ತವರಿನಲ್ಲಿ ಆಡುವುದೇ ಪ್ಲಸ್​ ಪಾಯಿಂಟ್​, ಆರ್​ಸಿಬಿ ಅಭಿಮಾನಿಗಳು ಸೋಲು-ಗೆಲುವಿನಲ್ಲಿ ಜತೆಯಾಗಿ ನಿಲ್ಲುತ್ತಾರೆ ಎಂದ ಶ್ರೇಯಾಂಕಾ ಪಾಟೀಲ್​

| ಗುರುರಾಜ್​ ಬಿ.ಎಸ್​. ಬೆಂಗಳೂರು

ಯುವ ಮಹಿಳಾ ಆಟಗಾರ್ತಿಯರಿಗೆ ಚಿಮ್ಮು ಹಲಗೆಯಾಗಿರುವ ವುಮೆನ್ಸ್​ ಪ್ರೀಮಿಯರ್​ ಲೀಗ್​ನಲ್ಲಿ (ಡಬ್ಲುಪಿಎಲ್​) ಆರ್​ಸಿಬಿ ತಂಡದ ಪರವಾಗಿ ನೀಡಿದ ಪ್ರದರ್ಶನದಿಂದ 2023ರಲ್ಲಿ ಭಾರತ ಮಹಿಳಾ ತಂಡದ ಪರ ಟಿ20 ಹಾಗೂ ಏಕದಿನ ತಂಡಕ್ಕೆ ಪದಾರ್ಪಣೆ ಮಾಡಿದ ಬೆಂಗಳೂರಿನ ಹುಡುಗಿ ಶ್ರೇಯಾಂಕಾ ಪಾಟೀಲ್​ ಭವಿಷ್ಯದ ತಾರೆ ಎನಿಸಿದ್ದಾರೆ. ಜತೆಗೆ ವೆಸ್ಟ್​ ಇಂಡೀಸ್​ನ ಕೆರಿಬಿಯನ್​ ಮಹಿಳಾ ಪ್ರೀಮಿಯರ್​ ಲೀಗ್​ನಲ್ಲಿ ಆಡಿದ ಮೊದಲ ಭಾರತೀಯ ಆಟಗಾರ್ತಿ ಎನಿಸಿದ್ದಾರೆ. ಡಬ್ಲುಪಿಎಲ್​ನ 2ನೇ ಆವೃತ್ತಿಯಲ್ಲಿ ಶುಭಾರಂಭ ಮಾಡಿದ ಬಳಿಕ ಶ್ರೇಯಾಂಕಾ, "ವಿಜಯವಾಣಿ'ಯೊಂದಿಗೆ ಮಾತನಾಡಿದ್ದಾರೆ.

*ತವರಿನ ಅಂಗಣದಲ್ಲಿ ಆರ್​ಸಿಬಿ ಪರ ಆಡಿದ ಅನುಭವ ಹೇಗಿತ್ತು?

-ಇದುವರೆಗೆ ಗ್ಯಾಲರಿಯಲ್ಲಿ ಕುಳಿತು ಐಪಿಎಲ್​ನಲ್ಲಿ ಆರ್​ಸಿಬಿ ತಂಡಕ್ಕೆ ಸಪೋರ್ಟ್​ ಮಾಡುತ್ತಿದ್ದೆ. ಈಗ ನಾನು ಅದೇ ಕ್ರೀಡಾಂಗಣದಲ್ಲಿ ಆಡುತ್ತಿದ್ದೇನೆ. ಎಲ್ಲರೂ ನನಗೆ ಬೆಂಬಲ ಮತ್ತು ಪ್ರೀತಿ ನೀಡುತ್ತಿದ್ದಾರೆ. ಇಷ್ಟು ವರ್ಷಗಳ ಕಾಲ ಆರ್​ಸಿಬಿ ತಂಡದ ಸೋಲು-ಗೆಲುವಿನಲ್ಲಿ ಅಭಿಮಾನಿಗಳು ಜತೆಯಾಗಿ ನಿಂತಿದ್ದಾರೆ. ಇದಕ್ಕಿಂತ ಮೀರಿ ಯಾವುದೂ ಇಲ್ಲ, ಮುಂದೆಯೂ ಬೆಂಬಲ ನೀಡಲಿದ್ದಾರೆ.

