲಿದೆ. ಅತ್ತ ಆಸ್ಟ್ರೆಲಿಯಾ ತಂಡ 2016-17ರ ಬಳಿಕ ಮತ್ತೆ ಬಾರ್ಡರ್​-ಗಾವಸ್ಕರ್​ ಟ್ರೋಫಿ ಒಲಿಸಿಕೊಳ್ಳುವ ಮತ್ತು ತವರಿನಲ್ಲಿ ಮತ್ತೆ ಭಾರತದ ಎದುರು ಪ್ರಾಬಲ್ಯ ಸಾಧಿಸುವ ತವಕದಲ್ಲಿದೆ.

ಕಳೆದ ಎರಡು ಆಸೀಸ್​ ಪ್ರವಾಸಗಳಲ್ಲಿ ದಿಟ್ಟ ನಿರ್ವಹಣೆಯೊಂದಿಗೆ ಸ್ಮರಣೀಯ ಗೆಲುವುಗಳನ್ನು ದಾಖಲಿಸಿರುವ ಭಾರತ ಮೂರನೇ ಸಲವೂ ಅದನ್ನು ಪುನರಾವರ್ತಿಸುವ ಹಂಬಲದಲ್ಲಿದ್ದರೂ, ಕಿವೀಸ್​ ವಿರುದ್ಧ ತವರಿನಲ್ಲಿ ಅನುಭವಿಸಿದ ಮುಖಭಂಗ ಮತ್ತು ಐಸಿಸಿ ವಿಶ್ವ ಟೆಸ್ಟ್​ ಚಾಂಪಿಯನ್​ಷಿಪ್​ ಫೈನಲ್​ಗೇರಬೇಕಾದ ಸವಾಲು ಹೆಚ್ಚುವರಿ ಒತ್ತಡ ಹೇರಿದೆ. ಜತೆಗೆ ಆಸೀಸ್​ ಈ ಬಾರಿ ಅನುಭವಿ ತಂಡವನ್ನು ಹೊಂದಿದ್ದರೆ, ಸ್ಥಿತ್ಯಂತರದ ಕಾಲಟ್ಟದಲ್ಲಿರುವ ಭಾರತ ತಂಡ ಬಹುತೇಕ ಯುವ-ಅನನುಭವಿ ಆಟಗಾರರನ್ನು ಒಳಗೊಂಡಿದೆ.

"ನ್ಯೂಜಿಲೆಂಡ್​ ವಿರುದ್ಧದ ಸೋಲಿನ ಹೊರೆಯನ್ನು ಹೊತ್ತುಕೊಂಡು ನಾವು ಇಲ್ಲಿಗೆ ಬಂದಿಲ್ಲ. ಪ್ರತಿ ಗೆಲುವಿನ ಮತ್ತು ಸೋಲಿನ ನಂತರ ಶೂನ್ಯದಿಂದಲೇ ಆರಂಭಿಸಬೇಕಾಗುತ್ತದೆ. ಕಿವೀಸ್​ ವಿರುದ್ಧ ಸರಣಿಯಿಂದ ಕಲಿತಿದ್ದೇವೆ. ಈಗ ನಾವು ಭಿನ್ನ ವಾತಾವರಣದಲ್ಲಿ ಆಡಲಿದ್ದೇವೆ ಮತ್ತು ಲಿತಾಂಶವೂ ಭಿನ್ನವಾಗಿರಲಿದೆ' ಎಂದು ಹಂಗಾಮಿ ನಾಯಕ ಜಸ್​ಪ್ರೀತ್​ ಬುಮ್ರಾ ಪಂದ್ಯಕ್ಕೆ ಮುನ್ನಾದಿನ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.

