ನವದೆಹಲಿ: ಇತ್ತೀಚೆಗಷ್ಟೇ ಮುಕ್ತಾಯಗೊಂಡ ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಎರಡನೇ ಟೆಸ್ಟ್ ಪಂದ್ಯದಲ್ಲಿ 10 ವಿಕೆಟ್ ಅಂತರದಲ್ಲಿ ಜಯ ಸಾಧಿಸಿದ ಕಾಂಗರೂ ಪಡೆ, ಸದ್ಯ ಮುಂಬರುವ ಪಂದ್ಯಗಳಲ್ಲಿಯೂ ಜಯಭೇರಿಯಾಗಲು ಎದುರುನೋಡುತ್ತಿದೆ. ಈ ಮಧ್ಯೆ ಮೈದಾನದಲ್ಲಿ ವೇಗಿ ಮೊಹಮ್ಮದ್ ಸಿರಾಜ್ ಮತ್ತು ಟ್ರಾವಿಸ್ ಹೆಡ್ ನಡುವೆ ಉಂಟಾದ ಸಂಘರ್ಷ ಸದ್ಯ ದೊಡ್ಡ ವಿವಾದಕ್ಕೆ ತಿರುಗಿದೆ. ಒಂದೆಡೆ ಸಿರಾಜ್ ತಪ್ಪು ಎಂದು ಪತ್ರಕರ್ತರ ಮುಂದೆ ಆರೋಪಿಸಿರುವ ಹೆಡ್ಗೆ ವ್ಯಾಪಕ ಟೀಕೆ ವ್ಯಕ್ತವಾಗಿದ್ದು, ಸಿರಾಜ್ ಅವರದ್ದು ಯಾವ ತಪ್ಪಿಲ್ಲ. ಬದಲಿಗೆ ಟ್ರಾವಿಸ್ ಅವರೇ ಸಿರಾಜ್ಗೆ ಅವಾಚ್ಯ ಪದಗಳಿಂದ ನಿಂದಿಸಿದ್ದಾರೆ. ಇದಕ್ಕೆ ಹರಿದಾಡುತ್ತಿರುವ ವಿಡಿಯೋ ಸಾಕ್ಷಿ ಎಂದು ಹೇಳಲಾಗುತ್ತಿದೆ. ಇದನ್ನು ಮರೆಮಾಚಿ ಕಿಡಿಕಾರಿರುವ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ಮೈಕಲ್ ಕ್ಲಾರ್ಕ್, ಟೀಮ್ ಇಂಡಿಯಾ ವೇಗಿಗೆ ದಂಡ (Fine) ವಿಧಿಸಬೇಕು ಎಂದಿದ್ದಾರೆ.