*ಭಾರತ ತಂಡಕ್ಕೆ ಪದಾರ್ಪಣೆ ಬಳಿಕ ಈ ಬಾರಿಯ ಡಬ್ಲುಪಿಎಲ್​ನಲ್ಲಿ ಏನು ನಿರೀಸಬಹುದು?

-ಯಾವುದೇ ರೀತಿಯ ದೊಡ್ಡ ನಿರೀೆಗಳಿಲ್ಲ. ನಾವೂ ತಂಡಕ್ಕೆ ಏನು ಅನಿವಾರ್ಯ ಎಂಬುದನ್ನು ಅರಿತು ಆಡಬೇಕು. ಇದುವರೆಗೆ ತಂಡಕ್ಕೆ ಅಗತ್ಯವಿರುವ ಪ್ರದರ್ಶನ ನೀಡಬೇಕು ಎಂಬುದು ನನ್ನ ಉದ್ದೇಶ. ಪಂದ್ಯದ ಪರಿಸ್ಥಿತಿಗೆ ತಕ್ಕಂತೆ ಆಡುವುದು ಪ್ರಮುಖ ಅಂಶವಾಗಿರುತ್ತದೆ.

*ಕಳೆದ ಎರಡು ವರ್ಷದಲ್ಲಿ ನಿಮ್ಮ ಜೀವನ ಸಾಕಷ್ಟು ಬದಲಾವಣೆ ಕಂಡಿದೆ. ಇದರ ಬಗ್ಗೆ ನಿಮ್ಮ ಅಭಿಪ್ರಾಯ?

-ತುಂಬಾ ಜನ ಮಹಿಳಾ ಕ್ರಿಕೆಟ್​ ಅನ್ನು ವೀಸುತ್ತಿದ್ದಾರೆ. 10 ವರ್ಷದ ಹಿಂದೆ ಮಹಿಳೆಯರ ಕ್ರಿಕೆಟ್​ನಲ್ಲಿಯೂ ಸಾಕಷ್ಟು ಸಾಧಿಸಬಹುದು, ಜನ ನಮ್ಮನ್ನು ಗುರುತಿಸುತ್ತಾರೆ ಎನ್ನುವುದರ ಬಗ್ಗೆ ಹಲವು ಅನುಮಾನಗಳಿದ್ದವು. ಇತ್ತೀಚಿನ ದಿನಗಳಲ್ಲಿ ಮಹಿಳಾ ಕ್ರಿಕೆಟ್​ನಲ್ಲಿ ಬದಲಾವಣೆಗಳಾಗಿದ್ದು, ತುಂಬಾ ಜನ ಕ್ರಿಕೆಟ್​ನತ್ತ ಗಮನಹರಿಸಿದ್ದಾರೆ. ಡಬ್ಲುಪಿಎಲ್​ನಲ್ಲಿ ನೀಡುವ ಪ್ರದರ್ಶನ ನಮಗೆ ಹೆಚ್ಚಿನ ಆತ್ಮವಿಶ್ವಾಸ ನೀಡಲಿದೆ.

*ಐಪಿಎಲ್​ ರೀತಿಯಲ್ಲಿ ಡಬ್ಲುಪಿಎಲ್​ ಸಹ ಭಾರತ ತಂಡ ಸೇರಲು ಉತ್ತಮ ವೇದಿಕೆಯೇ?