ರೋಹಿತ್​ ಶರ್ಮ ಗೈರಿನಲ್ಲಿ ವಿರಾಟ್​ ಕೊಹ್ಲಿ ಹೊರತುಪಡಿಸಿ ಭಾರತ ತಂಡ ಬಹುತೇಕ ಯುವ ಬ್ಯಾಟರ್​ಗಳಿಂದಲೇ ಕೂಡಿದೆ. ಎಡಗೈ ಆರಂಭಿಕ ಯಶಸ್ವಿ ಜೈಸ್ವಾಲ್​ಗೆ ಇದು ಮೊದಲ ಆಸೀಸ್​ ಪ್ರವಾಸವಾಗಿದ್ದು, ಹಾಲಿ ವರ್ಷದ ರನ್​ಪ್ರವಾಹ ಮುಂದುವರಿಸುವ ನಿರೀೆ ಇದೆ. ಇನ್ನು ವಿಕೆಟ್​ ಕೀಪರ್​ ರಿಷಭ್​ ಪಂತ್​ 2021ರ ಬ್ರಿಸ್ಬೇನ್​ ಟೆಸ್ಟ್​ ಆಟದ ಬಳಿಕ ಆಸೀಸ್​ ಪಾಲಿಗೆ ಹೊಸ ಸವಾಲಾಗಿದ್ದಾರೆ. ಉಳಿದಂತೆ ದೇವದತ್​ ಪಡಿಕ್ಕಲ್​ (24 ವರ್ಷ), ಧ್ರುವ ಜುರೆಲ್​ (23 ವರ್ಷ), ನಿತೀಶ್​ ಕುಮಾರ್​ ರೆಡ್ಡಿ (21 ವರ್ಷ) ಅವರಂಥ ಯುವ ಆಟಗಾರರಿಂದ ತಂಡ ಕೂಡಿರಲಿದೆ. ಬೌಲಿಂಗ್​ನಲ್ಲಿ ಬುಮ್ರಾಗೆ ಇತರ ಬೌಲರ್​ಗಳಿಂದ ಸಮರ್ಥ ಸಾಥ್​ ಸಿಗಬೇಕಾಗಿದೆ. ಮೊಹಮದ್​ ಶಮಿ ಇನ್ನೂ ಫಿಟ್​ ಆಗಿ ತಂಡ ಸೇರಿಕೊಳ್ಳದಿರುವುದು ಭಾರತಕ್ಕೆ ಹಿನ್ನಡೆಯಾಗಿದೆ.

ವಿಶ್ವಾಸದಲ್ಲಿ ಆಸ್ಟ್ರೆಲಿಯಾ

ಭಾರತ ವಿರುದ್ಧ ತವರಿನ ಕಳೆದೆರಡು ಟೆಸ್ಟ್​ ಸರಣಿಗಳಲ್ಲಿ ನಿರೀತ ನಿರ್ವಹಣೆ ತೋರದೆ ಶರಣಾಗಿದ್ದ ಆಸೀಸ್​, ಈ ಬಾರಿ ಸೇಡು ತೀರಿಸಿಕೊಳ್ಳುವ ವಿಶ್ವಾಸದಲ್ಲಿದೆ. ಉಸ್ಮಾನ್​ ಖವಾಜ, ಟ್ರಾವಿಸ್​ ಹೆಡ್​, ಸ್ಟೀವನ್​ ಸ್ಮಿತ್​, ಮಾರ್ನಸ್​ ಲಬುಶೇನ್​ ಅವರಂಥ ಪ್ರಮುಖ ಬ್ಯಾಟರ್​ಗಳು ಈ ಬಾರಿ ಆಸೀಸ್​ಗೆ ಬಲ ತುಂಬಲಿದ್ದಾರೆ. ಬೌಲಿಂಗ್​ನಲ್ಲೂ ಪ್ಯಾಟ್​ ಕಮ್ಮಿನ್ಸ್​, ಮಿಚೆಲ್​ ಸ್ಟಾರ್ಕ್​, ಜೋಶ್​ ಹ್ಯಾಸಲ್​ವುಡ್​, ನಾಥನ್​ ಲ್ಯಾನ್​ರಂಥ ಪ್ರಮುಖರ ಉಪಸ್ಥಿತಿ ಆಸೀಸ್​ ತಂಡವನ್ನು ಬಲಿಷ್ಠಗೊಳಿಸಿದೆ. ಹೀಗಾಗಿ ಈ ಬಾರಿ ಭಾರತಕ್ಕೆ ಗೆಲ್ಲುವುದು ಕಳೆದೆರಡು ಪ್ರವಾಸಗಳಿಗಿಂತ ಕಠಿಣವಾಗಿರಲಿದೆ.

