VIDEO | ಸೆಮಿಸ್‌ನಲ್ಲಿ ಟಾಸ್ ಫಿಕ್ಸಿಂಗ್‌ ಆಗಿದೆ!; ರೋಹಿತ್ ಶರ್ಮಾ ಉದ್ದೇಶಪೂರ್ವಕವಾಗಿ ನಾಣ್ಯ ದೂರ ಎಸೆದರು: ಸಿಕಂದರ್ ಬಖ್ತ್ ಆರೋಪ

ಮುಂಬೈ: ಬುಧವಾರ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ಭಾರತ ಮತ್ತು ನ್ಯೂಜಿಲೆಂಡ್​ ತಂಡಗಳ ನಡುವೆ ನಡೆದ ಸೆಮಿಫೈನಲ್​ನಲ್ಲಿ ಟೀಮ್ ಇಂಡಿಯಾ ​ಭರ್ಜರಿ ಗೆಲುವು ದಾಖಲಿಸಿತು.

ಇದನ್ನೂ ಓದಿ: ಖಾಲಿ ನಿವೇಶನದಲ್ಲಿ ಗಾಂಜಾ ಬೆಳೆದು ಬಳಸುತ್ತಿದ್ದ ವ್ಯಸನಿಗಳು; ಸಾರ್ವಜನಿಕರು ಹೇಳುವವರೆಗೂ ಪೊಲೀಸರಿಗೆ ಮಾಹಿತಿ ಇಲ್ಲ!

ಈ ಮುಖೇನ ನೇರವಾಗಿ ಫೈನಲ್​ ಪ್ರವೇಶಿಸಿತು. ಇಡೀ ಭಾರತವೇ ಟೀಮ್​ ಇಂಡಿಯಾ ಜಯವನ್ನು ಸಂಭ್ರಮಿಸಿದ್ದು, ಹಬ್ಬದಂತೆ ಪಟಾಕಿ ಸಿಡಿಸಿ ಸಂತಸಪಟ್ಟಿದೆ. ಆದ್ರೆ, ಈ ಮಧ್ಯೆ ಪಾಕಿಸ್ತಾನದ ಮಾಜಿ ಕ್ರಿಕೆಟಿಗ ಸಿಕಂದರ್ ಬಖ್ತ್, ಟಾಸ್​ ಹಾಕುವ ವೇಳೆ ರೋಹಿತ್​ ಶರ್ಮಾ ಮೋಸ ಮಾಡಿದ್ದಾರೆ ಎಂದು ಆರೋಪ ಎಸಗಿದ್ದಾರೆ.

ಟೀಮ್ ಇಂಡಿಯಾ ನಾಯಕ ರೋಹಿತ್ ಶರ್ಮಾ ಉದ್ದೇಶಪೂರ್ವಕವಾಗಿ ಟಾಸ್​ ಕಾಯಿನ್​ ಅನ್ನು ದೂರ ಎಸೆದರು ಎಂದ ಸಿಕಂದರ್ ಬಖ್ತ್, ಏಕದಿನ ವಿಶ್ವಕಪ್​ 2023ರ ಸೆಮಿಸ್‌ನಲ್ಲಿ ಟಾಸ್ ಫಿಕ್ಸಿಂಗ್‌ ಆಗಿದೆ ಎಂದು ಆರೋಪಿಸಿದ್ದಾರೆ. ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ನಾಣ್ಯವನ್ನು ಸಾಧ್ಯವಾದಷ್ಟು ದೂರ ಎಸೆಯುವ ಮೂಲಕ ಟಾಸ್ ಫಿಕ್ಸಿಂಗ್ ಮಾಡಿದ್ದಾರೆ ಎಂದು ಬಖ್ತ್ ಆಘಾತಕಾರಿ ಹೇಳಿಕೆ ನೀಡಿದ್ದಾರೆ.

ಇದನ್ನೂ ಓದಿ: ಕುಡಿವ ನೀರು, ಮೇವು ಪೂರೈಕೆಗೆ ಆದ್ಯತೆ ನೀಡಬೇಕು

ಬುಧವಾರ ಮುಂಬೈನ ವಾಂಖೆಡೆ ಸ್ಟೇಡಿಯಂನಲ್ಲಿ ರೋಹಿತ್ ಶರ್ಮಾ ನಿರ್ಣಾಯಕ ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ಬಲಗೈ ಬ್ಯಾಟರ್ ಆದ ರೋಹಿತ್​, ಆರಂಭದಲ್ಲೇ ಸ್ಪೋಟಕ ಬ್ಯಾಟಿಂಗ್ ಮಾಡಿ 29 ಎಸೆತಗಳಲ್ಲಿ 47 ರನ್ ಗಳಿಸಿ ಪೆವಿಲಿಯನ್​ ಸೇರಿದರು.

ಇದನ್ನೂ ಓದಿ:  ವಿಶ್ವಕಪ್ ಕ್ರಿಕೆಟ್​, ಇಂದು ಗೆಲುವು ಯಾರಿಗೆ?: ಇಲ್ಲಿದೆ ಮಾಹಿತಿ; ಈತ ನಿನ್ನೆಯ ಸೆಮಿಫೈನಲ್ ಬಗ್ಗೆ ಮೊನ್ನೆ ಹೇಳಿದ್ದೂ ನಿಜವಾಗಿತ್ತು!

ಶರ್ಮಾ ಬೆನ್ನಲ್ಲೇ ರಿಟೈರ್ಡ್​ ಹರ್ಟ್​ ಆದ ಶುಭಮನ್​ ಗಿಲ್​ 79* ರನ್​ ಗಳಿಸಿ ಹೊರನಡೆದರು. ತದನಂತರ ಅಖಾಡಕ್ಕೆ ಬಂದ ರನ್​ ಮಷಿನ್​ ವಿರಾಟ್ ಕೊಹ್ಲಿ ಮತ್ತು ಶ್ರೇಯಸ್ ಅಯ್ಯರ್ ಅವರ ಸ್ಪೋಟಕ ಬ್ಯಾಟಿಂಗ್​ ಭಾರತ ಬೃಹತ್ ಮೊತ್ತ ಗಳಿಸುವಲ್ಲಿ ಹೆಚ್ಚು ಸಹಾಯ ಮಾಡಿತು. ಈ ಪಂದ್ಯದಲ್ಲಿ ಇಬ್ಬರು ಶತಕ ಸಿಡಿಸಿ, ಟೀಮ್​ ಇಂಡಿಯಾಗೆ ಮತ್ತಷ್ಟು ಬಲವನ್ನು ನೀಡಿದರು.

ಪಾಕಿಸ್ತಾನದ ಕ್ರಿಕೆಟಿಗರು ಟೀಮ್​ ಇಂಡಿಯಾ ವಿರುದ್ಧ ಈ ರೀತಿ ತಪ್ಪು ಆರೋಪ ಮಾಡಿರುವುದು ಇದೇ ಪ್ರಥಮ ಬಾರಿ ಅಲ್ಲ. ಇದಕ್ಕೂ ಮೊದಲು, ಹಲವು ಬಾರಿ ಇಂಥ ಆರೋಪಗಳನ್ನು ಎಸಗಿದ್ದಾರೆ,(ಏಜೆನ್ಸೀಸ್).

https://www.vijayavani.net/man-rapes-8-year-old-boy-accused-arrested