-ಖಂಡಿತಾ... ಪುರುಷರಿಗೆ ಟೀಮ್​ ಇಂಡಿಯಾ ಸೇರಲು ಐಪಿಎಲ್​ ವೇದಿಕೆ ಆಗಿದೆ. ಅದೇ ರೀತಿ ಡಬ್ಲುಪಿಎಲ್​ ಸಹ ಮಹಿಳೆಯರಿಗೆ ಉತ್ತಮ ವೇದಿಕೆ. ಈ ಟೂರ್ನಿಯಲ್ಲಿ ನಾವೂ ಉತ್ತಮ ಪ್ರದರ್ಶನ ನೀಡಿದರೆ, ಮುಂದಿನ ದಿನಗಳಲ್ಲಿ ಭಾರತ ತಂಡವನ್ನು ಪ್ರತಿನಿಧಿಸುವ ಅವಕಾಶ ದೊರೆಯಲಿದೆ ಎಂಬ ನಂಬಿಕೆ ಇರಲಿದೆ. ಮುಂದಿನ ದಿನಗಳಲ್ಲಿ ಡಬ್ಲುಪಿಎಲ್​ ಸಹ ಅತ್ಯಂತ ಯಶಸ್ವಿ ಟೂರ್ನಿ ಎನಿಸಿಕೊಳ್ಳಿದೆ.

*ಮುಂಬೈನಲ್ಲಿ ಆಡಿದ ಕಳೆದ ಆವೃತ್ತಿಗೂ ಈ ಬಾರಿಯ ಟೂರ್ನಿಗೂ ಏನು ವ್ಯತ್ಯಾಸ ಇದೆ?

-ಬೆಂಗಳೂರಿನಲ್ಲಿ ಆಡುತ್ತಿರುವುದರ ಜತೆಗೆ ತವರು ಅಭಿಮಾನಿಗಳ ಎದುರು ಕಣಕ್ಕಿಳಿಯುವುದು ನಮಗೆ ಈ ಬಾರಿಯ ಒಂದು ಪ್ಲಸ್​ ಪಾಯಿಂಟ್​. ಕಳೆದ ವರ್ಷ ಉತ್ತಮ ಆರಂಭ ಸಿಕ್ಕಿದೆ. 10-11 ತಿಂಗಳಿನಿಂದ ಎಲ್ಲ ದೇಶೀಯ ಆಟಗಾರ್ತಿಯರು ಆರ್​ಸಿಬಿ ತಂಡದೊಂದಿಗೆ ಕಾರ್ಯನಿರ್ವಹಿಸುತ್ತಿದ್ದೇವೆ. ಕಳೆದ ವರ್ಷದ ಅನುಭವದಿಂದ ಈ ಬಾರಿ ಸಾಕಷ್ಟು ಕಲಿತಿದ್ದೇನೆ.

*ವಿಶ್ವದ ಪ್ರಸಿದ್ಧ ಆಲ್ರೌಂಡರ್​ ಆಸ್ಟ್ರೆಲಿಯಾದ ಎಲ್ಲಿಸ್​ ಪೆರ್ರಿ ಅವರೊಂದಿಗಿನ ಒಡನಾಟ ಹೇಗಿದೆ?

&ಎಲ್ಲಿಸ್​ ಪೆರ್ರಿ ಅವರು ಆರ್​ಸಿಬಿ ತಂಡದಲ್ಲಿರುವುದು ನಮಗೆಲ್ಲ ಪ್ಲಸ್​ ಪಾಯಿಂಟ್​. ಅವರ ಕ್ರಿಕೆಟ್​ ಅನುಭವ ನಮ್ಮಂಥ ದೇಶೀಯ ಹಾಗೂ ಸ್ಥಳಿಯ ಆಟಗಾರ್ತಿಯರಿಗೆ ಹೆಚ್ಚಿನ ಆತ್ಮವಿಶ್ವಾಸ ತುಂಬಲು ನೆರವಾಗಿದೆ. ಅವರೊಂದಿಗೆ ಕೆಲ ವಿಷಯ ಚರ್ಚೆ ನಡೆಸಿದಾಗ ನಮಗೆ ಕಲಿಯಲು ಸಾಕಷ್ಟು ವಿಷಯಗಳಿವೆ ಅನಿಸುತ್ತದೆ. ಕಳೆದ ಬಾರಿಗಿಂತ ಈ ಬಾರಿ ತಂಡದೊಂದಿಗೆ ಚೆನ್ನಾಗಿ ಬೆರೆಯುತ್ತಿದ್ದಾರೆ.