ಟೀಮ್​ ನ್ಯೂಸ್​:

ಭಾರತ: ಆಡುವ 11ರ ಬಳಗವನ್ನು ಈಗಾಗಲೆ ಅಂತಿಮಗೊಳಿಸಿದ್ದೇವೆ. ಆದರೆ ಅದನ್ನು ಪಂದ್ಯದ ದಿನ ಬೆಳಗ್ಗೆಯೇ ಬಹಿರಂಗಪಡಿಸುತ್ತೇವೆ ಎಂದು ನಾಯಕ ಬುಮ್ರಾ ಗುರುವಾರ ತಿಳಿಸಿದ್ದಾರೆ. ಬಿಸಿಸಿಐನಿಂದ ಅಧಿಕೃತವಾಗಿ ತಂಡಕ್ಕೆ ಸೇರ್ಪಡೆಯಾಗಿರುವ ಎಡಗೈ ಬ್ಯಾಟರ್​ ದೇವದತ್​ ಪಡಿಕ್ಕಲ್​ 3ನೇ ಕ್ರಮಾಂಕದಲ್ಲಿ ಆಡುವುದು ಮತ್ತು ನಿತೀಶ್​ ಕುಮಾರ್​ ರೆಡ್ಡಿ ಪದಾರ್ಪಣೆ ಬಹುತೇಕ ಖಚಿತವೆನಿಸಿದೆ. ಎದುರಾಳಿ ತಂಡದ ಎಡಗೈ ಬ್ಯಾಟರ್​ಗಳನ್ನು ಕಟ್ಟಿಹಾಕಲು ಆರ್​. ಅಶ್ವಿನ್​ ಏಕೈಕ ಸ್ಪಿನ್ನರ್​ ಆಗಿ ರವೀಂದ್ರ ಜಡೇಜಾ/ವಾಷಿಂಗ್ಟನ್​ ಸುಂದರ್​ರನ್ನು ಹಿಂದಿಕ್ಕಿ 11ರ ಬಳಗದಲ್ಲಿ ಸ್ಥಾನ ಪಡೆಯುವ ನಿರೀಕ್ಷೆ ಇದೆ. 2-3ನೇ ವೇಗದ ಬೌಲರ್​ ಸ್ಥಾನಕ್ಕೆ ಸಿರಾಜ್​/ಆಕಾಶ್​ದೀಪ್​, ಪ್ರಸಿದ್ಧ/ಹರ್ಷಿತ್​ ನಡುವೆ ಪೈಪೋಟಿ ಏರ್ಪಟ್ಟಿದೆ.

ಸಂಭಾವ್ಯ ತಂಡ: ಯಶಸ್ವಿ ಜೈಸ್ವಾಲ್​, ಕೆಎಲ್​ ರಾಹುಲ್​, ದೇವದತ್​ ಪಡಿಕ್ಕಲ್​, ವಿರಾಟ್​ ಕೊಹ್ಲಿ, ರಿಷಭ್​ ಪಂತ್​ (ವಿ.ಕೀ), ಧ್ರುವ ಜುರೆಲ್​, ಆರ್​. ಅಶ್ವಿನ್​, ನಿತೀಶ್​ ಕುಮಾರ್​ ರೆಡ್ಡಿ, ಹರ್ಷಿತ್​ ರಾಣಾ/ಪ್ರಸಿದ್ಧಕೃಷ್ಣ, ಮೊಹಮದ್​ ಸಿರಾಜ್​/ಆಕಾಶ್​ದೀಪ್​, ಜಸ್​ಪ್ರೀತ್​ ಬುಮ್ರಾ (ನಾಯಕ).

