ಬರ್ಮಿಂಗ್ಹ್ಯಾಂ: ಪ್ರತಿಷ್ಠಿತ ಆಲ್ ಇಂಗ್ಲೆಂಡ್ ಓಪನ್ ಬ್ಯಾಡ್ಮಿಂಟನ್ ಚಾಂಪಿಯನ್ಷಿಪ್ ಬುಧವಾರ ಆರಂಭವಾಗಲಿದ್ದು, ಹಾಲಿ ವಿಶ್ವ ಚಾಂಪಿಯನ್ ಪಿವಿ ಸಿಂಧು ಭಾರತದ ಸವಾಲನ್ನು ಮುನ್ನಡೆಸಲಿದ್ದಾರೆ. ಕಳೆದ ಸ್ವಿಸ್ ಓಪನ್ನಲ್ಲಿ ಫೈನಲ್ಗೇರುವ ಮೂಲಕ ಲಯಕ್ಕೆ ಮರಳಿದ್ದ ಪಿವಿ ಸಿಂಧು, ಪ್ರಶಸ್ತಿ ಹೋರಾಟದಲ್ಲಿ ಸ್ಪೇನ್ ತಾರೆ ಕ್ಯಾರೊಲಿನ್ ಮರಿನ್ ವಿರುದ್ಧ ಸೋತು ನಿರಾಸೆ ಅನುಭವಿಸಿದ್ದರು. ಇದೀಗ ಮರಿನ್ ಗಾಯದಿಂದಾಗಿ ಈ ಟೂರ್ನಿಯಿಂದ ಹಿಂದೆ ಸರಿದಿರುವುದು ಸಿಂಧು ಹಾದಿಯನ್ನು ಅಲ್ಪಮಟ್ಟಿಗೆ ಸುಲಭಗೊಳಿಸಿದೆ. ಇದಲ್ಲದೆ ಚೀನಾ, ಕೊರಿಯಾ ಮತ್ತು ಚೀನಾ ತೈಪೆಯ ಕೆಲ ತಾರೆಯರೂ ಟೂರ್ನಿಯಿಂದ ಹಿಂದೆ ಸರಿದಿದ್ದಾರೆ. ಈ ಸೂಪರ್ 1,000 ಟೂರ್ನಿ ಟೋಕಿಯೊ ಒಲಿಂಪಿಕ್ಸ್ ಅರ್ಹತೆಗೆ ಪರಿಗಣಿಸಲ್ಪಡದಿರುವುದು ಇದಕ್ಕೆ ಕಾರಣವಾಗಿದೆ.