*ಕಳೆದ ಬಾರಿ ಮಾಡಿದ ತಪ್ಪುಗಳನ್ನು ಈ ಬಾರಿ ಹೇಗೆ ಸುಧಾರಿಸಿದ್ದೀರಿ?

-ಪಂದ್ಯದ ಒತ್ತಡದ ಸಂದರ್ಭದಲ್ಲಿ ತಪ್ಪುಗಳು ಆಗುವುದು ಸಹಜ. ಅಂಥ ಸಮಯದಲ್ಲಿ ನಾವು ಮಾನಸಿಕವಾಗಿ ಎಷ್ಟು ಬಲಿಷ್ಠವಾಗಿದ್ದೇವೆ ಎಂಬುದು ಮುಖ್ಯವಾಗಿರುತ್ತದೆ. ಒತ್ತಡದಲ್ಲಿಯೂ ನಮ್ಮ ಮುಂದಿನ ಗುರಿ ಹಾಗೂ ಯೋಜನೆಗಳನ್ನು ಉತ್ತಮವಾಗಿ ಕಾರ್ಯರೂಪಕ್ಕೆ ತಂದರೆ, ಲಿತಾಂಶ ನಮ್ಮ ಪರವಾಗಿರುತ್ತದೆ.

*ಅಂತಾರಾಷ್ಟ್ರೀಯ, ದೇಶೀಯ ಹಾಗೂ ವಲಯ ಮಟ್ಟದ ಟೂರ್ನಿಯಲ್ಲಿ ಆಡುವುದು ಎಷ್ಟು ಕಷ್ಟ ?

-ಪಂದ್ಯ ಸ್ವರೂಪವನ್ನು ಅರ್ಥಮಾಡಿಕೊಳ್ಳುವುದು ಆಟಗಾರರಿಗೆ ಒಂದು ಚಾಲೆಂಜ್​. ತುಂಬಾ ವರ್ಷಗಳಿಂದ ಇದೇ ರೀತಿ ಆಡುತ್ತಿರುವುದರಿಂದ ಎಲ್ಲ ಪ್ರಕಾರದ ಕ್ರಿಕೆಟ್​ನಲ್ಲಿ ಬಹಳ ವ್ಯತ್ಯಾಸ ಇರುವುದಿಲ್ಲ. ನಮ್ಮ ಕೌಶಲ್ಯದ ಮೇಲೆ ಅವಲಂಬಿತವಾಗಿದೆ.

*ಮೊದಲ ಪಂದ್ಯದಲ್ಲಿ ಗೆಲುವಿನ ಬಳಿಕ ಮುಂದಿನ ಯೋಜನೆ ?

-ಉತ್ತಮ ಆರಂಭ ಸಿಕ್ಕಿದೆ...ಇದೇ ಆತ್ಮವಿಶ್ವಾಸದಲ್ಲಿ ಮುಂದಿನ ಪಂದ್ಯಗಳಲ್ಲಿ ಮುಂದುವರಿಯುತ್ತೇವೆ. ಪರಸ್ಪರ ಆಟಗಾರರೂ ಬೆನ್ನುಲುಬಾಗಿ ನಿಂತಿದ್ದಾರೆ. ಒಬ್ಬರ ಯಶಸ್ಸನ್ನು ಎಲ್ಲರೂ ಸೆಲೆಬ್ರೆಟ್​ ಮಾಡಲಾಗುತ್ತಿದೆ.

https://www.vijayavani.net/jasprit-bumrah-cheers-on-wife-sanjana-ganesan-as-she-resumes-broadcasting-duties