ಏಷ್ಯನ್​ ಗೇಮ್ಸ್​ನಲ್ಲಿ ಸ್ಪರ್ಧಿಸಲಿರುವ ಭಾರತ ತಂಡದ ವಿಶೇಷತೆಗಳು ಹೀಗಿವೆ…

ಹಾಂಗ್​ರೆೌ: ಏಷ್ಯನ್​ ಗೇಮ್ಸ್​ನಲ್ಲಿ ಈ ಬಾರಿ ಯುವ-ಅನುಭವಿ ಕ್ರೀಡಾಪಟುಗಳ ನಡುವೆ ಕೆಲ ಅಮ್ಮಂದಿರೂ ಪದಕ ನಿರೀಕ್ಷೆಯಲ್ಲಿದ್ದಾರೆ. ಬಾಕ್ಸರ್​ ಮೇರಿ ಕೋಮ್​ ಮತ್ತು ಟೆನಿಸ್​ ತಾರೆ ಸಾನಿಯಾ ಮಿರ್ಜಾ ಈ ಹಿಂದೆ ಏಷ್ಯಾಡ್​ನಲ್ಲಿ ಪದಕ ಗೆದ್ದಿರುವ ಅಮ್ಮಂದಿರಾಗಿದ್ದಾರೆ. ಇದೀಗ ಈ ಪಟ್ಟಿಗೆ ಸೇರ್ಪಡೆಗೊಳ್ಳಲು ಚೆಸ್​ ತಾರೆಯರಾದ ಕೊನೆರು ಹಂಪಿ, ಹರಿಕಾ ದ್ರೋಣವಲ್ಲಿ, ಸ್ಕ್ವಾಷ್​ ಆಟಗಾರ್ತಿ ದೀಪಿಕಾ ಪಲ್ಲಿಕಲ್​ ಮತ್ತು ಶಾಟ್​ಪುಟ್​ ತಾರೆ ಮನ್​ಪ್ರೀತ್​ ಕೌರ್​ ಸಜ್ಜಾಗಿದ್ದಾರೆ.

ಏಷ್ಯಾಡ್​ ನಿಯಮಾವಳಿ ಪ್ರಕಾರ, ಕ್ರೀಡಾಪಟುಗಳು ಮಕ್ಕಳನ್ನು ಕ್ರೀಡಾಗ್ರಾಮಕ್ಕೆ ಕರೆದೊಯ್ಯುವಂತಿಲ್ಲ. ಹೀಗಾಗಿ, ಗ್ರಾಂಡ್​ ಮಾಸ್ಟರ್​ ಹರಿಕಾ ದ್ರೋಣವಲ್ಲಿ ಒಂದು ವರ್ಷದ ಪುತ್ರಿ ಹನ್ವಿಕಾಳನ್ನು ಮನೆಯಲ್ಲೇ ಬಿಟ್ಟು ಏಷ್ಯಾಡ್​ಗೆ ತೆರಳುತ್ತಿದ್ದಾರೆ. ಕಳೆದ ವರ್ಷ ತುಂಬು ಗರ್ಭಿಣಿಯಾಗಿದ್ದಾಗಲೇ ಹರಿಕಾ, ಚೆಸ್​ ಒಲಿಂಪಿಯಾಡ್​ನಲ್ಲಿ ಸ್ಪರ್ಧಿಸಿ ಕಂಚು ಗೆದ್ದಿದ್ದರು. 15ನೇ ವಯಸ್ಸಿನಲ್ಲೇ ಗ್ರಾಂಡ್​ ಮಾಸ್ಟರ್​ ಆಗಿದ್ದ ಕೊನೆರು ಹಂಪಿ, 6 ವರ್ಷದ ಪುತ್ರಿ ಅಹನಾಳನ್ನು ಬಿಟ್ಟು ಏಷ್ಯಾಡ್​ಗೆ ತೆರಳಲಿದ್ದಾರೆ.

