ಈ ಸೂಪರ್ ಓವರ್​ ಬೇಕಿತ್ತಾ? ಸಂಜು ಸ್ಯಾಮ್ಸನ್​ ಪಡೆಯ ತಪ್ಪು ಎತ್ತಿಹಿಡಿದ ಮಾಜಿ ಕ್ರಿಕೆಟಿಗ | DC vs RR​

DC vs RR​: ನಿನ್ನೆ (ಏ.16) ದೆಹಲಿಯ ಆರುಣ್​ ಜೆಟ್ಲಿ ಕ್ರೀಡಾಂಗಣದಲ್ಲಿ ನಡೆದ ಐಪಿಎಲ್​ನ 36ನೇ​ ಪಂದ್ಯದಲ್ಲಿ ರಾಜಸ್ಥಾನ ರಾಯಲ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ತಂಡಗಳು ಭರ್ಜರಿ ಪೈಪೋಟಿ ನೀಡಿ, ಐಪಿಎಲ್​ 18ನೇ ಆವೃತ್ತಿಯ ಚೊಚ್ಚಲ ಸೂಪರ್​ ಓವರ್​ಗೆ ಸಾಕ್ಷಿಯಾಯಿತು. ಈ ಪಂದ್ಯದ ಕೊನೆಯ ಹಂತದಲ್ಲಿ ಆರ್​ಆರ್​ ಪಡೆ ಹೀನಾಯ ಸೋಲು ಅನುಭವಿಸಿತು.

ಇದನ್ನೂ ಓದಿ: ಮನೆಗೆ ‘ಚಿನ್ನ’ ದೂರದ ಮಾತು ‘ಇನ್ನ’; 10 ಗ್ರಾಂ ಗೋಲ್ಡ್​ ಬೆಲೆ 1 ಲಕ್ಷ ರೂ.ಗೆ ಸನ್ನಿಹಿತ! ಏರಿಕೆ ಹಿಂದಿವೆ ಈ ಕಾರಣಗಳು | Gold Rates

ಎರಡು ರನ್​ ಔಟ್​ನಿಂದ ಸುಲಭ ಗೆಲುವು ಕಳೆದುಕೊಂಡ ಸಂಜು ಸಾಮ್ಸನ್​ ಪಡೆ ನಾಲ್ಕು ವಿಕೆಟ್​ಗಳಿಂದ ಡೆಲ್ಲಿ ಕ್ಯಾಪಿಟಲ್ಸ್​ ಎದುರು ಮಂಡಿಯೂರಿತು. ಸೂಪರ್​ ಓವರ್​​ಗೆ ತಲುಪಿದ ಈ ಪಂದ್ಯ ಬಹಳ ರೋಚಕತೆಗೆ ಸಾಕ್ಷಿಯಾಯಿತು. ಡೆಲ್ಲಿ ಕ್ಯಾಪಿಟಲ್ಸ್​ಗೆ ಮಿಚೆಲ್​ ಸ್ಟಾರ್ಕ್ ಪರಿಣಾಮಕಾರಿ​ ಬೌಲಿಂಗ್​ ಗೆಲುವಿನ ಮಂತ್ರವಾಯಿತು. ರಾಜಸ್ಥಾನ ರಾಯಲ್ಸ್ ಸೋತ ರೀತಿಗೆ ಕಿಡಿಕಾರಿದ ಟೀಮ್ ಇಂಡಿಯಾ ಮಾಜಿ ಸ್ಪಿನ್ನರ್​ ಹರ್ಭಜನ್ ಸಿಂಗ್​, ಈ ಪಂದ್ಯ ನಿಜಕ್ಕೂ ಸೂಪರ್ ಓವರ್​ಗೆ ಹೋಗುವಂತ ಪಂದ್ಯವಾಗಿತ್ತೇ? ಎಂದಿದ್ದಾರೆ.

"200 ರನ್​ ದಾಖಲಿಸಿದ ತಂಡವೊಂದು ಈ ರೀತಿ ಆಡಿದ್ದು ನನಗೆ ನಿಜಕ್ಕೂ ಇಷ್ಟವಾಗಲಿಲ್ಲ. ಆಟದ ಪೂರ ಸಂಜು ಸಾಮ್ಸನ್​ ಪಡೆ ಸಾಕಷ್ಟು ಎಡವಟ್ಟು ಮಾಡಿತು. ಗೆಲ್ಲಲು ಹಲವಾರು ಅವಕಾಶ ತಮ್ಮ ಕೈಯಲ್ಲೇ ಇದ್ದವು. ಆದರೆ, ಸರಿಯಾದ ಸಮಯಕ್ಕೆ ನಿರ್ಧಾರ ತೆಗೆದುಕೊಳ್ಳದೆ ಇದ್ದಿದ್ದೇ ಸೋಲಿಗೆ ಕಾರಣ. ಚೇಸಿಂಗ್​ನ 20ನೇ ಓವರ್‌ನಲ್ಲಿ ಧ್ರುವ್ ಜುರೆಲ್ ಎರಡು ರನ್​ ಓಡಬೇಕಿತ್ತು. ಆಗ ಸೂಪರ್​ ಓವರ್​ ಅವಶ್ಯಕತೆಯೇ ಇರುತ್ತಿರಲಿಲ್ಲ" ಎಂದು ಹೇಳಿದ್ದಾರೆ,(ಏಜೆನ್ಸೀಸ್).

https://www.vijayavani.net/raj-tarun-parents-attacked-lavanya