ಬಾಂಗ್ಲಾ ವಿರುದ್ಧ ಪಂದ್ಯಕ್ಕೆ ಭಾರತದ ಆಡುವ 11ರ ಬಳಗದಲ್ಲೇನು ಬದಲಾವಣೆ?

ಪುಣೆ: ಹ್ಯಾಟ್ರಿಕ್​ ಗೆಲುವಿನೊಂದಿಗೆ ಬೀಗುತ್ತಿರುವ ಆತಿಥೇಯ ಭಾರತ ತಂಡ ಏಕದಿನ ವಿಶ್ವಕಪ್​ನಲ್ಲಿ ತನ್ನ ಗೆಲುವಿನ ಓಟವನ್ನು ಸತತ 4ನೇ ಪಂದ್ಯಕ್ಕೂ ವಿಸ್ತರಿಸಲು ಸಜ್ಜಾಗಿದೆ. ಎಂಸಿಎ ಕ್ರೀಡಾಂಗಣದಲ್ಲಿ ಗುರುವಾರ ನಡೆಯಲಿರುವ ಪಂದ್ಯದಲ್ಲಿ ರೋಹಿತ್​ ಶರ್ಮ ಬಳಗ, ಬಾಂಗ್ಲಾದೇಶದ ಸವಾಲು ಎದುರಿಸಲಿದ್ದು, ಬಲಿಷ್ಠ ನಿರ್ವಹಣೆಯನ್ನು ಮುಂದುವರಿಸುವ ಹಂಬಲದಲ್ಲಿದೆ. ಪಂದ್ಯದಲ್ಲಿ ಉಭಯ ತಂಡಗಳು ಕಣಕ್ಕಿಳಿಸಬಹುದಾದ 11ರ ಬಳಗದ ಆಯ್ಕೆ ಲೆಕ್ಕಾಚಾರ ಇಲ್ಲಿದೆ.

ಟೀಮ್​ ನ್ಯೂಸ್​:

ಭಾರತ: ಗೆಲುವಿನ ಕಾಂಬಿನೇಷನ್​ ಬದಲಾಯಿಸುವುದಿಲ್ಲ. ಗೆಲುವಿನ ಲಯ ಕಾಯ್ದುಕೊಳ್ಳುವುದು ನಮ್ಮ ಯೋಜನೆಯಾಗಿದೆ ಎಂದು ಟೀಮ್​ ಇಂಡಿಯಾದ ಬೌಲಿಂಗ್​ ಕೋಚ್​ ಪರಾಸ್​ ಮಹಾಂಬ್ರೆ ಪಂದ್ಯಕ್ಕೆ ಮುನ್ನಾದಿನ ಸುದ್ದಿಗೋಷ್ಠಿಯಲ್ಲಿ ಸ್ಪಷ್ಟಪಡಿಸಿದ್ದಾರೆ. ಇದರಿಂದ ಮೊಹಮದ್​ ಶಮಿ, ಸೂರ್ಯಕುಮಾರ್​ ಮತ್ತೆ ಬೆಂಚು ಕಾಯಿಸಬೇಕಾಗಬಹುದು. ಶಾರ್ದೂಲ್​ ಬದಲಿಗೆ ಅಶ್ವಿನ್​ಗೆ ಅವಕಾಶ ಲಭಿಸುವ ಸಾಧ್ಯತೆಯೂ ದೂರವಾಗಿದೆ.

ಬಾಂಗ್ಲಾದೇಶ: ನಾಯಕ ಶಕೀಬ್​ ಅಲ್​ ಹಸನ್​ ಎಡಗಾಲು ನೋವು ಹೊಂದಿರುವ ನಡುವೆಯೂ ಪಂದ್ಯದಲ್ಲಿ ಆಡುವ ನಿರೀಕ್ಷೆ ಇದೆ. ಆದರೆ ಮಂಗಳವಾರ ನೆಟ್ಸ್​ನಲ್ಲಿ ಅವರು ಬೌಲಿಂಗ್​ ಮಾಡಿರಲಿಲ್ಲ. ಹೀಗಾಗಿ ಕೇವಲ ಬ್ಯಾಟರ್​ ಆಗಿ ಆಡುವರೇ ಎಂಬ ಗೊಂದಲವಿದೆ. ಇನ್ನು ಬಾಂಗ್ಲಾ ಬ್ಯಾಟಿಂಗ್​ ಕ್ರಮಾಂಕದಲ್ಲಿ ಬದಲಾವಣೆಯ ಸಾಧ್ಯತೆಗಳಿದ್ದು, ಮೆಹಿದಿ ಹಸನ್​ ಮಿರಾಜ್​ ಆರಂಭಿಕರಾಗಿ ಮತ್ತು ಮುಶ್ಫೀಕರ್​ ರಹೀಂ ಮೇಲಿನ ಕ್ರಮಾಂಕಕ್ಕೆ ಬಡ್ತಿ ಪಡೆಯಬಹುದು.

https://www.vijayavani.net/sania-mirzas-cryptic-post-again-gives-rise-to-the-rumours-of-her-divorce-with-husband-shoaib-malik