ಸಚಿನ್​ ತೆಂಡುಲ್ಕರ್​ ಅಲ್ಲ, ಸ್ಟೀವನ್​ ಸ್ಮಿತ್​ರಂತೆ ಕಾಣಿಸುತ್ತಿದೆ! ಕ್ರಿಕೆಟ್​ ದಿಗ್ಗಜನ ಪ್ರತಿಮೆ ಟ್ರೋಲ್​!

ಬೆಂಗಳೂರು: ಕ್ರಿಕೆಟ್​ ದಿಗ್ಗಜ ಸಚಿನ್​ ತೆಂಡುಲ್ಕರ್​ ಆಡಿ ಬೆಳೆದ, ಕನಸಿನ ವಿಶ್ವಕಪ್​ ಟ್ರೋಫಿ ಎತ್ತಿಹಿಡಿದ ಮತ್ತು ವೃತ್ತೀಜಿವನಕ್ಕೆ ವಿದಾಯ ಸಾರಿದ ವಾಂಖೆಡೆ ಕ್ರೀಡಾಂಗಣದಲ್ಲಿ ಬುಧವಾರ ಅವರ ಕಂಚಿನ ಪ್ರತಿಮೆ ಸ್ಥಾಪಿಸಲ್ಪಟ್ಟಿದೆ. ಈ ಬಗ್ಗೆ ಸಚಿನ್​ ಅವರೇನೋ ಸಂಭ್ರಮ ವ್ಯಕ್ತಪಡಿಸಿದರು. ಆದರೆ ಅವರ ಅಭಿಮಾನಿಗಳು ಖುಷಿಯಾದಂತಿಲ್ಲ. ಯಾಕೆಂದರೆ ಈ ಪ್ರತಿಮೆ ಸಚಿನ್​ ಅವರಂತೆ ಕಾಣಿಸುತ್ತಿಲ್ಲ. ಬದಲಾಗಿ ಆಸ್ಟ್ರೆಲಿಯಾದ ಬ್ಯಾಟರ್​ ಸ್ಟೀವನ್​ ಸ್ಮಿತ್​ ಅವರಂತೆ ಕಾಣಿಸುತ್ತಿದೆ!

ಸಚಿನ್​ ತೆಂಡುಲ್ಕರ್​ರ ಪ್ರತಿಮೆ ಅವರಿಗಿಂತ ಹೆಚ್ಚಾಗಿ ಸ್ಟೀವನ್​ ಸ್ಮಿತ್​ರನ್ನೇ ಹೋಲುತ್ತಿದೆ ಎಂದು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಜತೆಗೆ ಪ್ರತಿಮೆ ಮತ್ತು ಸ್ಟೀವನ್​ ಸ್ಮಿತ್​ ಇಬ್ಬರೂ ಭಾರಿ ಟ್ರೋಲ್​ಗೆ ಒಳಗಾಗಿದ್ದಾರೆ.

ಸಚಿನ್​ ಚೆಂಡನ್ನು ಗಾಳಿಯಲ್ಲಿ ಬಾರಿಸುವ ಸ್ಟ್ರೈಟ್​​ ಡ್ರೈವ್  ಹೊಡೆತದ ಪ್ರತಿಮೆ ಇದಾಗಿದೆ. ಅಲ್ಲದೆ ಪ್ರತಿಮೆ ಹೆಲ್ಮೆಟ್​ ಕೂಡ ಒಳಗೊಂಡಿದೆ. ಹೀಗಾಗಿ ಸಚಿನ್​ ಮುಖ ಸರಿಯಾಗಿ ಕಾಣಿಸುತ್ತಿಲ್ಲ. ಇದರಿಂದಾಗಿ ಅಭಿಮಾನಿಗಳಿಗೆ ಈ ಮುಖ ಸ್ಟೀವನ್​ ಸ್ಮಿತ್​ ಅವರಂತೆ ಕಾಣಿಸುತ್ತಿದೆ. ಹಲವಾರು ಕ್ರಿಕೆಟ್​ ಪ್ರೇಮಿಗಳೂ ಇದೇ ರೀತಿಯ ಅಭಿಪ್ರಾಯವನ್ನು ವ್ಯಕ್ತಪಡಿಸಿ ಎಕ್ಸ್​ನಲ್ಲಿ ಕಾಮೆಂಟ್​ಗಳನ್ನು ಹಾಕಿದ್ದಾರೆ.

https://www.vijayavani.net/cricketer-sachin-tendulkars-statue-unveiled-at-wankhede-stadium