ಟಾಸ್ ಗೆದ್ದು ಬ್ಯಾಟಿಂಗ್ಗೆ ಇಳಿದಿದ್ದ ಭಾರತ ತಂಡ ಆರಂಭಿಕ ಸಡಗೋಪನ್ ರಮೇಶ್ (5) ವಿಕೆಟ್ಅನ್ನು ಮೊದಲ ಓವರ್ನಲ್ಲೇ ಕಳೆದುಕೊಂಡಿತ್ತು. ಆಗ ಜತೆಗೂಡಿದ ಗಂಗೂಲಿ-ದ್ರಾವಿಡ್ ಜೋಡಿ ಶ್ರೀಲಂಕಾ ಬೌಲರ್ಗಳಾದ ಚಮಿಂಡಾ ವಾಸ್, ಮುತ್ತಯ್ಯ ಮುರಳೀಧರನ್, ವಿಕ್ರಮಸಿಂಘೆ, ಉಪಶಾಂತಾ ಮತ್ತು ಜಯಸೂರ್ಯ ದಾಳಿಯನ್ನು ಸಮರ್ಥವಾಗಿ ಎದುರಿಸಿ 46ನೇ ಓವರ್ವರೆಗೂ ಭಾರತ ತಂಡಕ್ಕೆ ಆಸರೆಯಾಗಿತ್ತು. ಈ ಮೂಲಕ ಭಾರತ ತಂಡ 6 ವಿಕೆಟ್ಗೆ 373 ರನ್ಗಳ ಭರ್ಜರಿ ಮೊತ್ತ ಕೂಡಿ ಹಾಕಿತ್ತು. ಪ್ರತಿಯಾಗಿ ಅರ್ಜುನ ರಣತುಂಗ ನೇತೃತ್ವದ ಶ್ರೀಲಂಕಾ ತಂಡ ರಾಬಿನ್ ಸಿಂಗ್ (31ಕ್ಕೆ 5) ದಾಳಿಗೆ ಕುಸಿದು 42.3 ಓವರ್ಗಳಲ್ಲಿ 216 ರನ್ಗಳಿಗೆ ಸರ್ವಪತನ ಕಂಡಿತ್ತು. ಈ ಮೂಲಕ ಮೊಹಮ್ಮದ್ ಅಜರುದ್ದೀನ್ ಸಾರಥ್ಯದ ಭಾರತ ತಂಡ 157 ರನ್ಗಳ ಭರ್ಜರಿ ಗೆಲುವು ದಾಖಲಿಸಿ, ಟೂರ್ನಿಯ ನಾಕೌಟ್ ಪ್ರವೇಶದ ಆಸೆಯನ್ನು ಜೀವಂತ ಉಳಿಸಿಕೊಂಡಿತ್ತು. ಗಂಗೂಲಿ ಪಂದ್ಯಶ್ರೇಷ್ಠ ಪ್ರಶಸ್ತಿಗೂ ಭಾಜನರಾಗಿದ್ದರು.