ಆಸ್ಟ್ರೆಲಿಯಾ: ಡೇವಿಡ್​ ವಾರ್ನರ್​ ಸ್ಥಾನದಲ್ಲಿ ಹೊಸ ಬ್ಯಾಟರ್​ ನಾಥನ್​ ಮೆಕ್​ಸ್ವೀನಿಗೆ ಇನಿಂಗ್ಸ್​ ಆರಂಭಿಸುವ ಅವಕಾಶ ಕಲ್ಪಿಸುವುದನ್ನು ನಾಯಕ ಪ್ಯಾಟ್​ ಕಮ್ಮಿನ್ಸ್​ ಖಚಿತಪಡಿಸಿದ್ದಾರೆ. ಜತೆಗೆ ವಾರ್ನರ್​ರಂತೆ 80ಕ್ಕಿಂತ ಹೆಚ್ಚಿನ ಸ್ಟ್ರೆ$ಕ್​ರೇಟ್​ನಲ್ಲಿ ರನ್​ ಗಳಿಸಬೇಕಾಗಿಲ್ಲ ಎಂದೂ ಸ್ಪಷ್ಟಪಡಿಸಿದ್ದಾರೆ. ಉಳಿದಂತೆ ಆಸೀಸ್​ ಟೆಸ್ಟ್​ನಲ್ಲಿ ಅಚ್ಚರಿಯ ಆಯ್ಕೆಗಳಿಲ್ಲ. ಮಿಚೆಲ್​ ಮಾರ್ಷ್​ ಬೌಲಿಂಗ್​ ಕೂಡ ಮಾಡಲಿದ್ದು, ಆಲ್ರೌಂಡರ್​ ಆಗಿ ಆಡಲಿದ್ದಾರೆ.

ಸಂಭಾವ್ಯ ತಂಡ: ಉಸ್ಮಾನ್​ ಖವಾಜ, ನಾಥನ್​ ಮೆಕ್​ಸ್ವೀನಿ, ಮಾರ್ನಸ್​ ಲಬುಶೇನ್​, ಸ್ಟೀವನ್​ ಸ್ಮಿತ್​, ಟ್ರಾವಿಸ್​ ಹೆಡ್​, ಮಿಚೆಲ್​ ಮಾರ್ಷ್​, ಅಲೆಕ್ಸ್​ ಕ್ಯಾರಿ (ವಿ.ಕೀ), ಮಿಚೆಲ್​ ಸ್ಟಾರ್ಕ್​, ಪ್ಯಾಟ್​ ಕಮ್ಮಿನ್ಸ್​ (ನಾಯಕ), ನಾಥನ್​ ಲ್ಯಾನ್​, ಜೋಶ್​ ಹ್ಯಾಸಲ್​ವುಡ್​.

ಮುಖಾಮುಖಿ: 107

ಭಾರತ: 32

ಆಸ್ಟ್ರೆಲಿಯಾ: 45

ಡ್ರಾ: 29, ಟೈ: 1

ಆಸ್ಟ್ರೆಲಿಯಾದಲ್ಲಿ: 52

ಭಾರತ: 9

ಆಸ್ಟ್ರೆಲಿಯಾ: 30

ಡ್ರಾ: 13

ಪಂದ್ಯದ ಪ್ರತಿ ದಿನದಾಟ

ಮೊದಲ ಅವಧಿ: ಬೆಳಗ್ಗೆ 7.50-9.50

ಭೋಜನ ವಿರಾಮ: 40 ನಿಮಿಷ

2ನೇ ಅವಧಿ: ಬೆಳಗ್ಗೆ 10.30-12.30

ಚಹಾ ವಿರಾಮ: 20 ನಿಮಿಷ

3ನೇ ಅವಧಿ: ಮಧ್ಯಾಹ್ನ 12.50-2.50

*90 ಓವರ್ ಆಗದಿದ್ದರೆ ಮ. 3.20ರವರೆಗೆ ಆಟ ವಿಸ್ತರಣೆ ಅವಕಾಶ

ಬುಮ್ರಾ ಸಾರಥ್ಯದಲ್ಲಿ 2ನೇ ಟೆಸ್ಟ್​

ಟೆಸ್ಟ್​ನಲ್ಲಿ ಭಾರತವನ್ನು ಮುನ್ನಡೆಸಿದ ಮೊದಲ ವೇಗಿಯಾಗಿರುವ ಜಸ್​ಪ್ರೀತ್​ ಬುಮ್ರಾ ಸಾರಥ್ಯದಲ್ಲಿ ಇದು 2ನೇ ಟೆಸ್ಟ್​ ಆಗಿದೆ. ಈ ಮುನ್ನ 2022ರಲ್ಲಿ ಇಂಗ್ಲೆಂಡ್​ ವಿರುದ್ಧದ ರ್ಬಮಿಂಗ್​ಹ್ಯಾಂ ಟೆಸ್ಟ್​ನಲ್ಲಿ ಮೊದಲ ಬಾರಿ ಬುಮ್ರಾ ನಾಯಕತ್ವದಲ್ಲಿ ಆಡಿದಾಗ ಭಾರತ 378 ರನ್​ ರಸಿಕೊಳ್ಳಲಾಗದೆ ಸೋತಿತ್ತು. ಭವಿಷ್ಯದ ಟೆಸ್ಟ್​ ನಾಯಕನಾಗುವ ನಿಟ್ಟಿನಲ್ಲಿ ಬುಮ್ರಾಗೆ ಈ ಪಂದ್ಯದ ನಿರ್ವಹಣೆ ಮಹತ್ವದ್ದಾಗಿದೆ.

