ಹಾರ್ದಿಕ್​ ಬೌಲಿಂಗ್​ ಕಂಡು ಅತೃಪ್ತಿ ಹೊರಹಾಕಿದ Team India ಕೋಚ್​; ಬಾಂಗ್ಲಾ ವಿರುದ್ಧದ ಸರಣಿಯಿಂದ ಪಾಂಡ್ಯ ಡ್ರಾಪ್​​?

ಗ್ವಾಲಿಯಾರ್​: ಬಾಂಗ್ಲಾದೇಶ ವಿರುದ್ಧದ ಎರಡು ಪಂದ್ಯಗಳ ಟೆಸ್ಟ್​ ಸರಣಿಯನ್ನು (Test Series) ಗೆದ್ದು ಹುಮ್ಮಸ್ಸಿನಲ್ಲಿರುವ ಟೀಮ್​ ಇಂಡಿಯಾ (team India) ಟಿ20 ಸೀರೀಸ್​ಗೆ ತಯಾರಿ ಆರಂಭಿಸಿದೆ. ಗ್ವಾಲಿಯಾರ್​ನ (Gwalior)​ ನ್ಯೂ ಮಾಧವರಾವ್​ ಸಿಂಧಿಯಾ ಕ್ರೀಡಾಂಗಣದಲ್ಲಿ ಸರಣಿಯ ಮೊದಲ ಪಂದ್ಯ ನಡೆಯಲಿದ್ದು, ಈಗಾಗಲೇ ಭಾರತ ತಂಡ ಅಭ್ಯಾಸ ಆರಂಭಿಸಿದೆ.

ಈಗಾಗಲೇ 15 ಸದಸ್ಯರ ತಂಡವನ್ನು ಪ್ರಕಟಿಸಲಾಗಿದ್ದು, ಸೂರ್ಯಕುಮಾರ್​ ಯಾದವ್ (Suryakumar Yadav)​ ತಂಡವನ್ನು ಮುನ್ನಡೆಸಲಿದ್ಧಾರೆ. ಐಪಿಎಲ್​ನಲ್ಲಿ ತಮ್ಮ ಪ್ರದರ್ಶನದ ಮೂಲಕ ಎಲ್ಲರ ಗಮನ ಸೆಳೆದಿದ್ದ ಮಯಾಂಕ್​ ಯಾದವ್, ಹರ್ಷಿತ್​ ರಾಣಾ ಸೇರಿದಂತೆ ಐಪಿಎಲ್​ನಲ್ಲಿ ಗಮನಾರ್ಹ ಪ್ರದರ್ಶನ ನೀಡಿದ್ದ ಯುವ ಪ್ರತಿಭೆಗಳಿಗೆ ರಾಷ್ಟ್ರೀಯ ತಂಡದಿಂದ ಕರೆ ಬಂದಿದ್ದು, ಈಗಾಗಲೇ ತಯಾರಿ ನಡೆಸುತ್ತಿದ್ದಾರೆ.

ಇದನ್ನೂ ಓದಿ: ಮುದ್ದಾದ ಹೆಣ್ಣು ಮಗುವಿಗೆ ಜನ್ಮ ನೀಡಿದ Harshika Poonacha

ಇತ್ತ ರಾಷ್ಟ್ರೀಯ ತಂಡಕ್ಕೆ ವಾಪಸ್​ ಆಗಿರುವ ಹಾರ್ದಿಕ್​ ಪಾಂಡ್ಯ (Hardik Pandya) ನೆಟ್ಸ್​ನಲ್ಲಿ ಕಠಿಣ ಅಭ್ಯಾಸ ನಡೆಸುತ್ತಿದ್ದು, ಬೌಲಿಂಗ್​ಕೋಚ್​ ಮಾರ್ನ್​ ಮಾರ್ಕೆಲ್​ ಮಾತ್ರ ಪಾಂಡ್ಯ ಬೌಲಿಂಗ್​​​ ಕಂಡ ಅತೃಪ್ತಿ ಹೊರಹಾಕಿದ್ದಾರೆ. ನೆಟ್ಸ್​ನಲ್ಲಿ ಅಭ್ಯಾಸ ನಡೆಸುತ್ತಿದ್ದ ವೇಳೆ ಪಾಂಡ್ಯ ಹೆಚ್ಚಾಗಿ ಸ್ಪಂಪ್ಸ್​ಗೆ ಚೆಂಡನ್ನು ಎಸೆಯುತ್ತಿದ್ದುದನ್ನು ಗಮನಿಸಿದ ಬೌಲಿಂಗ್​ ಕೋಚ್​ ಕೆಲಕಾಲ ಚರ್ಚಿಸಿ ತಪ್ಪುಗಳನ್ನು ಸರಿಪಡಿಸಿಕೊಳ್ಳುವಂತೆ ಸೂಚಿಸಿದರು. ಈ ಕುರಿತು NDTV ವರದಿ ಮಾಡಿದೆ.

ಹಾರ್ದಿಕ್‌ನೊಂದಿಗಿನ ಮಾತುಕತೆಯ ಬಳಿಕ ಮಾರ್ಕೆಲ್​ ಯುವ ವೇಗಿಗಳಾದ ಅರ್ಷ್​ದೀಪ್​ ಸಿಂಗ್​, ಮಯಾಂಕ್​ ಯಾದವ್​, ಹರ್ಷಿತ್​ ರಾಣಾ ಅವರೊಟ್ಟಿಗೆ ಚರ್ಚಿಸಲು ಶುರು ಮಾಡಿದರು. ಈ ಮೂವರು ಯುವ ವೇಗಿಗಳ ಜೊತೆ ಕೆಲಕಾಲ ಚರ್ಚಿಸಿದ ಮಾರ್ಕೆಲ್​ ಬೌಲಿಂಗ್​ ತಂತ್ರ ಮತ್ತು ಎದುರಾಳಿಯ ರನ್​ ವೇಗಕ್ಕೆ ಬ್ರೇಕ್​ ಹಾಕುವುದು ಹೇಗೆ ಎಂಬುದರ ಕುರಿತು ಚರ್ಚೆ ಮಾಡಿದ್ಧಾರೆ.

https://www.vijayavani.net/amid-tirupati-laddu-row-pawan-kalyans-sanatan-dharm-virus-jab-draws-dmk-reply

https://www.vijayavani.net/matter-of-faith-for-crores-supreme-court-orders-special-probe-into-tirupati-laddu-row