ಪಾಕಿಸ್ತಾನದ ಕರಾಚಿ, ಲಾಹೋರ್ ಮತ್ತು ರಾವಲ್ಪಿಂಡಿಯಲ್ಲಿ ನಡೆಯುವ 50 ಓವರ್ಗಳ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಟೂರ್ನಿಯಲ್ಲಿ ವಿಶ್ವದ ಟಾಪ್ ಎಂಟು ತಂಡಗಳು ಸ್ಪರ್ಧಿಸಲು ಸಜ್ಜಾಗಿವೆ. ಈ ಪೈಕಿ ಭಾರತ ಪ್ರಬಲ ತಂಡವಾಗಿದೆ. ಇದೇ ವಿಷಯವನ್ನು ಮುಂದಿಟ್ಟು ತಮ್ಮ ನೆಲಕ್ಕೆ ಟೀಮ್ ಇಂಡಿಯಾ ಬಂದರೆ ಒಳಿತು. ಬೇಕಾದರೆ ಲಾಹೋರ್ನಲ್ಲಿ ನಡೆಯುವ ಮ್ಯಾಚ್ ಅವಧಿ ಮಾತ್ರ ಭಾರತ ತಂಡ ಇಲ್ಲಿ ಇರಲಿ. ಪಂದ್ಯ ಮುಗಿಯುತ್ತಿದ್ದಂತೆ ಭಾರತದ ಚಂಡೀಗಢ ಅಥವಾ ದೆಹಲಿಗೆ ತರಳಲಿ ಎಂದು ಪಿಸಿಬಿ ತಿಳಿಸಿತು. ಆದರೆ, ಈ ಆಯ್ಕೆಗಳನ್ನು ತಿರಸ್ಕರಿಸುವ ಬಿಸಿಸಿಐ, ನಮ್ಮ ಸರ್ಕಾರದೊಂದಿಗೆ ಸಮಾಲೋಚಿಸಿದ ನಂತರ ನಾವು ಈ ನಿಲುವಿಗೆ ಅಂಟಿಕೊಳ್ಳಲು ನಿರ್ಧರಿಸಿದ್ದೇವೆ. ಈಗಾಗಲೇ ನಾವು ಪಿಸಿಬಿಗೆ ಪತ್ರ ಬರೆದು, ನಮ್ಮ ಪಂದ್ಯಗಳನ್ನು ದುಬೈಗೆ ಸ್ಥಳಾಂತರಿಸುವಂತೆ ಕೋರಿದ್ದೇವೆ. ಇದಕ್ಕೆ ಯಾವುದೇ ಸ್ಪಂದನೆ ಸಿಕ್ಕಿಲ್ಲ ಎಂದು ಬಿಸಿಸಿಐ ಸ್ಪಷ್ಟಪಡಿಸಿದೆ.