*ನಾಯಕತ್ವವನ್ನು ನಾನು ಹುದ್ದೆಯಾಗಿ ನೋಡುವುದಿಲ್ಲ. ಅದು ನಾನು ಇಷ್ಟಪಡುವ ಜವಾಬ್ದಾರಿಯಾಗಿದೆ. ನಾನು ಕೊಹ್ಲಿ ಅಥವಾ ರೋಹಿತ್​ ನಾಯಕತ್ವವನ್ನು ಅನುರಿಸುವುದಿಲ್ಲ. ನನ್ನದೇ ಆದ ನಾಯಕತ್ವ ಶೈಲಿ ಹೊಂದಿದ್ದೇನೆ. ಪರಿಸ್ಥಿತಿಗೆ ತಕ್ಕಂತೆ ಸಹಜ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಬಯಸುತ್ತೇನೆ.

| ಜಸ್​ಪ್ರೀತ್​ ಬುಮ್ರಾ, ಭಾರತ ತಂಡದ ಹಂಗಾಮಿ ನಾಯಕ

*ಬಾರ್ಡರ್​&ಗಾವಸ್ಕರ್​ ಟ್ರೋಫಿ ಯಾವಾಗಲೂ ಅತ್ಯಂತ ನಿಕಟವಾದ ಸರಣಿಯಿಂದ ಕೂಡಿರುತ್ತದೆ. ಈ ಸರಣಿಯೂ ಅತ್ಯಂತ ಜಿದ್ದಾಜಿದ್ದಿನಿಂದ ಕೂಡಿರಲಿದೆ. ತವರಿನಲ್ಲಿ ಆಡುವಾಗ ಯಾವಾಗಲೂ ಒತ್ತಡವಿರುತ್ತದೆ. ಭಾರತ ಪ್ರತಿಭಾನ್ವಿತ ಆಟಗಾರರಿಂದ ಕೂಡಿದ್ದು, ಉತ್ತಮ ಸವಾಲೊಡ್ಡಲಿದೆ. ಆದರೆ ನಾವು ಎಲ್ಲದಕ್ಕೂ ಸಜ್ಜಾಗಿದ್ದೇವೆ.

| ಪ್ಯಾಟ್​ ಕಮ್ಮಿನ್ಸ್​, ಆಸೀಸ್​ ನಾಯಕ

ಟೆಸ್ಟ್​ ಸರಣಿ ವೇಳಾಪಟ್ಟಿ

ಪಂದ್ಯ ದಿನಾಂಕ ಸ್ಥಳ ಆರಂಭ

1. ನ.22-26 ಪರ್ತ್​ ಬೆಳಗ್ಗೆ 7.50

2. ಡಿ.6-10 ಅಡಿಲೇಡ್​* ಬೆಳಗ್ಗೆ 9.30

3. ಡಿ. 14-18 ಬ್ರಿಸ್ಬೇನ್​ ಬೆಳಗ್ಗೆ 5.50

4. ಡಿ.26-30 ಮೆಲ್ಬೋರ್ನ್​ ಬೆಳಗ್ಗೆ 5.00

5. ಜ.3-7 ಸಿಡ್ನಿ ಬೆಳಗ್ಗೆ 5.00

ನೇರಪ್ರಸಾರ: ಸ್ಟಾರ್​ ಸ್ಪೋರ್ಟ್ಸ್​, ಹಾಟ್​ಸ್ಟಾರ್​, ಡಿಡಿ ಸ್ಪೋರ್ಟ್ಸ್​

*ಅಹರ್ನಿಶಿ

*32: ಭಾರತ-ಆಸೀಸ್​ ತಂಡಗಳು ಬರೋಬ್ಬರಿ 32 ವರ್ಷಗಳ ಬಳಿಕ 5 ಟೆಸ್ಟ್​ ಪಂದ್ಯಗಳ ಸರಣಿ ಆಡಲಿವೆ. 1991&92ರಲ್ಲಿ ಕೊನೆಯದಾಗಿ ಉಭಯ ತಂಡಗಳ ನಡುವೆ 5 ಪಂದ್ಯಗಳ ಸರಣಿ ನಡೆದಿತ್ತು.

