ಬಿಸಿಸಿಐ ಸೂಚನೆಯ ನಡುವೆಯೂ ರಣಜಿಯಲ್ಲಿ ಆಡದೆ ವಾರ್ಷಿಕ ಗುತ್ತಿಗೆ ಪಟ್ಟಿಯಿಂದ ಹೊರಬಿದ್ದಿರುವ ಮುಂಬೈ ಬ್ಯಾಟರ್ ಶ್ರೇಯಸ್ ಅಯ್ಯರ್, ಇದೀಗ ಕೊನೆಗೂ ದೇಶೀಯ ಕ್ರಿಕೆಟ್ಗೆ ಮರಳಲು ಸಜ್ಜಾಗಿದ್ದಾರೆ. ಅನುಭವಿ ಬ್ಯಾಟರ್ ಅಜಿಂಕ್ಯ ರಹಾನೆ ಸಾರಥ್ಯದ ಮುಂಬೈ ತಂಡಕ್ಕೆ ಶ್ರೇಯಸ್ ಬಲ ತುಂಬಲಿದ್ದು, ಗುಣಮಟ್ಟದ ಸ್ಪಿನ್ ಬೌಲಿಂಗ್ ವಿಭಾಗವನ್ನು ಹೊಂದಿರುವ ತಮಿಳುನಾಡು ವಿರುದ್ಧದ ಈ ಪಂದ್ಯ ತೀವ್ರ ಕುತೂಹಲ ಕೆರಳಿಸಿದೆ. ನಾಯಕ ಸಾಯಿ ಕಿಶೋರ್ 47 ಮತ್ತು ಎಡಗೈ ಸ್ಪಿನ್ನರ್ ಅಜಿತ್ ರಾಮ್ 41 ವಿಕೆಟ್ ಕಬಳಿಸಿ ಹಾಲಿ ಋತುವಿನಲ್ಲಿ ತಮಿಳುನಾಡಿನ ಯಶಸ್ಸಿನ ರೂವಾರಿಗಳೆನಿಸಿದ್ದಾರೆ. ಕ್ವಾರ್ಟರ್ಫೈನಲ್ನಲ್ಲಿ ಬರೋಡ ವಿರುದ್ಧ ರನ್ಮಳೆ ಹರಿಸುವ ಮೂಲಕ ಮುಂಬೈ ಗೆದ್ದಿದ್ದರೆ, ತಮಿಳುನಾಡು ತಂಡ ಹಾಲಿ ಚಾಂಪಿಯನ್ ಸೌರಾಷ್ಟ್ರಕ್ಕೆ ಆಘಾತ ನೀಡಿದೆ.
