ಇಂಗ್ಲೆಂಡ್ ಪ್ರವಾಸಕ್ಕೆ ಮುನ್ನ ಭಾರತ ತಂಡದ ತರಬೇತಿ ಬಳಗದ ಸಿಬ್ಬಂದಿ ಕಡಿತಕ್ಕೆ ಬಿಸಿಸಿಐ ಚಿಂತಿಸಿದ್ದು, ಸಹಾಯಕ ಕೋಚ್ ಅಭಿಷೇಕ್ ನಾಯರ್ ಮತ್ತು ಫೀಲ್ಡಿಂಗ್ ಕೋಚ್ ಟಿ. ದಿಲೀಪ್ ವಜಾಗೊಳ್ಳುವ ಸಾಧ್ಯತೆ ಇದೆ. ಮುಖ್ಯ ಕೋಚ್ ಗೌತಮ್ ಗಂಭೀರ್ ನೇತೃತ್ವದ ತರಬೇತಿ ಬಳಗದ ದೈತ್ಯಗಾತ್ರದ ಬಗ್ಗೆ ಬಿಸಿಸಿಐ ಅಸಮಾಧಾನಗೊಂಡಿದೆ. ಹೀಗಾಗಿ ಅದರ ಗಾತ್ರ ತಗ್ಗಿಸಲು ಮುಂದಾಗಿದೆ ಎಂದು ವರದಿಯಾಗಿದೆ. ರ್ಯಾನ್ ಟೆನ್ ಡೋಶೆಟ್ ಈಗಾಗಲೆ ತಂಡದಲ್ಲಿ ಮತ್ತೋರ್ವ ಸಹಾಯಕ ಕೋಚ್ ಆಗಿ ಇದ್ದರೆ, ಮಾರ್ನ್ ಮಾರ್ಕೆಲ್ ಬೌಲಿಂಗ್ ಕೋಚ್, ಸೀತಾಂಶು ಕೋಟಕ್ ಬ್ಯಾಟಿಂಗ್ ಕೋಚ್ ಮತ್ತು ಪರಾಸ್ ಮಹಾಂಬ್ರೆ ಬೌಲಿಂಗ್ ಕೋಚ್ ಆಗಿದ್ದಾರೆ. ಇದಲ್ಲದೆ ಮೂವರು ಥ್ರೋಡೌನ್ ತಜ್ಞರು, ಇಬ್ಬರು ಮಸಾಜು ತಜ್ಞರು, ತಲಾ ಓರ್ವ ಸೀನಿಯರ್ ಮತ್ತು ಜೂನಿಯರ್ ಫಿಸಿಯೋ, ಓರ್ವ ಡಾಕ್ಟರ್, ಓರ್ವ ಭದ್ರತಾ ಸಿಬ್ಬಂದಿ, ಓರ್ವ ಕಾರ್ಯನಿರ್ವಹಣಾ ಮ್ಯಾನೇಜರ್, ಓರ್ವ ಕಂಪ್ಯೂಟರ್ ವಿಶ್ಲೇಷಕ ಮತ್ತು ಕೆಲ ಲಾಜಿಸ್ಟಿಕ್ಸ್, ಮಾಧ್ಯಮ ಮ್ಯಾನೇಜರ್ಗಳೂ ಇದ್ದಾರೆ. ಡೋಶೆಟ್ ಅವರಿಗೇ ಫೀಲ್ಡಿಂಗ್ ಕೋಚ್ ಹೊಣೆಯನ್ನೂ ಬಿಸಿಸಿಐ ವಹಿಸಲಿದೆ ಎನ್ನಲಾಗಿದೆ.
