ಪ್ರೊ ಕಬಡ್ಡಿ ಲೀಗ್​ ತವರು ಚರಣದಲ್ಲಿ ತಮಿಳ್​ ತಲೈವಾಸ್​ ಸೋಲಿನ ಆರಂಭ; ಪಟನಾ ಪೈರೇಟ್ಸ್​ಗೆ ಶರಣು

ಚೆನ್ನೈ: ಸುಧಾಕರ್​ ಎಂ. (11 ಅಂಕ), ಸಚಿನ್​ (7) ಮತ್ತು ಮಂಜೀತ್​ (8) ಭರ್ಜರಿ ರೈಡಿಂಗ್​ ಎದುರು ಮಂಕಾದ ತಮಿಳ್​ ತಲೈವಾಸ್​ ತಂಡ ಪ್ರೊ ಕಬಡ್ಡಿ ಲೀಗ್​ 10ನೇ ಆವೃತ್ತಿಯ ತವರು ಚರಣದಲ್ಲಿ ಸೋಲಿನ ಆರಂಭ ಕಂಡಿದೆ. ತಮಿಳ್​ ತಲೈವಾಸ್​ ತಂಡ ಶುಕ್ರವಾರ ನಡೆದ ಪಂದ್ಯದಲ್ಲಿ ಪಟನಾ ಪೈರೇಟ್ಸ್​ ಎದುರು 33-46 ಅಂಕಗಳಿಂದ ಪರಾಭವಗೊಂಡಿತು.

ಎಸ್​ಡಿಎಟಿ ಮಲ್ಟಿ ಪರ್ಪಸ್​ ಒಳಾಂಗಣ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಚೆನ್ನೈ ಚರಣದ ಮೊದಲ ಪಂದ್ಯದಲ್ಲಿ ತಮಿಳ್​ ತಲೈವಾಸ್​ ತಂಡ ಮೊದಲಾರ್ಧದಲ್ಲಿ ಜಿದ್ದಾಜಿದ್ದಿನ ಹೋರಾಟ ತೋರಿ 20-21ರಿಂದ ಹಿನ್ನಡೆ ಅನುಭವಿಸಿತು. ಆದರೆ ದ್ವೀತಿಯಾರ್ಧದಲ್ಲಿ ತಲೈವಾಸ್​ ತಂಡವನ್ನು 2 ಬಾರಿ ಆಲೌಟ್​ ಮಾಡುವ ಮೂಲಕ ಪಟನಾ ಪ್ರಾಬಲ್ಯ ಮೆರೆಯಿತು.

ತಲೈವಾಸ್​ ಪರ ಹಿಮಾಂಶು (8), ಅಜಿಂಕ್ಯ ಪವಾರ್​ (6), ಹಿಮಾಂಶು ನರ್ವಾಲ್​ (6) ಹೋರಾಟ ವ್ಯರ್ಥಗೊಂಡಿತು.

https://www.vijayavani.net/tom-curran-handed-four-match-ban-in-bbl-for-intimidating-umpire