ಬಾರ್ಡರ್​-ಗಾವಸ್ಕರ್​ ಟ್ರೋಫಿ ಫಲಿತಾಂಶ

1996-97: ಆತಿಥೇಯ ಭಾರತಕ್ಕೆ 1-0 ಜಯ

1997-98: ಆತಿಥೇಯ ಭಾರತಕ್ಕೆ 2-1 ಜಯ

1999-00: ಆತಿಥೇಯ ಆಸೀಸ್​ಗೆ 3-0 ಜಯ

2000-01: ಆತಿಥೇಯ ಭಾರತಕ್ಕೆ 2-1 ಜಯ

2003-04: ಆಸೀಸ್​ನಲ್ಲಿ ಸರಣಿ 1-1 ಸಮಬಲ

2004-05: ಪ್ರವಾಸಿ ಆಸ್ಟ್ರೆಲಿಯಾಕ್ಕೆ 2-1 ಜಯ

2007-08: ಆತಿಥೇಯ ಆಸೀಸ್​ಗೆ 2-1 ಜಯ

2008-09: ಆತಿಥೇಯ ಭಾರತಕ್ಕೆ 2-0 ಜಯ

2010-11: ಆತಿಥೇಯ ಭಾರತಕ್ಕೆ 2-0 ಜಯ

2011-12: ಆತಿಥೇಯ ಆಸೀಸ್​ಗೆ 4-0 ಜಯ

2012-13: ಆತಿಥೇಯ ಭಾರತಕ್ಕೆ 4-0 ಜಯ

2014-15: ಆತಿಥೇಯ ಆಸೀಸ್​ಗೆ 2-0 ಜಯ

2016-17: ಆತಿಥೇಯ ಭಾರತಕ್ಕೆ 2-1 ಜಯ

2018-19: ಪ್ರವಾಸಿ ಭಾರತಕ್ಕೆ 2-1 ಗೆಲುವು

2020-21: ಪ್ರವಾಸಿ ಭಾರತಕ್ಕೆ 2-1 ಗೆಲುವು

2022-23: ಆತಿಥೇಯ ಭಾರತಕ್ಕೆ 2-1 ಜಯ

ಆಸ್ಟ್ರೆಲಿಯಾದ ಟೆಸ್ಟ್​ ಸರಣಿಯಲ್ಲಿ...

1947-48: ಭಾರತಕ್ಕೆ 0-4 ಸೋಲು

1967-68: ಭಾರತಕ್ಕೆ 0-4 ಸೋಲು

1977-78: ಭಾರತಕ್ಕೆ 2-3 ಸೋಲು

1980-81: ಸರಣಿ 1-1 ಸಮಬಲ

1985-86: ಸರಣಿ 0-0 ಸಮಬಲ

1991-92: ಭಾರತಕ್ಕೆ 0-4 ಸೋಲು

1999-00: ಭಾರತಕ್ಕೆ 0-3 ಸೋಲು

2003-04: ಸರಣಿ 1-1 ಸಮಬಲ

2007-08: ಭಾರತಕ್ಕೆ 1-2 ಸೋಲು

2011-12: ಭಾರತಕ್ಕೆ 0-4 ಸೋಲು

2014-15: ಭಾರತಕ್ಕೆ 0-2 ಸೋಲು

2018-19: ಭಾರತಕ್ಕೆ 2-1 ಜಯ

2020-21: ಭಾರತಕ್ಕೆ 2-1 ಗೆಲುವು

*ಒಂದು ಲಕ್ಷ ಪ್ರೇಕ್ಷಕರ ನಿರೀಕ್ಷೆ

ಪಂದ್ಯಕ್ಕೆ ಒಟ್ಟಾರೆ ಒಂದು ಲಕ್ಷಕ್ಕೂ ಅಧಿಕ ಪ್ರೇಕ್ಷಕರು ಸಾಯಾಗುವ ನಿರೀಕ್ಷೆ ಇದೆ. ಇದು ಕಳೆದ ವರ್ಷ ನಡೆದ ಪಾಕ್​ ವಿರುದ್ಧದ ಟೆಸ್ಟ್​ ಪಂದ್ಯಕ್ಕಿಂತ ಒಂದೂವರೆ ಪಟ್ಟು ಅಧಿಕವಾಗಿದೆ.

