ಮುಂಬೈ ಪರ ಬುಮ್ರಾಗೆ 5 ವಿಕೆಟ್, ತಲೆಬಾಗಿದ ಆರ್​ಸಿಬಿ ವೇಗಿ ಮೊಹಮ್ಮದ್ ಸಿರಾಜ್!​

ಮುಂಬೈ: ನಿನ್ನೆ (ಏಪ್ರಿಲ್​ 11) ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು (RCB) ಹಾಗೂ ಮುಂಬೈ ಇಂಡಿಯನ್ಸ್​ (MI) ತಂಡಗಳ ನಡುವೆ ನಡೆದ ಭಾರೀ ಹಣಾಹಣಿಯಲ್ಲಿ 7 ವಿಕೆಟ್​ಗಳ ಅಂತರದಿಂದ ಹಾರ್ದಿಕ್ ಪಡೆ ಗೆದ್ದು ಬೀಗಿತು. ಒಳ್ಳೆಯ ಮನರಂಜನೆ ನೀಡಿದ ಈ ಪಂದ್ಯದಲ್ಲಿ ಆರ್​ಸಿಬಿಯ ಸತತ ಸೋಲು ಅಭಿಮಾನಿಗಳನ್ನು ತೀವ್ರ ಬೇಸರಕ್ಕೆ ಕಾರಣವಾಗಿದೆ. ಮೊದಲು ಬ್ಯಾಟ್​ ಮಾಡಿದ ಆರ್​ಸಿಬಿ 197 ರನ್​ಗಳ ಬೃಹತ್​ ಟಾರ್ಗೆಟ್​ ನೀಡಿದರೂ ಮುಂಬೈ ಈ ಗುರಿಯನ್ನು ಅತ್ಯಂತ ಸುಲಭವಾಗಿ ತಲುಪಿತು. ಪಂದ್ಯದಲ್ಲಿ ಆರ್​ಸಿಬಿ ಬ್ಯಾಟ್ಸ್​ಮನ್​ಗಳಿಗೆ ಕಾಡಿದ ಜಸ್ಪ್ರೀತ್​ ಬುಮ್ರಾ ಐದು ವಿಕೆಟ್ ಪಡೆದು ಮಿಂಚಿದರು.

ಇದನ್ನೂ ಓದಿ: ಇದೆನಾ ನಿಮ್ಮ ಕೆಲ್ಸ? ಆರ್​ಸಿಬಿ-ಮುಂಬೈ ಪಂದ್ಯದ ಬೆನ್ನಲ್ಲೇ ಆಕ್ರೋಶದ ಕಿಡಿ ಹೊತ್ತಿಸಿದ ಯುವತಿಯ ಫೋಟೋ!

ಮುಂಬೈ ಪಂದ್ಯ ಗೆಲ್ಲುತ್ತಿದ್ದಂತೆ ಬುಮ್ರಾಗೆ ತಲೆಬಾಗಿದ ಆರ್​ಸಿಬಿ ವೇಗಿ ಮೊಹ್ಮಮದ್ ಸಿರಾಜ್​ ಫೋಟೋ ಹಾಗೂ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಆರ್​ಸಿಬಿ ವಿರುದ್ಧ ನಾಲ್ಕು ಓವರ್​ಗಳನ್ನು ಮಾಡಿದ ಬುಮ್ರಾ, ಕೇವಲ 21 ರನ್​ಗಳನ್ನು ಕೊಟ್ಟು ಐವರು ಬಲಿಷ್ಠ ಆಟಗಾರರ ವಿಕೆಟ್ ಪಡೆದು ತಂಡದ ಗೆಲುವಿಗೆ ಪ್ರಮುಖ ಕಾರಣರಾದರು. ಪಂದ್ಯದಲ್ಲಿ ಅದ್ದೂರಿ ಪ್ರದರ್ಶನದ ನೀಡಿದ ಜಸ್ಪ್ರೀತ್​ಗೆ ಪ್ಲೇಯರ್​ ಆಫ್​ ದಿ ಮ್ಯಾಚ್ ಪ್ರಶಸ್ತಿ ಕೂಡ ಲಭಿಸಿತು.

ಒಂದೆಡೆ ಸಿರಾಜ್​ ಕ್ರೀಡಾಸ್ಪೂರ್ತಿ ಮೆರೆದಿದ್ದಕ್ಕೆ ಫ್ಯಾನ್ಸ್ ಸಂತಸಪಟ್ಟರೆ, ಮತ್ತೊಂದೆಡೆ ತಂಡದಲ್ಲಿ ಅಂತಹದ್ದೇ ಪರ್ಫಾಮೆನ್ಸ್​ ನೀವ್ಯಾಕೆ ತೋರಲಿಲ್ಲ. ಮುಂಬೈ ಪರ ಬುಮ್ರಾ ಒಬ್ಬರೆ ಎದುರಾಳಿಗಳ ಐದು ವಿಕೆಟ್ ಕಬಳಿಸಿದ್ದಾರೆ.

ಇದನ್ನೂ ಓದಿ: ಇದಕ್ಕಿಂತ ಕೆಟ್ಟದ್ದು ಮತ್ತೊಂದಿಲ್ಲ: ಕೆಲ ಬಾಲಿವುಡ್​ ಸೆಲೆಬ್ರಿಟಿ ದಂಪತಿಯ ಮದ್ವೆ ಹಿಂದಿನ ಗುಟ್ಟು ಬಿಚ್ಚಿಟ್ಟ ನೋರಾ!

ಆದರೆ, ನಮ್ಮ ತಂಡದಲ್ಲಿ ಮೂರು ವಿಕೆಟ್ ತೆಗೆಯಲಷ್ಟೇ ಶಕ್ತವಾಗಿದ್ದು ನಿಜಕ್ಕೂ ಬೇಸರದ ಸಂಗತಿ ಎಂದು ಆರ್​ಸಿಬಿ ಫ್ಯಾನ್ಸ್ ಸೋಷಿಯಲ್ ಮೀಡಿಯಾದಲ್ಲಿ ತಮ್ಮ ಅಸಮಾಧಾನ ಹೊರಹಾಕಿದ್ದಾರೆ. ಸದ್ಯ ಸತತ ಸೋಲುಗಳಿಂದ ಸಾಗುತ್ತಿರುವ ಆರ್​ಸಿಬಿ ಹೇಗೆ ಮುಂಬರುವ ಪಂದ್ಯಗಳಲ್ಲಿ ಪುಟಿದೇಳಲಿದೆ ಎಂಬುದನ್ನು ಕಾದು ನೋಡಬೇಕಿದೆ,(ಏಜೆನ್ಸೀಸ್).

https://www.vijayavani.net/it-was-like-this-the-whole-4-hour-flight

https://www.vijayavani.net/this-farmers-tells-astrology-by-seeing-leaves