ನಾಯಿಗಳೂ ಮಾತನಾಡುತ್ತವೆ ಎಂದ ವೀರೇಂದ್ರ ಸೆಹ್ವಾಗ್​!

ನವದೆಹಲಿ: ವೀರೇಂದ್ರ ಸೆಹ್ವಾಗ್​ ಕ್ರಿಕೆಟ್​ ಮೈದಾನದಲ್ಲಿ ಸ್ಫೋಟಕ ಬ್ಯಾಟಿಂಗ್​ಗೆ ಹೆಸರಾದವರು. ಅದೇ ಕ್ರಿಕೆಟ್​ ಮೈದಾನದ ಹೊರಗೆ ಅವರದು ತಮಾಷೆಯ ಮೂಲಕ ಬದುಕನ್ನು ಆನಂದಿಸುವ ವ್ಯಕ್ತಿತ್ವ. ಸಾಮಾಜಿಕ ಜಾಲತಾಣಗಳಲ್ಲಿ ಎಲ್ಲರ ಕಾಲೆಳೆಯುತ್ತ ಬಂದಿರುವ ವೀರೇಂದ್ರ ಸೆಹ್ವಾಗ್​ ಇದೀಗ ತಮ್ಮ ಶ್ವಾನ ಪ್ರೀತಿಯನ್ನೂ ಹಂಚಿಕೊಂಡಿದ್ದಾರೆ.

ಈ ಹಿಂದೆಯೂ ಹಲವು ಬಾರಿ ಶ್ವಾನ ಪ್ರೀತಿಯ ಬಗ್ಗೆ ಮಾತನಾಡಿರುವ ವೀರೇಂದ್ರ ಸೆಹ್ವಾಗ್​, ತಮ್ಮ ನೆಚ್ಚಿನ 2 ನಾಯಿಗಳ ಜತೆಗಿನ ಚಿತ್ರವನ್ನು ಸಾಮಾಜಿಕ ಜಾಲತಾಣದಲ್ಲಿ ಪ್ರಕಟಿಸಿದ್ದಾರೆ. ಜತೆಗೆ, 'ನಾಯಿಗಳು ಮಾತನಾಡುತ್ತವೆ. ಆದರೆ ಯಾರಿಗೆ ಕೇಳಿಸಿಕೊಳ್ಳಲು ಗೊತ್ತಿರುತ್ತದೋ ಅವರಿಗೆ ಮಾತ್ರ ಅದು ಅರ್ಥವಾಗುತ್ತದೆ' ಎಂದು ಸೆಹ್ವಾಗ್​ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ಎಂಗೇಜ್​ ಆದ ಚಾಹಲ್​ಗೆ ವಿಶೇಷ ರೀತಿಯಲ್ಲಿ ಶುಭಾಶಯ ತಿಳಿಸಿದ ಸೆಹ್ವಾಗ್​, ರೋಹಿತ್​ ಶರ್ಮ

ಭಾರತ ಪರ 104 ಟೆಸ್ಟ್​, 251 ಏಕದಿನ ಮತ್ತು 19 ಟಿ20 ಪಂದ್ಯಗಳನ್ನು ಆಡಿರುವ ವೀರೇಂದ್ರ ಸೆಹ್ವಾಗ್​, ಟೆಸ್ಟ್​ ಕ್ರಿಕೆಟ್​ನಲ್ಲಿ 2 ತ್ರಿಶತಕ ಸಿಡಿಸಿರುವ ವಿಶ್ವದ ಕೆಲವೇ ಬ್ಯಾಟ್ಸ್​ಮನ್​ಗಳಲ್ಲಿ ಒಬ್ಬರೆನಿಸಿದ್ದಾರೆ. ಕಳೆದ ವರ್ಷ ಅಂತಾರಾಷ್ಟ್ರೀಯ ಶ್ವಾನ ದಿನದಂದು (ಆಗಸ್ಟ್​ 26) ಸೆಹ್ವಾಗ್​, ನಾಯಿಮರಿಯೊಂದಕ್ಕೆ ಸ್ನಾನ ಮಾಡಿಸುವ ವಿಡಿಯೋದೊಂದಿಗೆ ಗಮನಸೆಳೆದಿದ್ದರು.