ಕಳೆದ ಬುಧವಾರ ನಡೆದ ಇಟಾಲಿಯನ್ ಕಪ್ ಫುಟ್ಬಾಲ್ ಫೈನಲ್ ಪಂದ್ಯದಲ್ಲಿ ನಪೋಲಿ ತಂಡದ ವಿರುದ್ಧ ಜುವೆಂಟಸ್ ಗೋಲು ರಹಿತ ಡ್ರಾ ಸಾಧಿಸಿದ ಬಳಿಕ ಪೆನಾಲ್ಟಿ ಶೂಟೌಟ್ನಲ್ಲಿ ಸೋಲು ಕಂಡಿತ್ತು. ಪಂದ್ಯದಲ್ಲಿ ನೀರಸ ನಿರ್ವಹಣೆ ತೋರಿದ್ದ ರೊನಾಲ್ಡೊ, ಪೆನಾಲ್ಟಿ ಶೂಟೌಟ್ನಲ್ಲಿ ಕೊನೆಯ ಸ್ಪಾಟ್ ಕಿಕ್ ಮಾಡಬೇಕಾಗಿತ್ತು. ಆದರೆ ಅದಕ್ಕೆ ಮುನ್ನವೇ ಜುವೆಂಟಸ್ ತಂಡ 4-2ರಿಂದ ಸೋಲು ಕಂಡಿತ್ತು. ಕಳೆದ ವಾರ ಸೆಮಿಫೈನಲ್ ಪಂದ್ಯದಲ್ಲೂ ಎಸಿ ಮಿಲಾನ್ ವಿರುದ್ಧ ಮೊದಲ ಪೆನಾಲ್ಟಿಯಲ್ಲಿ ವಿಫಲರಾದ ಬಳಿಕ ರೊನಾಲ್ಡೊ, ಮೈದಾನದಲ್ಲಿ ಇದ್ದೂ ಇಲ್ಲದಂತಿದ್ದರು. ಮುಂಬರುವ ಸೆರ್ರಿ ಎ ಪಂದ್ಯಗಳಲ್ಲಾದರೂ ರೊನಾಲ್ಡೊ ಲಯ ಕಂಡುಕೊಳ್ಳುವರೇ ಎಂಬ ನಿರೀಕ್ಷೆ ಅಭಿಮಾನಿಗಳದ್ದಾಗಿದೆ.
