ಕ್ರಿಕೆಟ್, ಹಾಕಿ, ಫುಟ್ಬಾಲ್ಯಲ್ಲಿ ವಿಶ್ವಕಪ್, ಟೆನಿಸ್ನಲ್ಲಿ ಡೇವಿಸ್ ಕಪ್, ಬ್ಯಾಡ್ಮಿಂಟನ್ನಲ್ಲಿ ಥಾಮಸ್-ಉಬೆರ್ ಕಪ್, ಇತರ ಕ್ರೀಡೆಗಳಲ್ಲಿ ಒಲಿಂಪಿಕ್ಸ್ ಚಿನ್ನದ ಪದಕ ಗೆದ್ದಷ್ಟೇ ಮಹತ್ವದ ಸಾಧನೆ ಚೆಸ್ ಒಲಿಂಪಿಯಾಡ್ ಸ್ವರ್ಣ ಗೆಲುವಿನ ಸಾಧನೆಯೂ ಆಗಿದೆ. ಯಾಕೆಂದರೆ ಚೆಸ್ ಒಲಿಂಪಿಯಾಡ್ನಲ್ಲಿ ಮುಕ್ತ ವಿಭಾಗದಲ್ಲಿ 195 ದೇಶ ಮತ್ತು ಮಹಿಳಾ ವಿಭಾಗದಲ್ಲಿ 181 ದೇಶದ ತಂಡಗಳು ಕಣದಲ್ಲಿದ್ದವು. ಹಿಂದಿನ 44 ಆವೃತ್ತಿಗಳಲ್ಲಿ ಒಟ್ಟಾರೆ ಕೇವಲ 3 ಕಂಚಿನ ಪದಕವನ್ನಷ್ಟೇ ಜಯಿಸಿದ್ದ ಭಾರತ, ಈ ಬಾರಿ ಎರಡೂ ವಿಭಾಗಗಳಲ್ಲಿ ಏಕಕಾಲದಲ್ಲಿ ಸ್ವರ್ಣ ಪದಕ ಗೆದ್ದು ಬೀಗಿರುವುದು ಹಿಂದೆಂದೂ ಯಾವ ಕ್ರೀಡೆಯಲ್ಲೂ ಕಂಡುಕೇಳರಿಯದಂಥ ಮೇರು ಸಾಧನೆ ಎನಿಸಿದೆ.
