ಬಾರ್ಸಿಲೋನಾ: ಆಸ್ಟ್ರೆಲಿಯಾದ ಸಿಡ್ನಿಯಲ್ಲಿ ಕಳೆದ ಭಾನುವಾರ ನಡೆದ ಮಹಿಳೆಯರ ಫುಟ್ಬಾಲ್ ವಿಶ್ವಕಪ್ ಟೂರ್ನಿಯ ಫೈನಲ್ ಪಂದ್ಯದಲ್ಲಿ ಇಂಗ್ಲೆಂಡ್ ತಂಡವನ್ನು ಮಣಿಸುವ ಮೂಲಕ ಸ್ಪೇನ್ ತಂಡ ಚೊಚ್ಚಲ ಪ್ರಶಸ್ತಿ ಗೆಲುವಿನ ಸಂಭ್ರಮ ಕಂಡಿತು. ಆದರೆ ಪಂದ್ಯದ ಬಳಿಕ ಸ್ಪೇನ್ ಫುಟ್ಬಾಲ್ ಒಕ್ಕೂಟದ ಮುಖ್ಯಸ್ಥ ಲೂಯಿಸ್ ರುಬಿಯಾಲೆಸ್, ಸ್ಪೇನ್ ತಂಡದ ಪ್ರಮುಖ ಆಟಗಾರ್ತಿ ಜೆನ್ನಿರ್ ಹೆಮೋರ್ಸೋ ಅವರನ್ನು ವೇದಿಕೆ ಮೇಲೆ ಅಭಿನಂದಿಸುವ ಸಮಯದಲ್ಲಿ ತುಟಿಗೆ ಮುತ್ತಿಟ್ಟರು. ಈ ಘಟನೆಯಿಂದ ಆಟಗಾರ್ತಿ ವಿಚಲಿತರಾದರೆ, ಸಂಪೂರ್ಣ ಸ್ಪೇನ್ ತಂಡದ ಸಂಭ್ರಮಾಚರಣೆಗೂ ಮಸಿ ಬಳಿಯಿತು. ಇದರಿಂದಾಗಿ ಸ್ಪೇನ್ ಸರ್ಕಾರ ಈಗ ಟನೆಯ ಬಗ್ಗೆ ಸಂಪೂರ್ಣ ಪಾರದರ್ಶನ ತನಿಖೆಗೆ ಮುಂದಾಗಿದೆ.
