ಚಿರಾಗ್ ಶೆಟ್ಟಿ, ಸಾತ್ವಿಕ್ ಸಾಯಿರಾಜ್, ಅಶ್ವಿನಿ ಪೊನ್ನಪ್ಪ ಇನ್ನು ತರಬೇತಿ ಶಿಬಿರಕ್ಕೆ ಹಾಜರಾಗಿಲ್ಲ. ಚಿರಾಗ್ ಶೆಟ್ಟಿ ಮುಂಬೈನಲ್ಲಿದ್ದರೆ, ಸಾತ್ವಿಕ್ ಆಂಧ್ರದ ಅಮಲಾಪುರದಲ್ಲಿದ್ದಾರೆ. ಅಶ್ವಿನಿ ಪೊನ್ನಪ್ಪ ಬೆಂಗಳೂರಿನಲ್ಲಿ ಪ್ರಕಾಶ್ ಪಡುಕೋಣೆ ಕೇಂದ್ರದಲ್ಲಿ ಅಭ್ಯಾಸ ಆರಂಭಿಸಿದ್ದಾರೆ. ವಿಶ್ವ ಚಾಂಪಿಯನ್ ಪಿವಿ ಸಿಂಧು, ಬಿ.ಸಾಯಿ ಪ್ರಣೀತ್, ಸಿಕ್ಕಿ ರೆಡ್ಡಿ ಶುಕ್ರವಾರದಿಂದಲೇ ಅಭ್ಯಾಸ ಆರಂಭಿಸಿದರು. ಮಾಜಿ ವಿಶ್ವ ನಂ.1 ಕೆ.ಶ್ರೀಕಾಂತ್ ಕೂಡ ಗುಂಟೂರಿನಲ್ಲಿದ್ದು, ಒಂದು ವಾರದ ಬಳಿಕ ಶಿಬಿರದಲ್ಲಿ ಪಾಲ್ಗೊಳ್ಳಲಿದ್ದಾರೆ. ಟೋಕಿಯೊ ಒಲಿಂಪಿಕ್ಸ್ಗೆ ಸಿದ್ಧತೆ ಹಿನ್ನೆಲೆಯಲ್ಲಿ ತರಬೇತಿ ಶಿಬಿರ ಆಯೋಜಿಸಲು ತೆಲಂಗಾಣ ಸರ್ಕಾರ ಆ.1 ರಂದು ಅನುಮತಿ ನೀಡಿತ್ತು.
