ನವದೆಹಲಿ: 17 ವರ್ಷಗಳ ಬಳಿಕ ಭಾರತಕ್ಕೆ ನಾಯಕನಾಗಿ ಟಿ20 ವಿಶ್ವಕಪ್ ತಂದುಕೊಟ್ಟ ಟೀಮ್ ಇಂಡಿಯಾ ಕ್ಯಾಪ್ಟನ್ ರೋಹಿತ್ ಶರ್ಮ, ಇಂದಿಗೂ ಕ್ರಿಕೆಟ್ ಅಭಿಮಾನಿಗಳ ಅಚ್ಚುಮೆಚ್ಚಿನ ಕ್ರಿಕೆಟಿಗ. ಇತ್ತೀಚೆಗಷ್ಟೇ ಅತಿಥೇಯ ಶ್ರೀಲಂಕಾ ವಿರುದ್ಧದ ಮೂರು ಪಂದ್ಯಗಳ ಏಕದಿನ ಸರಣಿಯಲ್ಲಿ ಎರಡನೇ ಪಂದ್ಯವನ್ನು ಹೀನಾಯವಾಗಿ ಸೋಲುವ ಮೂಲಕ ಸರಣಿಯನ್ನೇ ಕಳೆದುಕೊಂಡ ಟೀಮ್ ಇಂಡಿಯಾ, ರೋಹಿತ್ ಶರ್ಮ ನಾಯಕತ್ವದಲ್ಲಿ ಹೀನಾಯ ಸೋಲುಂಡಿತು. ಇದು ಅನೇಕರ ಟೀಕೆ, ವ್ಯಂಗ್ಯಗಳಿಗೂ ಕಾರಣವಾಯಿತು. ನಮಗೆಲ್ಲಾ ತಿಳಿದಿರುವ ಹಾಗೆ ಸಿಟ್ಟಿಗೆ ಒಳಗಾಗುವ ಶರ್ಮ, ಹಲವು ಬಾರಿ ಪಂದ್ಯದ ಮಧ್ಯೆಯೇ ತಂಡದ ಆಟಗಾರರ ಮೇಲೆ ಗರಂ ಆಗಿ, ಬೈದಿದ್ದು ಉಂಟು. ಸದ್ಯ ಈ ವಿಚಾರ ಇದೀಗ ಮುನ್ನೆಲೆಗೆ ಬಂದಿದ್ದು, ವೇಗಿ ಮೊಹಮ್ಮದ್ ಶಮ್ಮಿ ಮತ್ತು ಶ್ರೇಯಸ್ ಅಯ್ಯರ್ ಮೌನ ಮುರಿದಿದ್ದಾರೆ.
