ರಾಷ್ಟ್ರೀಯ ಸ್ಕೇಟಿಂಗ್ ಚಾಂಪಿಯನ್‌ಷಿಪ್​ನಲ್ಲಿ ಕರ್ನಾಟಕಕ್ಕೆ ಬೆಳ್ಳಿ ಪದಕ

ಬೆಂಗಳೂರು: ನಗರದ ಪವರ್ ಟ್ರ್ಯಾಕ್ ಸ್ಕೇಟಿಂಗ್ ರಿಂಗ್‌ನಲ್ಲಿ ನಡೆದ ರಾಷ್ಟ್ರೀಯ ಸ್ಕೇಟಿಂಗ್ ಚಾಂಪಿಯನ್‌ಷಿಪ್‌ನಲ್ಲಿ ನಡೆದ ಫೈನಲ್ ಸ್ಪರ್ಧೆಯಲ್ಲಿ ಉತ್ತರ ಪ್ರದೇಶ ಚಿನ್ನದ ಪದಕ ಗೆದ್ದಿದ್ದು, ಅತಿಥೇಯ ಕರ್ನಾಟಕ ತಂಡ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟಿಕೊಂಡಿದೆ.

ತ್ರಿಶಾ ಮುಂದಾಳತ್ವದ ಕರ್ನಾಟಕ ತಂಡ ಕೊನೆವರೆಗೂ ಹೋರಾಡಿ, 2ನೇ ಸ್ಥಾನ ಸಂಪಾದಿಸುವಲ್ಲಿ ಯಶಸ್ವಿಯಾಯಿತು. ಇನ್ನು ಮಹಾರಾಷ್ಟ್ರ ತಂಡ ಮೂರನೇ ಸ್ಥಾನ ಪಡೆದು ಕಂಚಿನ ಪದಕ ಪಡೆಯಿತು.

ಮೈಸೂರಿಗೆ ಕಾಲಿಟ್ಟ ಚಾಂಪಿಯನ್‌ಷಿಪ್

ಬೆಂಗಳೂರಿನಲ್ಲಿ ಮುಕ್ತಾಯಗೊಂಡ 62ನೇ ರಾಷ್ಟ್ರೀಯ ರೋಲರ್ ಸ್ಕೇಟಿಂಗ್ ಚಾಂಪಿಯನ್‌ಷಿಪ್ ಮೈಸೂರಿನ ರಾವ್ಸ್ ರೋಲರ್ ಸ್ಕೇಟಿಂಗ್ ಅಕಾಡೆಮಿಯಲ್ಲಿ ಆರಂಭಗೊಂಡಿದೆ. ಕರ್ನಾಟಕ ರೋಲರ್ ಸ್ಕೇಟಿಂಗ್ ಅಸೋಸಿಯೇಷನ್ (ಕೆಆರ್‌ಎಸ್‌ಎ) ವತಿಯಿಂದ ಇಂದೂಧರ್ ಸೀತಾರಾಮ್ ಅವರ ನೇತೃತ್ವದಲ್ಲಿ ಕ್ರಸಾ ಮತ್ತು ಶ್ರೀಕಂಠ ರಾವ್ ಸ್ಥಳದ ಆತಿಥೇಯರ ತಂಡವು ಆಯೋಜಿಸಿದ್ದು, ಈ ಕಾರ್ಯಕ್ರಮವು 32 ರಾಜ್ಯಗಳಿಂದ ಸುಮಾರು 2 ಸಾವಿರಕ್ಕೂ ಹೆಚ್ಚು ಕ್ರೀಡಾಪಟುಗಳು ಸ್ಪರ್ಧಿಸುತ್ತಿದ್ದಾರೆ.

https://www.vijayavani.net/pv-sindhu-fiance-venkata-datta-sai-invite-sachin-tendulkar-for-wedding