ಮೊದಲ ದಿನ ಮಳೆ ಭೀತಿ

ಪಂದ್ಯದ ಮೊದಲ ದಿನ ಬೆಳಗ್ಗೆ ಮಳೆಯಾಗುವ ಸಾಧ್ಯತೆ ಶೇ.25ರಷ್ಟಿದೆ ಎಂದು ಹವಾಮಾನ ವರದಿ ತಿಳಿಸಿದೆ. ಟಾಸ್​ ಮೇಲೆ ಮಳೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಮಳೆ ಬಂದರೆ ಪರ್ತ್​ ಪಿಚ್​ ವೇಗದ ಬೌಲರ್​ಗಳ ಪಾಲಿಗೆ ಇನ್ನಷ್ಟು ಅನುಕೂಲಕರವೆನಿಸಲಿದೆ.

*6: ಕಳೆದ 2 ಆಸೀಸ್​ ಪ್ರವಾಸಗಳಲ್ಲಿ ಸರಣಿ ಗೆದ್ದ ಭಾರತ ತಂಡದ 6 ಆಟಗಾರರು ಹಾಲಿ ಸರಣಿಯಲ್ಲೂ ಆಡಲಿದ್ದಾರೆ. ಅವರೆಂದರೆ ಬುಮ್ರಾ, ಅಶ್ವಿನ್​, ರವೀಂದ್ರ ಜಡೇಜಾ, ರೋಹಿತ್​ ಶರ್ಮ, ಕೊಹ್ಲಿ, ಪಂತ್​. ಚೇತೇಶ್ವರ ಪೂಜಾರ ಮತ್ತು ಅಜಿಂಕ್ಯ ರಹಾನೆ ಅವೆರಡು ಸರಣಿಗಳಿಂದ ಪ್ರಮುಖವಾಗಿ ಮಿಸ್​ ಆಗಿರುವ ಬ್ಯಾಟರ್​ಗಳಾಗಿದ್ದಾರೆ.

*102: ವಿರಾಟ್​ ಕೊಹ್ಲಿ (2,042) ಪಂದ್ಯದಲ್ಲಿ 102 ರನ್​ ಗಳಿಸಿದರೆ ರಾಹುಲ್​ ದ್ರಾವಿಡ್​ (2,143) ಅವರನ್ನು ಹಿಂದಿಕ್ಕಿ ಆಸೀಸ್​ ಎದುರು ಟೆಸ್ಟ್​ನಲ್ಲಿ 3ನೇ ಗರಿಷ್ಠ ರನ್​ ಬಾರಿಸಿದ ಭಾರತೀಯ ಎನಿಸಲಿದ್ದಾರೆ. ಸಚಿನ್​ ತೆಂಡುಲ್ಕರ್​ (3,630) ಮತ್ತು ವಿವಿಎಸ್​ ಲಕ್ಷ$್ಮಣ್​ (2,434) ಮೊದಲೆರಡು ಸ್ಥಾನದಲ್ಲಿದ್ದಾರೆ.

*90: ಕೊಹ್ಲಿ (1352) ಪಂದ್ಯದಲ್ಲಿ 90 ರನ್​ ಗಳಿಸಿದರೆ, ಸಚಿನ್​ ತೆಂಡುಲ್ಕರ್​ರನ್ನು (1441) ಹಿಂದಿಕ್ಕಿ ಆಸೀಸ್​ ನೆಲದ ಟೆಸ್ಟ್​ನಲ್ಲಿ ಗರಿಷ್ಠ ರನ್​ ಬಾರಿಸಿದ ಭಾರತೀಯ ಬ್ಯಾಟರ್​ ಎನಿಸಲಿದ್ದಾರೆ.

https://www.vijayavani.net/how-is-indias-path-to-the-test-world-cup-final-what-should-be-the-result-of-border-gavaskar-trophy-heres-the-calculation