ಗ್ರೀನ್​ ಪಾರ್ಕ್​ನಲ್ಲಿ ಸ್ಪಿನ್​ ಪಿಚ್​ ನಿರೀಕ್ಷೆ; 3ನೇ ಸ್ಪಿನ್ನರ್​ ಸ್ಥಾನಕ್ಕೆ ಕುಲದೀಪ್​-ಅಕ್ಷರ್​ ನಡುವೆ ಪೈಪೋಟಿ

ಕಾನ್ಪುರ: ಚೆನ್ನೈನ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಮೊದಲ ಟೆಸ್ಟ್​ ಪಂದ್ಯದ ಪಿಚ್​ ವೇಗದ ಬೌಲರ್​ಗಳಿಗೆ ಹೆಚ್ಚಿನ ನೆರವು ಒದಗಿಸಿತು. ಪಂದ್ಯದಲ್ಲಿ ಉರುಳಿದ ಒಟ್ಟು 34 ವಿಕೆಟ್​ಗಳಲ್ಲಿ 20 ವಿಕೆಟ್​ಗಳು ವೇಗಿಗಳ ಪಾಲಾದವು ಮತ್ತು ಆಟ ನಡೆದ 4 ದಿನವೂ ಕೆಂಪು ಮಣ್ಣಿ ಪಿಚ್​ ಉತ್ತಮ ಬೌನ್ಸ್​ನಿಂದ ಕೂಡಿತ್ತು. ಆದರೆ ಕಾನ್ಪುರದ ಗ್ರೀನ್​ ಪಾರ್ಕ್​ ಸ್ಟೇಡಿಯಂನಲ್ಲಿ ಶುಕ್ರವಾರದಿಂದ ನಡೆಯಲಿರುವ 2ನೇ ಟೆಸ್ಟ್​ ಪಂದ್ಯದ ವೇಳೆ ಪಿಚ್​ ಸ್ಪಿನ್​ ಬೌಲರ್​ಗಳಿಗೆ ಹೆಚ್ಚಿನ ನೆರವು ನೀಡುವ ನಿರೀೆ ಇದೆ. ಕಪು$್ಪ ಮಣ್ಣಿನಿಂದ ಸಿದ್ಧಪಡಿಸಲಾಗಿರುವ ಈ ಪಿಚ್​ನಲ್ಲಿ ಭಾರತ 3ನೇ ಸ್ಪಿನ್ನರ್​ ಕಣಕ್ಕಿಳಿಸುವ ಯೋಜನೆಯಲ್ಲಿದೆ. 3ನೇ ಸ್ಪಿನ್ನರ್​ ಸ್ಥಾನ ತುಂಬಲು ಕುಲದೀಪ್​ ಯಾದವ್​ ಅಥವಾ ಅಕ್ಷರ್​ ಪಟೇಲ್​ ನಡುವೆ ಪೈಪೋಟಿಯೂ ಏರ್ಪಟ್ಟಿದೆ.

ಗ್ರೀನ್​ ಪಾರ್ಕ್​ ಪಿಚ್​ ಸ್ವಲ್ಪ ಫ್ಲ್ಯಾಟ್​ ಆಗಿರಲಿದ್ದು, ಕಡಿಮೆ ಬೌನ್ಸ್​ನಿಂದ ಕೂಡಿರಲಿದೆ. ಇದು ಪಂದ್ಯ ಸಾಗಿದಂತೆ ಸ್ಪಿನ್ನರ್​ಗಳಿಗೆ ಅಧಿಕ ನೆರವಾಗಲಿದೆ. ಹೀಗಾಗಿ ಕಾನ್ಪುರದಲ್ಲಿ ಭಾರತ ಮತ್ತು ಪ್ರವಾಸಿ ಬಾಂಗ್ಲಾದೇಶಗಳ ತಂಡಗಳ ಆಡುವ 11ರ ಬಳಗದ ಕಾರ್ಯತಂತ್ರವೂ ಬದಲಾಗುವ ನಿರೀೆ ಇದೆ. ಉಭಯ ತಂಡಗಳೂ 3ನೇ ವೇಗಿ ಬದಲಿಗೆ 3ನೇ ಸ್ಪಿನ್ನರ್​ ಆಡಿಸುವುದು ಬಹುತೇಕ ನಿಶ್ಚಿತವೆನಿಸಿದೆ.

