ಮಹಿಳಾ ಟಿ20 ವಿಶ್ವಕಪ್​ನಲ್ಲೂ ಫೈನಲ್​ಗೇರಿದ ದಕ್ಷಿಣ ಆಫ್ರಿಕಾ; ಹಾಲಿ ಚಾಂಪಿಯನ್ ಆಸೀಸ್​ಗೆ ಆಘಾತ!

ದುಬೈ: ಹಾಲಿ ಹಾಗೂ ಆರು ಬಾರಿಯ ಚಾಂಪಿಯನ್​ ಆಸ್ಟ್ರೆಲಿಯಾ ತಂಡಕ್ಕೆ 8 ವಿಕೆಟ್​ಗಳಿಂದ ಸೋಲುಣಿಸುವ ಮೂಲಕ ದಕ್ಷಿಣ ಆಫ್ರಿಕಾ ತಂಡ ಮಹಿಳಾ ಟಿ20 ವಿಶ್ವಕಪ್​ನಲ್ಲಿ ಸತತ 2ನೇ ಬಾರಿಗೆ ಫೈನಲ್​ಗೇರಿದೆ. ಈ ಮೂಲಕ ಕಳೆದ ಆವೃತ್ತಿಯ ಪ್ರಶಸ್ತಿ ಹೋರಾಟದಲ್ಲಿ ಆಸೀಸ್​ ಎದುರು ಅನುಭವಿಸಿದ್ದ ಸೋಲಿಗೆ ದ. ಆಫ್ರಿಕಾ ಸೇಡು ತೀರಿಸಿಕೊಂಡಿದೆ. ಜತೆಗೆ ಹಾಲಿ ವರ್ಷ ಪುರುಷರ ಟಿ20 ವಿಶ್ವಕಪ್​ ನಂತರ ಮಹಿಳಾ ವಿಶ್ವಕಪ್​ನಲ್ಲೂ ಫೈನಲ್​ಗೇರುವ ಮೂಲಕ ದಕ್ಷಿಣ ಆಫ್ರಿಕಾ ವಿಶೇಷ ಸಾಧನೆ ಮೆರೆದಿದೆ.

ಗುರುವಾರ ನಡೆದ ಮೊದಲ ಸೆಮಿಫೈನಲ್​ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಆಸೀಸ್​ ಆರಂಭಿಕ ಆಘಾತ ಕಂಡರೂ, ವಿಕೆಟ್​ ಕೀಪರ್​-ಬ್ಯಾಟರ್​ ಬೆಥ್​ ಮೂನಿ (44), ಹಂಗಾಮಿ ನಾಯಕಿ ತಾಹ್ಲಿಯಾ ಮೆಕ್​ಗ್ರಾತ್​ (27), ಎಲ್ಲಿಸ್​ ಪೆರ್ರಿ (31*) ಆಸರೆಯಲ್ಲಿ 5 ವಿಕೆಟ್​ಗೆ 134 ರನ್​ ಪೇರಿಸಿತು. ಪ್ರತಿಯಾಗಿ ನಾಯಕಿ ಲೌರಾ ವೊಲ್ವಾರ್ಡ್​ (42) ಮತ್ತು ಅನ್ನೆಕ್​ ಬಾಷ್​ (74*) ಹೋರಾಟದಿಂದ 17.2 ಓವರ್​ಗಳಲ್ಲಿ 2 ವಿಕೆಟ್​ಗೆ 135 ರನ್​ ಗಳಿಸಿ ಜಯಿಸಿತು.

ಆಸ್ಟ್ರೆಲಿಯಾ: 5 ವಿಕೆಟ್​ಗೆ 134 (ಮೂನಿ 44, ಜಾರ್ಜಿಯಾ 5, ತಾಹ್ಲಿಯಾ 27,ಎಲ್ಲಿಸ್​ ಪೆರ್ರಿ 31*, ಲಿಚ್​ಫೀಲ್ಡ್​ 16*, ಖಾಕ 24ಕ್ಕ 2, ಕಾಪ್​ 24ಕ್ಕೆ 1). ದ. ಆಫ್ರಿಕಾ: 17.2 ಓವರ್​ಗಳಲ್ಲಿ 2 ವಿಕೆಟ್​ಗೆ 135 (ಲೌರಾ 42, ಬಾಷ್​ 74*, ಸದರ್​ಲ್ಯಾಂಡ್​ 26ಕ್ಕೆ 2).

ಶುಕ್ರವಾರದ ಸೆಮಿಫೈನಲ್​

ನ್ಯೂಜಿಲೆಂಡ್-ವೆಸ್ಟ್​ ಇಂಡೀಸ್​

ಆರಂಭ: ರಾತ್ರಿ 7.30

ನೇರಪ್ರಸಾರ: ಸ್ಟಾರ್​ ಸ್ಪೋರ್ಟ್ಸ್​

https://www.vijayavani.net/vvs-laxman-daughter-achinthya-photos-viral-in-social-media