ಇನ್ನು ಕ್ರಿಕೆಟಿಗ ದಿನೇಶ್​ ಕಾರ್ತಿಕ್​ ಪತ್ನಿಯೂ ಆಗಿರುವ ದೀಪಿಕಾ ಪಲ್ಲಿಕಲ್​ 2 ವರ್ಷದ ಅವಳಿ ಗಂಡು ಮಕ್ಕಳನ್ನು ಹೊಂದಿದ್ದರೆ, ಉದ್ದೀಪನ ಪ್ರಕರಣದ 4 ವರ್ಷಗಳ ನಿಷೇಧದ ಬಳಿಕ ಮರಳುತ್ತಿರುವ ಮನ್​ಪ್ರೀತ್​ ಕೌರ್​ 11 ವರ್ಷದ ಪುತ್ರಿಯನ್ನು ಹೊಂದಿದ್ದಾರೆ.

ಏಷ್ಯಾಡ್​ನಲ್ಲಿ ವಿದಾಯಕ್ಕೆ ಸಜ್ಜಾದವರು

*ರೋಹನ್​ ಬೋಪಣ್ಣ (ಟೆನಿಸ್​)

*ಅಚಂತ ಶರತ್​ ಕಮಲ್​ (ಟೇಬಲ್​ ಟೆನಿಸ್​)

*ಪಿಆರ್​ ಶ್ರೀಜೇಶ್​ (ಹಾಕಿ)

*ಸುನೀಲ್​ ಛೇಟ್ರಿ (ುಟ್​ಬಾಲ್​)

*ಭಜರಂಗ್​ ಪೂನಿಯಾ (ಕುಸ್ತಿ)

*ಸೀಮಾ ಪೂನಿಯಾ (ಡಿಸ್ಕಸ್​ ಥ್ರೋ)

ಈ ಸಲದ ಏಷ್ಯಾಡ್​ನ ಹೊಸ ತಾರೆಯರು

*ಅಂತಿಮ್​ ಪಾಂಗಲ್​ (ಕುಸ್ತಿ)

*ಜ್ಯೋತಿ ಯರಾಜಿ (ಅಥ್ಲೆಟಿಕ್ಸ್​)

*ಅಮನ್​ ಶೆರಾವತ್​ (ಕುಸ್ತಿ)

*ಅದಿತಿ ಸ್ವಾಮಿ (ಆರ್ಚರಿ)

*ನಿಖತ್​ ಜರೀನ್​ (ಬಾಕ್ಸಿಂಗ್​)

*ಆರ್​ ಪ್ರಜ್ಞಾನಂದ (ಚೆಸ್​)

ಈ ಸಲ ಏಷ್ಯಾಡ್​ಗೆ ಗೈರಾದ ತಾರೆಯರು

*ಸೈನಾ ನೆಹ್ವಾಲ್​ (ಬ್ಯಾಡ್ಮಿಂಟನ್​)

*ವಿನೇಶ್​ ಪೋಗಟ್​ (ಕುಸ್ತಿ)

*ರವಿ ದಹಿಯಾ (ಕುಸ್ತಿ)

*ರಾಣಿ ರಾಂಪಾಲ್​ (ಹಾಕಿ)

*ಹಿಮಾ ದಾಸ್​ (ಅಥ್ಲೆಟಿಕ್ಸ್​)

*ದೀಪಾ ಕರ್ಮಾಕರ್​ (ಜಿಮ್ನಾಸ್ಟಿಕ್ಸ್​)

*ಏಷ್ಯಾಡ್​ನಲ್ಲಿ ಸಹೋದರಿಯರು:

ನಿತ್ಯಾ ರಾಮರಾಜ್​ (100 ಮೀ. ಹರ್ಡಲ್ಸ್​)

ವಿದ್ಯಾ ರಾಮರಾಜ್​ (400 ಮೀ. ಹರ್ಡಲ್ಸ್​)

https://www.vijayavani.net/chahal-wife-dhanashree-verma-dazzles-along-with-ranveer-singh-in-the-world-cup-anthem