ಕಾನ್ಪುರದಲ್ಲಿ 2021ರಲ್ಲಿ ಕೊನೇ ಟೆಸ್ಟ್​ ಪಂದ್ಯ ನಡೆದಿತ್ತು. ನ್ಯೂಜಿಲೆಂಡ್​ ವಿರುದ್ಧದ ಆ ಪಂದ್ಯದಲ್ಲಿ ಭಾರತ ಮೂವರು ಸ್ಪಿನ್ನರ್​ಗಳನ್ನು ಆಡಿಸಿತ್ತು. ಡ್ರಾಗೊಂಡಿದ್ದ ಆ ಪಂದ್ಯದಲ್ಲಿ ಆಗ ಅಶ್ವಿನ್​, ಜಡೇಜಾ, ಅಕ್ಷರ್​ ಕಿವೀಸ್​ 19ರಲ್ಲಿ 17 ವಿಕೆಟ್​ಗಳನ್ನು ತಮ್ಮಲ್ಲೇ ಹಂಚಿಕೊಂಡಿದ್ದರು.

ಬಾಂಗ್ಲಾಗೆ ಶಕೀಬ್​ ಗಾಯದ ಹಿನ್ನಡೆ

ಚೆನ್ನೈ ಟೆಸ್ಟ್​ ಪಂದ್ಯದ ವೇಳೆ ಬಲಗೈ ಬೆರಳಿನ ಗಾಯಕ್ಕೊಳಗಾಗಿರುವ ಬಾಂಗ್ಲಾ ಆಲ್ರೌಂಡರ್​ ಶಕೀಬ್​ ಅಲ್​ ಹಸನ್​ 2ನೇ ಟೆಸ್ಟ್​ನಲ್ಲಿ ಆಡುವ ಬಗ್ಗೆ ಅನುಮಾನವಿದೆ. ಫಿಸಿಯೋ ನೀಡುವ ಅಂತಿಮ ವರದಿಯನ್ನು ಆಧರಿಸಿ ಕಾನ್ಪುರದಲ್ಲಿ ಶಕೀಬ್​ರನ್ನು ಆಡಿಸುವ ಬಗ್ಗೆ ನಿರ್ಧರಿಸಲಾಗುವುದು ಎಂದು ಬಾಂಗ್ಲಾ ತಂಡದ ಮೂಲಗಳು ತಿಳಿಸಿವೆ. ಚೆನ್ನೆ$ನಲ್ಲಿ ಜಸ್​ಪ್ರೀತ್​ ಬುಮ್ರಾ ಎಸೆತದಲ್ಲಿ ಕೈಗೆ ಚೆಂಡೇಟು ತಿಂದ ವೇಳೆ ಶಕೀಬ್​ ಗಾಯಗೊಂಡಿದ್ದರು. ಶಕೀಬ್​ ಆಡದಿದ್ದರೆ, ಸ್ಪಿನ್​ ಸ್ನೇಹಿ ಕಾನ್ಪುರ ಪಿಚ್​ನಲ್ಲಿ ಬಾಂಗ್ಲಾಗೆ ಭಾರಿ ಹಿನ್ನಡೆ ಎದುರಾಗಲಿದೆ. ವೇಗಿ ನಹಿದ್​ ರಾಣಾ ಬದಲಿಗೆ ಬಾಂಗ್ಲಾ ಎಡಗೈ ಸ್ಪಿನ್ನರ್​ ತೈಜುಲ್​ ಇಸ್ಲಾಂ ಆಡಿಸಲಿದೆ. ಜತೆಗೆ ಶಕೀಬ್​ ಅಲಭ್ಯರಾದರೆ ಆಫ್​ ಸ್ಪಿನ್ನರ್​ ನಯೀಮ್​ ಹಸನ್​ ಅವಕಾಶ ಪಡೆಯಬಹುದು.

https://www.vijayavani.net/the-spectacle-of-young-stars-in-chess-olympiad-golden-age-of-indian-chess