ಪಾಕಿಸ್ತಾನದಲ್ಲಿ ಡೇವಿಸ್​ ಕಪ್​ ಪಂದ್ಯ ಆಡಲು ನಿರಾಕರಿಸಿದ ಭಾರತದ ಇಬ್ಬರು ಅಗ್ರ ಟೆನಿಸ್​ ಆಟಗಾರರು...

ನವದೆಹಲಿ: ಭಾರತದ ಅಗ್ರ ಇಬ್ಬರು ಸಿಂಗಲ್ಸ್​ ಆಟಗಾರರಾದ ಸುಮಿತ್​ ನಗಾಲ್​ ಮತ್ತು ಶಶಿಕುಮಾರ್​ ಮುಕುಂದ್​ ಡೇವಿಸ್​ ಕಪ್​ನಲ್ಲಿ ಮುಂದಿನ ಪಂದ್ಯವನ್ನು ಆಡಲು ಪಾಕಿಸ್ತಾನಕ್ಕೆ ತೆರಳಲು ನಿರಾಕರಿಸಿದ್ದಾರೆ. ಇದರಿಂದಾಗಿ ಗೊಂದಲಕ್ಕೀಡಾಗಿರುವ ಅಖಿಲ ಭಾರತ ಟೆನಿಸ್​ ಸಂಸ್ಥೆ (ಎಐಟಿಎ) ತನ್ನ ಮುಂದಿನ ಕಾರ್ಯಕಾರಿ ಸಮಿತಿ ಸಭೆಯಲ್ಲಿ ಈ ಬಗ್ಗೆ ಚರ್ಚಿಸಲು ನಿರ್ಧರಿಸಿದೆ.

ಭಾರತ ತಂಡ ಫೆಬ್ರವರಿಯಲ್ಲಿ ಪಾಕಿಸ್ತಾನದಲ್ಲಿ ವಿಶ್ವಗುಂಪು&1ರ ಪ್ಲೇಆ್​ ಪಂದ್ಯ ಆಡಬೇಕಿದೆ. ವಿಶ್ವ ನಂ. 141 ಸುಮಿತ್​ ನಗಾಲ್​ ಸದ್ಯ ಭಾರತದ ಅಗ್ರ ಸಿಂಗಲ್ಸ್​ ಆಟಗಾರರಾಗಿದ್ದಾರೆ. ಶಶಿಕುಮಾರ್​ 477ನೇ ರ್ಯಾಂಕ್​ ಹೊಂದಿದ್ದು, 2ನೇ ಗರಿಷ್ಠ ಶ್ರೇಯಾಂಕಿತ ಭಾರತೀಯರಾಗಿದ್ದಾರೆ. ಇವರಿಬ್ಬರು ಪಾಕ್​ನಲ್ಲಿ ಆಡದಿರಲು ನಿಖರ ಕಾರಣ ತಿಳಿಸಿಲ್ಲ.

ಇವರ ಗೈರಿನಲ್ಲಿ ರಾಮ್​ಕುಮಾರ್​ ರಾಮನಾಥನ್​ ಭಾರತ ತಂಡದ ಸವಾಲನ್ನು ಮುನ್ನಡೆಸಬೇಕಾಗುತ್ತದೆ ವಿಶ್ವಗುಂಪು-1ರಲ್ಲಿ ಉಳಿಯಲು ಭಾರತಕ್ಕೆ ಇದು ಮಹತ್ವದ ಪಂದ್ಯವಾಗಿದೆ. ಈ ಪಂದ್ಯವನ್ನು ಪಾಕಿಸ್ತಾನದಿಂದ ಬೇರೆಡೆ ಸ್ಥಳಾಂತರಿಸಲು ಎಐಟಿಎ ಇದುವರೆಗೆ ನಡೆಸಿರುವ ಪ್ರಯತ್ನಗಳು ವಿಫಲವಾಗಿವೆ.

https://www.vijayavani.net/vvs-laxman-will-replace-rahul-dravid-as-coach-likely