CWC2023 FINAL: 'ಫೈನಲ್‌ ಪ್ರವೇಶಿಸಿದ ಭಾರತದ ಹಾದಿ ಸ್ಪೂರ್ತಿದಾಯಕ'; ಸೋನಿಯಾ ಗಾಂಧಿ ಗುಣಗಾನ!

ನವದೆಹಲಿ: ಏಕದಿನ ವಿಶ್ವಕಪ್‌ 2023ರ ಅಂತಿಮ ಹಣಾಹಣಿಯು ಭಾರತ ಮತ್ತು ಆಸ್ಟ್ರೇಲಿಯಾ ತಂಡಗಳ ಮಧ್ಯೆ ನಡೆಯಲಿದ್ದು, ಈಗಾಗಲೇ ಕ್ಷಣಗಣನೇ ಆರಂಭಗೊಂಡಿದೆ. ಇಂದು ಮಧ್ಯಾಹ್ನ 2:00 ಗಂಟೆಗೆ ಪ್ರಾರಂಭವಾಗುವ ನೇರಪ್ರಸಾರ ವೀಕ್ಷಿಸಲು ಇಡೀ ಜಗತ್ತೇ ತೀವ್ರ ಕಾತರದಿಂದ ಕಾಯುತ್ತಿದೆ. ಈ ನಡುವೆ ಕಾಂಗ್ರೆಸ್​ ಅಧಿನಾಯಕಿ ಸೋನಿಯಾ ಗಾಂಧಿ ಅವರು ಕಿರು ವಿಡಿಯೋ ಮೂಲಕ ಟೀಮ್​ ಇಂಡಿಯಾ ಗೆದ್ದು ಬರುವಂತೆ ಶುಭಹಾರೈಸಿದ್ದಾರೆ.

ಇದನ್ನೂ ಓದಿ: ಬೃಂದಾವನ ಸೀರಿಯಲ್​ಗೆ ಟಿಕ್ ಟಾಕ್ ಸ್ಟಾರ್ ಎಂಟ್ರಿ; ಈ ಬದಲಾವಣೆ ಒಪ್ತಾರಾ ಪ್ರೇಕ್ಷಕರು….

ರಾಜಕೀಯ ನಾಯಕರು ಸೇರಿದಂತೆ ಅನೇಕ ಸೆಲೆಬ್ರೆಟಿಗಳು ವ್ಯಾಪಕವಾಗಿ ಶುಭಹಾರೈಸುತ್ತಿರುವ ಹಿನ್ನೆಲೆ ಇದೀಗ ಸೋನಿಯಾ ಗಾಂಧಿ ಅವರು ಕೂಡ ಭಾರತ ತಂಡ ವಿಶ್ವಕಪ್​ನಲ್ಲಿ ನಡೆದುಬಂದ ಹಾದಿಯನ್ನು ನೆನದು ಶ್ಲಾಘನೆ ವ್ಯಕ್ತಪಡಿಸಿದ್ದಾರೆ.

"ಆತ್ಮೀಯ ಟೀಮ್ ಇಂಡಿಯಾ, ಈ ವಿಶ್ವಕಪ್‌ನಲ್ಲಿ ನಿಮ್ಮ ಅದ್ಭುತ ಪ್ರದರ್ಶನ ಮತ್ತು ತಂಡದ ಅತ್ಯುತ್ತಮ ಕೆಲಸಕ್ಕಾಗಿ ನಾನು ಮೊದಲು ನಿಮ್ಮನ್ನು ಅಭಿನಂದಿಸುವ ಮೂಲಕ ಪ್ರಾರಂಭಿಸಲು ಬಯಸುತ್ತೇನೆ. ನೀವು ನಿರಂತರವಾಗಿ ದೇಶಕ್ಕೆ ಕೀರ್ತಿ ತಂದಿದ್ದೀರಿ ಮತ್ತು ನಾವು ಸಂತೋಷ ಮತ್ತು ಹೆಮ್ಮೆಪಡುವಂತೆ ಮಾಡಿದ್ದೀರಿ ಎಂದು ಹೇಳಿದರು.

ಇದನ್ನೂ ಓದಿ: IND vs AUS, CWC 2023 Final: ಫೈನಲ್​ ಪಂದ್ಯಕ್ಕೆ ಕ್ಷಣಗಣನೆ; ಯಾರೆಲ್ಲಾ ಗಣ್ಯರು ಆಗಮಿಸಲಿದ್ದಾರೆ? ಇಲ್ಲಿದೆ ವಿವರ!

"ಈಗ ನೀವು ಫೈನಲ್‌ಗೆ ಸಿದ್ಧರಾಗುತ್ತಿದ್ದಂತೆ, ಇಡೀ ದೇಶವು ನಿಮ್ಮ ಗೆಲುವಿಗಾಗಿ ಕಾಯುತ್ತಿದೆ. ಫೈನಲ್‌ಗೆ ಭಾರತ ತಂಡದ ಹಾದಿಯು ಸ್ಪೂರ್ತಿದಾಯಕವಾಗಿರುವುದು ಮಾತ್ರವಲ್ಲದೆ ಕ್ರಿಕೆಟ್ ಮೈದಾನದ ಗಡಿಗಳನ್ನು ಮೀರಿ ತಲುಪುವ ಅಮೂಲ್ಯವಾದ ಪಾಠಗಳನ್ನು ಸಹ ಹೊಂದಿದೆ. ಈ ಪಾಠಗಳು ಏಕತೆ, ಕಠಿಣ ಪರಿಶ್ರಮ, ನಿರ್ಣಯ ಮತ್ತು ನಿಮ್ಮಲ್ಲಿ ಅಚಲವಾದ ನಂಬಿಕೆ" ತಿಳಿಸುತ್ತದೆ ಎಂದು ಹೇಳಿದರು.

ಭಾರತವು ವಿಶ್ವಕಪ್ ಟ್ರೋಫಿಯನ್ನು ಮೊದಲ ಬಾರಿಗೆ 1983 ರಲ್ಲಿ ಮತ್ತು ನಂತರ 2011 ರಲ್ಲಿ ಪಡೆದುಕೊಂಡಿತ್ತು. ಅದೇ ರೀತಿ ಈ ಬಾರಿಯೂ ಕೂಡ ಗೆದ್ದು ಬರಲಿ ಎಂದು ಆಶಿಸುತ್ತೇನೆ ಎಂದು ವಿಡಿಯೋ ಮೂಲಕ ಟೀಮ್​ ಇಂಡಿಯಾಗೆ ಶುಭಹಾರೈಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/iccwc-2023-all-set-for-india-vs-australia-final-match