ಟೀಮ್​ ಇಂಡಿಯಾ ನೆಟ್ಸ್​ನಲ್ಲಿ ಶಾರ್ದೂಲ್​ ಠಾಕೂರ್​ ಭುಜಕ್ಕೆ ಗಾಯ

ಸೆಂಚುರಿಯನ್​: ಭಾರತ ತಂಡದ ವೇಗದ ಬೌಲರ್​ ಶಾರ್ದೂಲ್​ ಠಾಕೂರ್​ ಶನಿವಾರ ನೆಟ್ಸ್​ನಲ್ಲಿ ಬ್ಯಾಟಿಂಗ್​ ಅಭ್ಯಾಸ ನಡೆಸುತ್ತಿದ್ದ ವೇಳೆ ಭುಜಕ್ಕೆ ಚೆಂಡೇಟು ತಿಂದು ಗಾಯಗೊಂಡಿದ್ದಾರೆ. ಇದರಿಂದಾಗಿ ಅವರು ದ. ಆಫ್ರಿಕಾ ವಿರುದ್ಧದ 2ನೇ ಟೆಸ್ಟ್​ ಪಂದ್ಯವನ್ನು ತಪ್ಪಿಸಿಕೊಳ್ಳುವ ಸಾಧ್ಯತೆ ಇದೆ ಎನ್ನಲಾಗಿದೆ. ಆದರೆ ಸ್ಕಾ$ನಿಂಗ್​ ವರದಿ ಬಂದ ಬಳಿಕವೇ ಗಾಯದ ಗಂಭೀರತೆ ಸ್ಪಷ್ಟವಾಗಲಿದೆ.

ಬ್ಯಾಟಿಂಗ್​ ವೇಳೆ ಆದ ಈ ಗಾಯದಿಂದಾಗಿ ಶಾರ್ದೂಲ್​ಗೆ ನಂತರ ನೆಟ್ಸ್​ನಲ್ಲಿ ಬೌಲಿಂಗ್​ ಮಾಡಲು ಸಾಧ್ಯವಾಗಲಿಲ್ಲ. ಸೆಂಚುರಿಯನ್​ ಟೆಸ್ಟ್​ನಲ್ಲೂ ಶಾರ್ದೂಲ್​ ಮೊದಲ ಇನಿಂಗ್ಸ್​ನಲ್ಲಿ ತಲೆಗೆ ಚೆಂಡೇಟು ತಿಂದಿದ್ದರು. ಮೊದಲ ಟೆಸ್ಟ್​ನಲ್ಲಿ 19 ಓವರ್​ ಎಸೆದಿದ್ದ ಶಾರ್ದೂಲ್​ 100ಕ್ಕೂ ಅಧಿಕ ರನ್​ ಬಿಟ್ಟುಕೊಟ್ಟು ಕೇವಲ 1 ವಿಕೆಟ್​ ಪಡೆದಿದ್ದರು.

ಎರಡು ಪಂದ್ಯಗಳ ಸರಣಿಯಲ್ಲಿ ಭಾರತ ಸದ್ಯ 0-1 ಹಿನ್ನಡೆಯಲ್ಲಿದ್ದು, ಜನವರಿ 3ರಿಂದ ಕೇಪ್​ಟೌನ್​ನಲ್ಲಿ ನಡೆಯಲಿರುವ ಪಂದ್ಯ ಗೆದ್ದು ಕನಿಷ್ಠ ಸರಣಿ ಸಮಬಲದ ಸಮಾಧಾನ ಕಾಣುವ ತವಕದಲ್ಲಿದೆ.

ಕೇಪ್​ಟೌನ್​ನಲ್ಲಿ ಹೊಸ ವರ್ಷಾಚರಣೆ

ಟೀಮ್​ ಇಂಡಿಯಾ ಆಟಗಾರರು ಶನಿವಾರ ಸೆಂಚುರಿಯನ್​ನಲ್ಲೇ ಅಭ್ಯಾಸ ನಡೆಸಿದ್ದು, ಭಾನುವಾರ ಕೇಪ್​ಟೌನ್​ಗೆ ಪ್ರಯಾಣಿಸಲಿದ್ದಾರೆ ಮತ್ತು ಅಲ್ಲೇ ಸರಳವಾಗಿ ಹೊಸ ವರ್ಷಾಚರಣೆ ನಡೆಸಲಿದೆ. ಆದರೆ ಹೋಟೆಲ್​ನಿಂದ ಹೊರಗೆ ಹೋಗಿ ಹೊಸ ವರ್ಷದ ಸಂಭ್ರಮ ಆಚರಿಸಲು ಆಟಗಾರರಿಗೆ ಅನುಮತಿ ನೀಡಲಾಗಿಲ್ಲ. ದಣ ಆಫ್ರಿಕಾದಲ್ಲಿ ದರೋಡೆ, ಕಳ್ಳತನ, ಪಿಕ್​ಪಾಕೆಟಿಂಗ್​ ಮುಂತಾದ ಸ್ಟ್ರೀಟ್​ ಕೆಮ್​ ಹೆಚ್ಚಿವೆ. ಹೀಗಾಗಿ ಭದ್ರತಾ ಕಾರಣಗಳಿಂದಾಗಿ ಆಟಗಾರರಿಗೆ ಹೊರಗೆ ಪ್ರತ್ಯೇಕವಾಗಿ ಸುತ್ತಾಟ ನಡೆಸಲು ಅವಕಾಶ ನೀಡಲಾಗುತ್ತಿಲ್ಲ.

https://www.vijayavani.net/india-captain-rohit-sharma-lamented-the-poor-support-given-by-other-bowlers-to-pace-spearhead-jasprit-bumrah